Marko 11:22 - KITABU KITAKATIFU

²² Yeso yavavolera, “Muve ni lisuuvira mu Nyasaye.

Marko 11:22 ပူးပေါင်းရင်းမြစ်များ

2 Kyetsinyinga 20:20

Mugambazuri lidiku lialonda ku, avandu vatura kuzia mwigendanyama lia Tekoa. Lwa vaali nivaziizaa, mwami Jehoshafati yasingira navavoolera, “Avasaza vi Ivuyuda na Jerusalemi; musuuviri Yahova Nyasaye winyu, kandi musingiri vudinyu. Musuuviri aga vaporofeti veve vamuvolera, na mulaguuta.”

Zaburi 62:8

O, munyi avandu vange, musuuviri mu Nyasaye zing'inga ziosi; mu muvoolere uvudinyu vwinyu vwosi Aveeye uvuhaliru vwitu vwi milembe.

Isaya 7:9

Kivala cha Isiraeli sikeveeye ni zinguru kuvita Samaria, lidaala linene liacho mba, kandi Samaria siliveeye nizinguru kuvita mwami Peka mba. “Niiva ulavula kusuuvira, ulaguutwa.”

Matayo 14:29

Yeso yavoola, “Vulahi, Hamba.” Petero yika natura mu liato, nagenda ku mazi kuzia ku Yeso.

Matayo 17:20

Yeso yavativulira, “Yago gaali ndio kigira ilisuuvira lienyu liveeye ilikekeeke. Muvooleraa agiligali, ni muva vuzwa ni lisuuvira, kali live likekeeke vuzwa kuli luguza lwi lisaazi, munyala kovoolera kiguru yiki, ‘Tula yaaha, wisundi hala!’ Nacho kilisunda. Si keveeye ho ni kindu choosi ikitanyala kunyalika ku munyi mba. [

Matayo 21:21

Yeso yavativulira, “Ligali muvooleraa, munyi ni muva ni lisuuvira vugira kuhayahayiza, si munyala kokora yaga geng'ine agakoleywi ku mukuyu, navuzwa kali munyala kovoolera kiguru yiki, ‘Yigingi wisigisi mu inyanza,’ na galakolwa ndio.

Marko 9:23

Yeso, yamuvolera, “Yee, niiva ivi umwene unyala! Ivindu viosi vinyalikaa ku mundu oveeye ni lisuuvira.”

Yohana 14:1

Yeso yavolera aviigi veve, “Mutahenda mioyo jinyu. Musuuviri Nyasaye, musuuviri inzi kandi.

Vakolosai 2:12

Munyi mwayavilwa harara na Kristo mu libatizwa, kandi mwasimugukizwa harara naye kuvitira mu lisuuvira lienyu, mu zinguru zia Nyasaye, wa simugukiza Kristo kutura muvakuzu.

Tito 1:1

Inzi Paolo, umutumikiri wa Nyasaye kandi mutumwa wa Yeso Kristo ng'oda ibarwa yiyi. Inzi ndaatovolwa nukutumwa kokonya lisuuvira lia avandu vatovole va Nyasaye, kandi kuvimilira ku agiligali gi dini yitu yigizaa.