Marko 13:14 - KITABU KITAKATIFU

¹⁴ “Mulalora ‘Kindu kidamanu ligali keleetaa lidiviza’ nikisingiyi ahataduukana kisingiri.” Ivi osoma; Ove na agiligali kumanyiriza icha yaga gavoora! Hene yaho avandu yavo avaveeye Ivuyuda kuduuka vilukiri mu vigulu.

Marko 13:14 ပူးပေါင်းရင်းမြစ်များ

Lisyoma lya Jeremia 1:10

Avasigu vamali kuvanura ivindu viavo viosi viu vuguli ovonene. Valora zihiiri ni zingiraa mu Litembeli; avandu va Yahova yagaya vavuli kwingira mu Litembeli lilie.

Ezekieli 44:9

“Kulwayago, Inzi Yahova Wuvunyali mboraa ndi, sialavaho mundu kali mulala utaveeye musuuvirifu omenyi hagati ha vandu va Isiraeli, anoho avulaho mundu kali mulala utatiza inzi, ulingila mu Litembeli liange mba.”

Danyeli 11:31

Valala ku vasikari veve valakononyie Litembeli. Valakasingilizi visiuviliru via vuli lidiku nu kuviika ho kindu kidamanu ligali keletaa lidiviza.

Danyeli 12:11

“Galakave madiku 1,290 kutura ing'inga yi visiuviliru via vuli lidiku vilakahere, kuduuka ing'inga yu mundu alakaviiki ho kindu kidamanu ligali, kilakalete lidiviza.

Danyeli 8:13

Maku ndaahulira engelosi indala neteeva iyindi, “Vindu vialoleka mu malola yivi vilazizagilira kuduuka ngi'ngaki? Uvwoni vwa vandu vakora vulazizagilira kuvugura vwiyangu vwi visiuviliru kuduuka ng'inga ki? Liihi liu mwigulu kandi Litembeli vilazizagilira kwonogonywa kuduuka ng'inga ki?”

Danyeli 9:27

Mwamihi oyo alakalombe lilagana lidinyu na vandu vanyingi ku mihiga 7, kandi lwi inusu yi mihiga 7 ilakaviti, alakaherizi visiuviliru kandi vihaanwa. “Kindu kidamanu ligali keleetaa lidiviza kilakaviikwi kondongozi kwi Litembeli, kandi kilakaveku kuduuka umundu wakiviikaku alakadivizwi kuli Nyasaye yalagaa.”

Matayo 13:51

Yeso yavateva, “Muhuliyi vindu yivi viosi?” Navo vaamutivulira, “Yee Mwami.”

1 Vakorintho 14:20

Avaamitu vange, mutava kuli avana mu zing'anagani zienyu mba. Muve kuli avana vadoto vatamanyi kindu ku lovega lwu vudamanu, navuzwa mu zing'anagani, gaduukanaa muve kuli vahindira.

Likunula 1:3

Aveeye nuvugasu mundu osoma amakuva gi kitabu yiki kandi vaveeye nuvugasu vandu vahulira makuva go voporofeti nokolonda ivindu viang'odwa mu kitabu yiki kigira ing'inga eveeye ahimbi.

Likunula 13:18

Yaaha niho ahenyekaa have no vogeri. Oveeye ni limanya anyala kokora livaliza lie kivuni chi inamba yi king'ang'a kigira inamba zana isingiraa mu ovogono vwi lieta liu mundu. Inamba yeyo ni 666.