Matayo 13:23 - KITABU KITAKATIFU

²³ Uvuguza vwamizwa mu marova amagunamu, voveeye kuli avandu vahuliraa likuva na valimanya, navo vaama amakuyu ligali; luguza lulala lwamaa mia, ulundi sitini, nu lundi salasini.”

Matayo 13:23 ပူးပေါင်းရင်းမြစ်များ

Ezekieli 18:31

Muleke uvudamanu vwosi vwa mwakoraa, na muve nu mwoyo muhia kandi Roho muhia. Kigira ki munyi avandu va Isiraeli mwenya kukuza?

Ezekieli 36:26

Ndamuha umwoyo muhia, kandi ndaviika Roho muhia mu munyi. Ndatuliza mu munyi umwoyo mudinyu gwi ligina na ndaviika mu munyi umwoyo gwi liegehiza.

Matayo 12:33

“Ni mwenya munyore makuyu malahi, gamudukira muve nu musaala umulahi; kandi ni mwenya munyore makuyu madamanu, muve nu musaala mudamanu. Umusaala gumanyikanaa ku makuyu gagwo.

Matayo 13:8

Uvundi vwagwa mu marova magunamu, ni vwama uvuswage. Vulala vwama imia ndala, uvundi sitini, nu uvundi salasini.”

Matayo 3:10

Kali kalunu imbaazi iviikiywi mu vitinya vie misaala. Musaala gwosi ugutaama makuyu amalahi gulatemagwa, ma goteevwe mu muliru.

Matayo 3:8

Gamudukira mukore ivikolwa vimanyia ndi mumali kwiganira.

Marko 10:15

Muvooleraa agiligali, umundu woosi utavugilira Uvwami vwa Nyasaye kuli umwana mukekeeke, sialingira muvwo mba.”

Marko 4:20

Navuzwa avandu vandi vaveeye kuli uvuguza vugwizaa mu marova magunamu. Vahuliraa ilikuva, valivugilira, kandi vaama amakuyu: avalala salasini, avandi sitini, na avandi mia.”

Luka 13:9

Niiva gulama amakuyu muhiga guzaa, vulahi; navuzwa nigutama, unyala kugotema.’ ”

Luka 8:15

Uvuguza vwagwa mu marova malahi na magunamu ni yavo avahulira likuva ma valigumira nu vusuuvirifu vwosi kandi numwoyo mulahi gwosi kandi vikuzira kuduuka lwa vaama amakuyu.

Luka 8:8

Vuguza vundi vwagwa mu marova amagunamu ni vomera, nivuviruka, nivwama mia ku vuli kitinya.” Yeso yamaliriza vindu yivi navoora, “Oveeye na amatu gukuhulira, ahuliri.”

Yohana 15:16

Munyi simwandovola mba; navuzwa inzi ndamutovora kandi nimutuma muzie kwama makuyu manyingi kandi makuyu ginyu gahindiri; kunangwa Baba aduuki kumuha choosi cha muteeva mu lieta liange.

Yohana 8:47

Uyu oveeye wa Nyasaye ahuliraa amakuva ga Nyasaye. Navuzwa munyi muvura kugahulira kigira munyi simuveeye avandu va Nyasaye mba.”

Vikolwa 16:14

Mulala ku yavo avakuhulira yaali Lidia, kutura mu lidaala lia Ziatira, yaali mukoli wi viasara vie zinguvu zie rangi ya muzambarao. Yaali mukali uwaasigamiraa Nyasaye. Mwami yakunura mwoyo gwigwe kuhulira icha Paolo yavoola.

Vikolwa 17:11

Avandu vu weneyo vaali avahuliri kuvita avandu va Tesalonike. Vavugilira likuva ni likayirwa linene, nivenya mu Mang'oda Matakatifu kazozo valore niiva amakuva ga Paolo na Sila vavoola gaali gagiligali.

2 Vakorintho 9:10

Nyasaye uhaanaa vuguza ku mumizi kandi chukulia chukutumikira alakuha uvuguza vwukumiza vwa mwenya; alavomeda kandi alakiriza ligesa liu vuhaani vwinyu vwosi.

Vafilipi 1:11

Livamwoyo lienyu liosi liliizula amakuyu goosi gu vulungi agatulaa mu Yeso Kristo kuduuka ku uvukumi ni ilizominywa lia Nyasaye.

Vafilipi 4:17

Sigaveeye nyenya vuzwa konyoora ivihaanwa, navuzwa nyenya kolola ivikolwa ivilahi nivimedekaa ku ga mumali.

Vakolosai 1:10

Maku mulamenya mu liiva liu Mwami yenya kandi mulakola ikiyaanzizaa umwami kazozo. Mu limenya lienyu liosi mulakola zing'ano ziosi zie vikolwa vilahi, kandi mulaviruka mu limanya Nyasaye.

Vakolosai 1:6

Ivangeri yiyi imali kuduuka ku munyi kuli wa veeye mu lirova liosi nokoleta vugasu no komeedeka, kuli eveeye ku munyi kandi, kutura lidiku lia mwa hulira nu kumanyiriza zimbavasi zia Nyasaye mu agiligali.

1 Vatesalonike 4:1

Mu limaliriza, avaamitu, viitu, mwigi kutura ku kunyi kuli gamuduukira komenya kunangwa muduuki kuyaanziza Nyasaye. Nindio mwamenyangi kandi kalunu kumugoonya nu kumwiganihiza mu lieta liu Mwami Yeso mumeede kokora ndio ligali.

2 Vatesalonike 2:10

Alatumikira kandi uvugadi vwi zing'ano ziosi ku yavo avadivaa. Valadiva kigira vasuura kuyaanza agiligali ku vaduuki kohonywa.

Vahebraina 4:2

Kunyi kwamala kuhulira amakuva malahi gi Ivangeri kuli navo vilwazirwa, vahulira likuva zana, navuzwa siliavakoonya mba, kigira lwa valihulira, sivalivugula ni lisuuvira mba.

Vahebraina 6:7

Nyasaye agasizaa lirova linwezaa imbura ikubaa kazozo kulio, kandi limeraa vitagwa ni zinguza ziveeye novokoonyi ku yavo avalilimaa; linyoola uvugasu vwa Nyasaye.

Vahebraina 8:10

Kalunu, yili nilio lilagana lia ndilomba na vandu va Isiraeli mu madiku gaaza, Mwami avoora, ndaviika malago gange mu zing'anagani ziavo, kandi ndakagang'ode mu mioyo jaavo; kandi ndakave Nyasaye wavo, navo valakave avandu vange.

2 Petro 3:18

Navuzwa muzizagiliri kuviruka mu zimbavasi novogeri vwu Mwami wiitu nu muhonyi Yeso Kristo. Uvukumi vove kuye, kalunu kandi mihiga ni mihiga! Amini.

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.