Matayo 1:25 - KITABU KITAKATIFU

²⁵ Navuzwa si yaali harara naye kuli mukali nu musaza mba, kuduuka lwa Maria yivula umwana muyaayi. Josefu ya mugulika lieta lilie Yeso.

Matayo 1:25 ပူးပေါင်းရင်းမြစ်များ

2 Samweli 6:23

Mikali, mukaana wa Saolo, siyiivula ku mwana woosi kuduuka lidiku lia yakuza mba.

1 Avami 1:4

Mukaana uyu yaali wi ligondo lilahi ligali; yalinda mwami kandi naamutumikira navuzwa mwami siyaali ku harara naye kuli musaza numukali mba.

Kutwula 13:2

“Uhaane ku inzi, Yahova vana vayaayi uvukutanga kwivulwa, kandi mitugu jukutanga kwivulwa. Muyaayi woosi wivulwa kutanga mu Egebeti kandi mutugu gwosi musaza gwivulwa kutanga, viosi viveeye viange.”

Kutwula 22:29

“Muhaane kuinzi zisadaka zie ligesa lienyu, lie iwaini yienyu namaguta gamizeituni ginyu lwa muva nimwakagesa. “Muhaane ku inzi avana vayaayi vinyu vukutanga kwivulwa.

Matayo 1:21

Aliivula umwana muyaayi, na ulamugulika lieta lilie Yeso, kigira uyu nivie ulihonvia avandu veve kutura muuvwoni vwavo.”

Matayo 1:24

Lwa Josefu yavuka mu zindoolo zizie, yakola kuli engelosi wu Mwami yamulaga, navugura mukali weve.

Luka 1:31

Henza! Ivi ulavereka na ulivuula mwana muyaayi na ulamugulika, Yeso.

Luka 2:21

Inyima wa madiku munane, ing'inga yokokevwa kwu mwana yaduuka, yagulikwa Yeso kuli engelosi yamugulika lieta nakiri koverekwa.

Luka 2:7

Maria yivula mwana weve muyaayi wimbiri naamulingira mu zinguvu ziu mwana, namwaliriza ku mulinga gwi zing'ombe ziliiraa ku, kigira sivanyoola ovogono munyumba yavageni mba.

Varumi 8:29

Yavo ava Nyasaye yatovola kutura mu litanga nivo ava yaahula vaduuki kuva kuli Mwana weve, kunangwa Mwana aduuki kuva wu kutanga hagati ha vamwavo vanyingi.