Marko 14:55 - KITABU KITAKATIFU

⁵⁵ Vasaalisi vanene harara ni kiyaalo choosi venyeleriza amakuva gukuyalira ku Yeso vaduuki kumwita, navuzwa si vaganyoola mba.

Marko 14:55 ပူးပေါင်းရင်းမြစ်များ

1 Avami 21:10

Nyooli vandu vadamanu vaviri vamuyaale imbiri wizimoni zizie kigira linyega Nyasaye kandi mwami. Hene yaho muvuguli mumuhile ichova wi lidaala linene na mumulase magina kuduuka akuzi.”

1 Avami 21:13

Avadamanu vaviri zana vamuyaara imbiri wa vandu havulavu kigira linyega Nyasaye kandi mwami, nandio Nabozi yahilwa ichova wi lidaala linene naalaswa magina kuduuka ku likuza.

Zaburi 27:12

Utaandeka mu vasigu vange mba, avanzingiliraa na makuva gu vugadi kandi ni lidegeriza.

Zaburi 35:11

Avaloli vadamanu valolekiza ku inzi, kandi vanzaala ku livunaga malago ga inzi ndamanyi.

Danyeli 6:4

Maku vasingiliri vandi na vamiihi vaageriza kwenyeleriza vudamanu mu liamiiha lia Danieli lwa yamiha kivala, navuzwa si vanyoola kindu mba, kigira yaali musuuvirifu kandi si yakola kindu kidamanu kandi kitaveeye chu vulungi mba.

Matayo 5:22

Navuzwa inzi muvooleraa: Mundu woosi uva nu vutima na amwavo weve alakalagirwa. Uyu onyegaa amwavo weve alahilwa mu kiyaalo. Mundu woosi ovolera amwavo weve: ‘Ivi oveeye musiru,’ aveeye mu vudinyu vwu kuzia mu muliru gwe gehena.

Marko 14:56

Avandu vanyingi vaamugina amakuva, navuzwa gaazana si sigavugilizana mba.

Yohana 18:19

Kunangwa, Musaalisi Munene yateveleriza Yeso kigira aviigi veve, kandi kigira amigizu geege.

Yohana 18:21

Kigira ki ondeva? Teeva avandu yavo avahulira aga ndavavolera. Yavo vamanyi ligali aga ndaavoora.”