Matayo 12:35 - KITABU KITAKATIFU

³⁵ Mundu mulahi aleetaa ivindu vilahi kutura mu livikiru lilahi liumwoyo gwigwe; kandi umundu mudamanu atulizaa amadamanu kutura mu livikiru liu uvudamanu vwu mwoyo.

Matayo 12:35 ပူးပေါင်းရင်းမြစ်များ

Ayubu 8:10

Navuzwa leka avageri va maziambiri va kwigizi; hulirizi ku makuva ga vavola.

Tsing'ano 12:6

Amakuva gavandu avachamu gaveeye guvwiti, navuzwa makuva gavandu avalungi gahonyia yavo vatihizwa.

Tsing'ano 15:23

Ni vusangali ki konyoora makuva gaduukanaa mung'inga idukanaa!

Tsing'ano 15:28

Vandu valahi vaganaganyia nivakikiri kutivula kindu; Avandu vadamanu vahaana mativuli ga vwangu, navuzwa gavaviikaa muvudinyu.

Tsing'ano 15:4

Amakuva malahi galetaa livamwoyo, navuzwa makuva malulu gaduvulanyia mwoyo gugwo.

Matayo 12:34

Munyi avana vi zinzoka! Munyala kovora ndi ivindu vilahi, lwa muveeye avadamanu? Kigira munwa govoora amakuva gizuyi mu mwoyo.

Matayo 13:52

Yeso yavavolera, “Ku lwa yago, Mwigizi wi Lilaga samulala, umali kwigizwa amakuva gu vwami vwu mwigulu, aveeye kuli mundu mwene inyumba, utuliza mu kedeera chiche ivindu vihia kandi ivindu vikulu.”

Matayo 7:17

Kunangwa, musaala gwosi mulahi gwamaa makuyu malahi; navuzwa musaala mudamanu gwamaa makuyu madamanu.

Luka 6:45

Mundu mulahi atulizaa vindu viveeye vilahi ku vulahi vomenyaa mu mwoyo gwigwe; kandi mundu mudamanu atulizaa vindu viveeye vidamanu ivimenyaa mu mwoyo gwigwe kandi, mundu amolomaa kuturana ku agaveeye mu mwoyo gwigwe.

Vafeso 4:29

Mutaleki likuva lidamanu kali lilala lituli mu minwa jinyu kali hakuzu mba, navuzwa muvoore makuva gaveeye malahi gukwumbaka gaduukanaa ni ing'inga yene yeyo, kandi gaduuki kuhaana zimbavasi kuyavo vagahulira.

Vakolosai 3:16

Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.

Vakolosai 4:6

Muleke livoora lienyu live ligasu nilio kuyaanziza madiku goosi, muduuki kumanya kuli gamuduukira kutivulira mundu sa mulala.