Marko 9:12 - KITABU KITAKATIFU

¹² Yavativulira, “Yee, ligali Elija alaza kutanga aduuki kwetegekiza vuli kindu. Navuzwa kigira ki gang'odwa mu Mang'oda Matakatifu ndi, Mwana wa Adamu alakubizwa ikivi kinyingi nu kuchaywa?

Marko 9:12 ပူးပေါင်းရင်းမြစ်များ

Zaburi 74:22

Singira, O, Nyasaye, na wesoole ivi mwene. Wizulizi ndi avandu avatamanyi ivi Nyasaye vakokolera kehenyahenye, muvasu gwosi.

Isaya 49:7

Nyasaye Mutakatifu wa avandu va Isiraeli kandi muhonyi avooreraa mulala olegelizwa ligali, udunyirangwa ni zihiiri kandi oveeye mutumikiri wa avamihi ndi: “Avami vaavo valakolora noveeye muvoholore, kandi valaza nukuhaana uluyali ku ivi; Avanene kandi valakolola noveeye muvoholore kandi valasigama kukuha luyali.” Yaga galakoleka kigira Yahova umali kotovola mutumikiri weve, Mutakatifu wa vandu va Isiraeli alindaa malagano geege.

Isaya 50:6

Ndahaana mugongo gwange ku vasigu vange. Kandi ndagilung'ana niimbana zisaya ziange vaduuki kumanyula zinderu ziange. Si ndaavisa mumoni mwange kutura ku livikwa mu zisoni kandi kutuzilwa amate mba.

Isaya 52:14

Avandu vanyingi valatimukwa engolo lwa vamulola kigira ligondo lilie liononywa; siyaali kandi ni ligondo liu mundu mba.

Zekaria 11:13

Yahova yambolera, “Uziviiki mulivikiru lie Litembeli” kunangwa ndavugura vidonye 30 vie ifeza, mabese malahi gavasuuviraa vaduukana vambe kuli mitungu maningaviika mu livikilu lie litembeli

Zekaria 13:7

Yahova Wuvunyali avoora, “O, kivavi, vuka ulwaane mwayi wange! Oveeye ahimbi ni Inzi! Kuya mwayi uyu, na magondi galasalanywa. Inzi ndalwaana vimeme viago.

Malaki 4:6

Alakaleete lihambana ni mirembe hagati ha vababa na vana; nigataveeye ndio, ngano ndayiza kudiviza kivala chiinyu.”

Matayo 16:21

Kutura ing'inga yeyo, Yeso yaatanga kumanyia aviigi veve havulavu ndi, “Gandukira kuzia Jerusalemi, kandi ngubizwi kivi kenene na vakulundu vasaalisi vanene harara na avigizi vi Lilaga, kandi nzitwi, navuzwa ku lidiku lia kavaga ndakasimugukizwi.”

Matayo 26:24

Yee, Umwana wa Adamu alakuza kuli gang'odwa kuye, mu Mang'oda Matakatifu, navuzwa, kilaamo keveeye ku oyo uzamaa Umwana wa Adamu! Vwali vwakaveeye vulahi musaza uyu alavula kwivulwa!”

Marko 10:33

Yeso yavavolera, “Huliri! Kuziiza Jerusalemi wu Umwana wa Adamu azizaa kuzamwa ku vasaalisi vanene na avigizi vi Lilaga. Navo valamukalagira aduuki kwitwa, na valamuhaana ku avandu vi zihiiri zindi.

Marko 9:13

Navuzwa muvooleraa, ligali Elija yamala kuuza, na avandu vamukolera kuli gavayaanzizaa kuli gang'odwa kuye.”

Marko 9:31

kigira yaali ni yigizaa aviigi veve: Yaviigiza navoora, “Mwana wa Adamu alaviikwa mu makono ga avandu avalimwiti. Navuzwa niyakiitwa, inyima wa madiku gavaga, alasimuguka.”

Luka 1:76

“Ivi, mwana wange, ulalangwa muporofeti wa Nyasaye Oveeye igulu Ligali. Ulazia imbiri wu Mwami kumulombera zinzira zizie.

Luka 23:11

Herodi harara navasikari veve vachaya ni vaviika Yeso mu zisoni, nivamukolera kehenyahenye. Vaviika Yeso iganza indahi yuluyali ma nivamwiranyia wa Pilato.

Luka 23:39

Mulala ku vandu vaali vakoli vudamanu waali navambiywi naye yaamunyega navoora, “Ivi sioveeye Kristo? Wehonyie mwene harara ni kunyi.”

Vikolwa 1:6

Lwa avatumwa vavugana harara na Yeso, vamuteeva, “Mwami, ing'inga yiyi uliranyira Isiraeli Uvwami?”

Vikolwa 4:11

Yeso niyie wa Mang'oda Matakatifu gavoora, ‘Ligina lia munyi avumbaki mwasuura, kalunu liveeye ligina lie kivuni ku goosi.’