Marko 4:17 - KITABU KITAKATIFU

¹⁷ Navuzwa silivingiraa nu kuhila imiri muvo mba. Navo vidinyirizaa mu Iikuva zana hakekeke vuzwa. Na ing'inga valora ikivi anoho ilidambizwa kigira likuva lia Nyasaye, nonoho ilisuuvira liavo likuzaa.

Marko 4:17 ပူးပေါင်းရင်းမြစ်များ

Ayubu 19:28

Uvuluviliri vwange vwageha, kigira mwavoora; “Kunyala ndi kumudambiza? Mwenya kivuni chu kwingilira inzi.”

Matayo 11:6

Vaveeye nuvugasu avandu vavura kumbayahayiza.”

Matayo 12:31

Kigira yaga muvooleraa, avandu valasamifwa uvwoni na manyego gaavo goosi, navuzwa uvwoni vwo konyega Roho Mutakatifu si vulisaamiifwa mba.

Matayo 13:21

Navuzwa sivaveeye nimiri muvo aveene mba. Navo vidinyirizaa mu likuva zana hakekeke vuzwa, ma lwa valora ikivi anoho lidambizwa kigira likuva zana yilio ni lizaa, ahene yaho viranaa inyima.

Marko 4:16

Avandu vandi vaveeye kuli uvuguza vugwizaa kulwanda. Lwa vahulira ilikuva valivugula vwangu nu vuyanzi vonene.

Marko 4:18

Avandi vaveeye kuli uvuguza vugwizaa muvulimu vwa mafa. Yava nivo avahulira ilikuva,

Luka 12:10

“Ku vosi ovola likuva lio konyega, Mwana wa Adamu, alasaamifwa; navuzwa uyu onyegaa Roho Mutakatifu sialasamiifwa mba.

Yohana 8:31

Kunangwa, Yeso yavolera Avayuda yavo avaari nivamusuuviyi, “Niiva mulagumira amigizu gange mulava ligali aviigi vange;

Vagalatia 6:12

Avandu vageriza kuniga munyi mukevwe kuzinguru, ni yava avenyaa kwimanyia ndi vaveeye avalahi, nu kwekonya ku vindu viu muviri. Vakora ndio kunangwa vavuli kudambizwa kigira musalaba gwa Kristo.

Vahebraina 10:29

Kunangwa galava ki ku mundu uchayaa Mwana wa Nyasaye? Galava ki ku okolaa amasahi gi lilagana lia Nyasaye ga mutakasaa kutura muvwoni kuva gaveeye kindu vuzwa? Galava ki ku oyo onyegaa Roho wi zimbavasi? Gamudukira ahevwe amageri malulu ligali kuvita agadukanaa naye.

1 Yohana 2:19

Vaatura kukunyi, navuzwa sivali mu lisanga lietu mba. Valava nivaali mu lisanga lietu ngano vamenya ni kunyi. Navuzwa vaatura ku kunyi ku vaduuki kumanyikana havulavu kuva, vosi sivaveeye kukunyi mba.

Likunula 2:10

Utatia ivindu vienya kukugwira: Henza, ngovolera, Setani aveeye ahimbi kuviika valala ku munyi mu uvuhambe, muduuki kugerizwa; kandi mulava ni lidambizwa ku amadiku likomi. Ove umusuuvirifu ku inzi kuduuka kali ku likuza; nainzi ndakuha itaji yi livamwoyo.

Likunula 2:13

Inzi manyi homenyi, ha Setani aveeye ne endeve yu uvwami vwivwe. Navuzwa oveeye wa giligali ku inzi. Ivi si waleka lisuuvira liilio mu inzi mba kali mu amadiku ga Antipa mulolekizi wange umusuuvirifu yitirwa hagati hinyu aha Setani amenyaa.