Matayo 11:18 - KITABU KITAKATIFU

¹⁸ Kigira Yohana yaza, naahonga lilia, kandi si yaanwa iwaini mba, navo vavoola, ‘Aveeye ni lidemoni!’

Matayo 11:18 ပူးပေါင်းရင်းမြစ်များ

2 Avami 9:11

Jehu yirana ku vanene vache veve, avamuteeva, “Vindu viosi vikaveeye vilahi noho? Mulalu ula yenyangi ki ku ivi?” Yavativulira, “Munyi mumanyi icha yenyangi.”

Jeremia 15:17

Inzi sindiikala harara nu muganda guyaanzaa kandi kusangalira uvudamanu mba. Kigira liitia amalago googo ndikala wengine kandi ndaali nu vutima vunyingi.

Jeremia 29:26

“Zefania, Yahova yakola ivi kuva musaalisi mu vogono vwa Jehoyada, kandi kalunu oveeye umunene mu Litembeli. Nu Vunyali vwuvwo kolola ndi mundu woosi oveeye umulalu, kandi wekolaa umuporofeti, agumilwi nokovofwa ni minyororo kandi kumuviika munyumba ya avahambe.

Hosea 9:7

Ing'inga yu kuhaana mageri imali kuduuka. Yiyi ni ing'inga lwa avandu navanyoole agadukanaa navo. Lwa yago gakolekaa, avandu va Isiraeli valamanya! Mulavoola ndi, “Muporofeti uyu aveeye umusiru; kandi aveeye na roho gwu vulalu.” Avandu munyi muvadunyira kigira uvwoni vwinyu voveeye ovonene ligali.

Matayo 10:25

Gaduukiraa umwigi ave kuli mwigizi weve, nu mutugwa kuli mutugi weve. Niiva valangi mwene nyumba Belizebuli, na valalanga ndi avandu vinyumba yeeye? Avandu vandi si valalangwa amita amadamanu mbitilira mba!

Matayo 11:17

‘Kwamukubira lilere mu kelero, navuzwa munyi simwavina mba. Kwamwimbira zinyimbu zie lekura, navuzwa munyi simwalira mba.’

Matayo 3:4

Yohana yiviika inguvu yanavwa ku uvwoya vwi ing'amia, nayeevoha musibi gwe kesero mu kekenge chiche. Viukulia vivie viali zisigi nu uvwuki vwu mu mulitu.

Matayo 9:34

Navuzwa Avafarisayo vavoola, “Akunga amademoni ni zinguru ziu munene wa mademoni.”

Marko 3:22

Avigizi valala vi Lilaga avaari nivatuli Jerusalemi vavoola, “Aveeye na Belizebuli muye! Belizebuli uyu niyie umunene wa mademoni umuhezaa zinguru kugakuunga.”

Luka 1:15

Alakave munene imbiri wu Mwami. Si alinwa iwaini anoho amalwa mba, naye aliizula Roho Mutakatifu kutura munda mwa mama weve.

Yohana 10:20

Avanyingi kuvo vavoola, “Aveeye ni lidemoni; kandi nu mulalu! Kigira ki mu muhulirizaa?”

Yohana 7:20

Avandu yavo vaamutivulira, “ Oveeye nilidemoni! Nivwaha wenyaa kukwita?”

Yohana 8:48

Avayuda vateva Yeso, “Si koveeye vulungi lwa kovora ndi ivi oveeye Musamaria, kandi oveeye nilidemoni?”

Yohana 8:52

Avayuda vamuvolera, “Kalunu kumanyi agiligali ndi ivi oveeye ni lidemoni! Aburahamu yakuza, kandi avaporofeti vaakuza, navuzwa ivi ovola, ‘Ku vosi ugumira amigizu gange sialakuza mba!’

Vikolwa 26:24

Lwa Paolo yaali mu liekinga lilie kuli ndio, Fesito yamuhanzukira nu mwoyo munene, “Paolo! Ulaluki! Lisoma liilio linyingi likulalukizi!”

1 Vakorintho 9:27

Nombaa umuviri gwange kuva mudukiru ligali ku liduywa kunangwa inzi mwene kandi ndanyooleke nimbeeye harara na yavo avandaamara kulanga mu ligerana yili.