Marko 12:33 - KITABU KITAKATIFU

³³ Kuduuka umundu ayaanze Nyasaye nu mwoyo gwigwe gwosi, ni zing'anagani zizie ziosi, ni zinguru zizie ziosi; kandi kuduuka ayaanze umutende weve kuli yiyanzaa mwene. Likuva yili liveeye ilinene kuvita kuhaana visiuviliru vindi viosi ku Nyasaye.”

Marko 12:33 ပူးပေါင်းရင်းမြစ်များ

Zaburi 50:23

Lwa muhaanaa lisandiza ku inzi, gaveeye kuli muhanaa visiuvilu viu kuhaana luyali ku inzi, na mulikola ndio, ligali ndahonya yavo vosi avambuliraa.”

Tsing'ano 21:3

Kokora gaveeye malungi kandi gilikalaga lirungi, gayaanziza Yahova kuvita kumuletera visiuviliru.

Hosea 6:6

Inzi nzegomba munyi kuva nu vuyanzi vwa kazozo navuzwa si nzegomba visiuviliru vinyu viezinyama mba. Inzi nzegomba avandu vange vamanye inze kuvita kuhana vihanwa kuinzi.

Matayo 12:7

Mang'oda Matakatifu gavoora, ‘Izimbavasi nizio zia inzi nyenya, sinyenyaa ivisiuviliru vie zinyama mba.’ Niiva ligali mwali munyala kumanya ikivuni chi livoora yili, simwakanyala kukalagira avandu avataveeye na mahiolo mba;

Matayo 9:13

Muzie kwiga kivuni cha amakuva yaga: ‘Nyenya zimbavasi, si nyenya visiuviliru mba.’ Sindaaza kulanga avandu avalungi, navuzwa avoni.”

Kwidzulitsa 6:5

Muyanze Yahova Nyasaye winyu ni mioyo jinyu josi, ni liiva lienyu liosi, ni zinguru zienyu ziosi.

Vahebraina 10:8

Kutanga yavoola, “Ivi si wenyaa kandi siuyaanzizwa ni visiuviliru kandi ni vihaanwa, anoho vihaanwa vigima viu kusambwa ku vwali kandi visiuviliru viukutuliza ho vwoni mba.” Yavoola yaga kali niiva visiuviliru yivi viosi vihaanwa kolondekana ni Lilaga.

1 Samweli 15:22

Samweli yativura, “Ni ki cha Yahova ayaaziliraa kuvita? Kutia anoho vihaanwa viukusambwa kandi visiuviliru? Ni vulahi ligali kuhulira Yahova kuvita kuhaana visiuviliru via magondi malahi ligali kuye.