Marko 14:65 - KITABU KITAKATIFU

⁶⁵ Valala kuvo vataanga kumutuuzira amate. Vamufuma mu zimoni nu kumuduya nivamuvoolera, “Porofeta, nivwaha ukuduyi!” Avasikari vaamuvugura nivamukuya.

Marko 14:65 ပူးပေါင်းရင်းမြစ်များ

2 Kyetsinyinga 18:23

Maku muporofeti Zedekia yazia ku Mikaya, namukuya uluhi mumoni mwimwe kandi nateeva, “Kutura ng'inga ki lwa Roho wa Yahova gondeki, no komoloma niivi?”

Esther 7:8

Hamani yaali ni yakagwa haasi imbiri wa Esiteri namuteeva amuveere zimbavasi, lwa umwami yirana kutura mu mulimi gwinyumba yu vwami. Lwumwami yalora yaga, yahanzuka, “Mundu uyu yenya kwonongonyia mukali wange kuzingulu imbiri wange, kandi munyumba yange!” Mwami nakikiri kumala kovora yaga, vatumikiri vu mwami vagumira nonoho nukufuuma mutwi gwa Hamani vwangu.

Ayubu 30:10

Avandu vandunyiraa ligali nu kwiyahula ku inzi. Sivalindagiliraa ukunduzira amate mu moni mwange mba.

Isaya 50:6

Ndahaana mugongo gwange ku vasigu vange. Kandi ndagilung'ana niimbana zisaya ziange vaduuki kumanyula zinderu ziange. Si ndaavisa mumoni mwange kutura ku livikwa mu zisoni kandi kutuzilwa amate mba.

Isaya 52:14

Avandu vanyingi valatimukwa engolo lwa vamulola kigira ligondo lilie liononywa; siyaali kandi ni ligondo liu mundu mba.

Isaya 53:3

Yaachaywa nukusuulwa na vandu; yikuzira ku vusaliri nuvuzunu. Yaali mulala uwa vandu vavisa mumoni mwavo vavuli kumulora. Yalegwa kandi nikumulola siyaali kindu mba.

Mika 5:1

Munyi avandu va Jerusalemi, vungizi amahi ginyu! Kukumbiriziywi niliihi linene na vingilira nukukuya umwimiliri wa Isiraeli ku lusaya.

Livalidza 12:14

Yahova yativulira Musa, “Baba weve alava niyamutuzira mate mu moni mwimwe, yaali yakaveeye mu zisoni ku madiku 7. Kunangwa Miriamu yahilwa ichova wa havundu hu kwivungikiza ku madiku 7. Inyima wa madiku yaga, anyala kwirana.”

Matayo 27:30

Vaamutuzira amate, nivavugura imbimbu nivamukuya nayo ku mutwi.

Marko 10:34

Navo valamukolera kehenyahenye, valamutuzira amate, valamukuya no lokova, ma vamwiti; na inyima wa madiku gavaga, alasimuguka.”

Marko 15:19

Vamukuya ku mutwi nimbimbu, vamutuuzira amate, vaagwa ku maru gaavo, kandi nivamwinamira.

Yohana 18:22

Lwa Yeso yaali niyakamara kovora yaga, mulala ku vanene va vasikari vi Litembeli, uwaali nasingiyi ahene yaho, yaala Yeso uluhi navoora, “Nindio utivulira Musaalisi Munene?”

Yohana 19:3

Vazia imbiri weve nivavoora, “ Mirembe, Umwami wa Avayuda!” Nivamwala zinzasaya.

Vikolwa 23:2

Na ahene yaho, Musaalisi Munene Anania yalaga yavo avaari nivasingiyi himbi ku Paolo vamukuyi olokovi ku munwa.

Vahebraina 12:2

Gendi kohenze ku Yeso mutangizi kandi muduukizi wilisuuvira lietu, kutura mu litanga kuduuka ku keheri; kigira uvusangari vwali nivuvikiywi imbiri weve, yikuzira ku musalaba, nachaya zisoni zie likuza na yikaye ha mukono mulungi gwendeve yu vwami vwa Nyasaye.