Matayo 12:46 - KITABU KITAKATIFU

⁴⁶ Lwa Yeso yaali nakemoloma ku viduma, henza, mama weve na avamwavo veve vaza nivasingira ichova, ni venya kovolerana naye.

Matayo 12:46 ပူးပေါင်းရင်းမြစ်များ

Matayo 1:18

Liivulwa lia Yeso Kristo liali kuli ndi. Lwa Josefu yaali ni yakakwa Maria, mama wa Yeso, navuzwa nivakikiri kuva harara, kuli musaza nu mukali, yanyooleka naveeye ninda ya Roho Mutakatifu.

Matayo 12:47

Kunangwa, mundu mulala yamuvolera, “Mama woovo na avamwavo vovo vaveeye ichova, venya kovolerana niivi.”

Matayo 13:55

Uyu siaveeye umwana wu muvaazi? Mama weve sialangwa Maria? Nu avamwavo veve, sivaveeye vanga Yakobo, Yosefu, Simoni na Yuda?

Matayo 2:11

Vingira munyumba, ni valora umwana na Maria mama weve; na viinama imbiri weve ni vamusigamira. Vavoholora iziakiiba ziavo, ni vamuha vihaanwa viezahabu, ikimuli na manemane.

Matayo 2:20

namuvolera, “Vuka! Vugula umwana na mama weve, wirane kandi mu kivala cha Isiraeli, kigira yavo avenyaa kwita umwana, vamali kukuza.”

Marko 2:21

“Sihaveeye ho nu mundu ukalaa kilavi chinguvu imbia ma akinavira kunguvu ingulu mba. Naakoraa ndio, ikilavi kihia yicho kililinga makihuduli inguvu yeyo, nayo ilatandukila ligali.

Marko 6:3

Uyu siaveeye umuvazi, umwana wa Maria, amwavo Yakobo, Jose, Yuda na Simoni? Avavozo veve si vamenya hano harara ni kunyi?” Na vamusuura.

Luka 1:43

Inzi nivwaha kali mama wu Mwami wange yaaze ku inzi?

Luka 2:33

Josefu, baba na Maria mama wu mwana, vagenya ku amakuva ga Simioni yavoola ku mwana wavo.

Luka 2:34

Simioni yavagasiza navolera Maria, mama weve, “Henza mwana uyu otovoleywi na Nyasaye, kigira lidivizwa kandi lihonywa lia vandu avanyingi mu Isiraeli. Naye alava kilolero kutura ku Nyasaye, cha vandu valakasuuli,

Luka 2:48

Lwa aviivuli vamulola vagenya ligali. Maria mama weve yamuteeva, “Mwana wange, kigira ki okokoli kuli ndi? Baba woovo ninzi kukwenyi ni mioyo gietu giosi.”

Luka 2:51

Kunangwa yirana harara naviivuli kuduuka Nazareti, ni yegehiza kuvo. Mama weve yavika amakuva yaga goosi mu mwoyo gwigwe.

Luka 8:10

Yeso yativura, “Munyi muheveywi limanya lia gaviswa gu Vwami vwa Nyasaye, navuzwa ku vandi inzi molomera mu zing'ano, kunangwa kali nivahenza vudinyu, sivanyala kolola mba kali nivahuliriza, sivanyala kumanyiriza mba.”

Yohana 19:25

Navuzwa mama weve, na amwavo mama weve Maria mukali wa Kiliopa, na Maria Magadalena vasingira ahimbi ha musalaba gwa Yeso.

Yohana 2:1

Ku lidiku lia kavaga nekeselero chaliho mu lidaala lia Kana, mu kivala cha Galilaya. Mama wa Yeso yaaliyo.

Yohana 2:12

Inyima wa yaga, Yeso yasulunguta harara na mama weve, na avamwavo veve na aviigi veve, nivazia Kaperinaumi. Vamenya yo madiku makekeeke.

Yohana 2:5

Mama weve yavolera avatumikiri, “Mukore choosi icha amuvoleraa.”

Yohana 7:10

Navuzwa inyima wa avamwavo veve vaali nivakamara kuzia mu lisavo, Yeso naye yazia, navuzwa si yazia havulavu mba, nitali mu vwivisu.

Yohana 7:3

Kunangwa avamwavo Yeso vamuvolera, “Tula hano uzie Ivuyuda, kunangwa aviigi vovo vaduuki kolola miyinzi jo okolaa.

Yohana 7:5

Kali avamwavo veve sivamusuuviraa mba!

Vikolwa 1:14

Yava vosi vavugana harara kazozo mu lisaala, kuli muganda, harara na vakali kandi Maria mama wa Yeso, na avamwavo veve.

1 Vakorintho 9:5

Mbeeye nu vunyali ligali kuvugura mukali Mukristayo wache kuzia naye mu zing'endo ziange, kuli avatumwa vandi vakora, kandi vamiitu vu Mwami harara na Petero.

Vagalatia 1:19

Sindalola avatumwa vandi mba, natali Yakobo, amwavo wu Mwami yengine.