Matayo 10:14 - KITABU KITAKATIFU

¹⁴ Mundu ku vosi utamwingiriza anoho utahuliriza ku makuva ginyu, lwa muturaa munyumba yeyo, anoho mu lidaala yilio, mweye uluguchi lwu mu zinduvatiru zienyu.

Matayo 10:14 ပူးပေါင်းရင်းမြစ်များ

Nehemia 5:13

Maku ndatuliza ni ndasung'usa inguvu yumusibi yandali ninziviki niimboora, “Nyasaye alasung'usa kuli ndio mundu sa mulala uvula kuduukiza lisuuviriza yili, atuli munyumba yeeye, na mumiyinzi jije. Mundu uyu asung'uswi ndio kandi akolwe hazwa.” Avandu vosi vavoola “Amini!” Kandi vizominya Yahova. Na aviimiliri vaalinda Lilagana liavo.

Matayo 10:13

Aveene inyumba nivavugilira mirembe jinyu, mirembe jinyu jilamenya harara navo. Navuzwa nivatavugilira, mirembe jinyu jilamwilanira munyi aveene.

Matayo 18:5

Ku vosi uwingirizaa umwana mukekeeke kuli uyu ku lieta liange, yingirizaa inzi.

Marko 6:11

Navuzwa hoosi ha vandu valivula kumwingiriza anoho ku muhulira, muturi ho namweye uluguchi lwu mu zinduvatiru zienyu, yaga gave ekelolero kuvo.”

Marko 9:37

“Uvugilira mwana kuli uyu mu lieta liange, avugiliraa inzi; na uyu uvugilira inzi siavugiliraa inzi, navuzwa avugiliraa kandi uyu uwanduma.”

Luka 9:48

Yavavolera; “Ku vosi ulingiriza mwana mukekeeke uyu kigira lieta liange, yingirizaa inzi. Ku vosi ulingiriza inzi kandi, yingirizaa uyu uwanduma. Oveeye mukekeeke ku munyi vosi, uyu niyie oveeye munene.”

Luka 9:5

Niiva avandu sivalamwingiriza, mmweye luguchi lutuli ku virenge vienyu lwa muva ni muturaa mu lidaala yilio, keve kelolero kuvo.”

Yohana 13:20

Muvooleraa agiligali, ku vosi, uvugilira oyo wa inzi nduma, avugiliraa inzi, naye uvugilira inzi avugiliraa oyo uwanduma.”

Vikolwa 13:51

Navuzwa avatumwa vavungulura luguchi lwali mu virenge viavo love kelolero chi likalaga kuvo, ma nivazia Ikoniamu.

Vikolwa 18:6

Lwa vahing'ana naye nivatanga kumunyega, yavungula luguchi kutura kuzinguvu zizie imbiri wavo navavoolera, “Masahi ginyu gave ku munyi aveene. Inzi mbula imbara mu makuva yaga. Na kutura kalunu nziza ku avandu vi Zihiiri zindi.”

1 Vatesalonike 4:8

Kunangwa, uyu usuulanga amigizu yaga siasuraa mundu, navuzwa asuraa Nyasaye, uhaanaa kumunyi Roho weve Mutakatifu.