Matayo 12:15 - KITABU KITAKATIFU

¹⁵ Lwa Yeso yamanya likuva yilio, yatura ahene yaho. Avandu vanyingi vaamulonda, nahonyia avalwaye vosi,

Matayo 12:15 ပူးပေါင်းရင်းမြစ်များ

Matayo 10:23

“Navuzwa avandu ni vamudambiza mu lidaala lilala, mwirukiri mu lidaala lindi. Agiligali muvooleraa, si mulimala ligenda lienyu mu madaala goosi aga Isiraeli, Umwana wa Adamu nakikiri kuuza mba.

Matayo 19:2

Viduma vinene via avandu viamulonda, naye yavahonyira yo.

Marko 6:56

Hoosi aha Yeso yazia, mu tudaala, mu madaala, anoho mu kivala choosi, avandu valeta avalwaye mu viitu, ni vamuhoomba avavugiliri kudiira vuzwa ku lukigiti lwi inguvu yeeye. Na vosi avamudiira vaahona.

Luka 5:22

Lwa Yeso yamanya zing'anagani ziavo yateeva, “Muganaganaa ki mu mioyo jinyu?

Luka 6:12

Lidiku lilala Yeso yazia mu kiguru kusaala, kandi yagona yo nasaalaa ku Nyasaye uvudiku vwosi.

Luka 9:11

Navuzwa lwi viduma via avandu vamanya yaga, vamulondelera. Yeso yavingiriza navavoolera amakuva guvwami vwa Nyasaye, kandi yahonyia yavo avaari ni lienya vahonywe.

Yohana 11:54

Kigira yaga, Yeso si yagenda kandi havulavu hagati ha Ivayuda mba, navuzwa yatura ahene yaho nazia ahimbi muchangalangwe, mu lidaala lialangwa Efuraimu. Yamenya uwene yeyo harara na aviigi veve.

Yohana 7:1

Inyima wa yaga, Yeso yaali nagendagendaa mu Galilaya. Si yenya kuzia mu kivala chi Vuyuda kigira avanene va Avayuda venya kumwita.

Yohana 9:4

Vukiri mbasu, gaduukanaa ngole miyinzi ja uyu uwanduma, kigira uvudiku vuzaa lwu mundu atanyala kokora miyinzi.

Vagalatia 6:9

Kunangwa kunyi kutaluha ku likora uvulahi mba, kigira kulavuna mu zing'inga ndahi, kulakagese niiva si kukuza mioyo mba.

1 Petro 2:21

Nyasaye yamulanga kigira Kristo yasaalira kigira munyi, naamulekera chokohenzera kunangwa muduuki kolonda zinduvatiru zizie.