Marko 10:43 - KITABU KITAKATIFU

⁴³ Navuzwa gatava ndio ku munyi; umundu woosi wenyaa kuva umunene ku munyi gamudukira ave umutumikiri winyu.

Marko 10:43 ပူးပေါင်းရင်းမြစ်များ

Marko 10:42

Kunangwa Yeso yavalanga, navavoolera, “Mumanyi vulahi avalolangwa kuva avamihi vi zihiiri vamiiha avandu vaavo ni zinguru, na vanene vaavo vamiiha nu vunyali ku avandu vaa vo.

Marko 10:44

Na uyu wenyaa kuva umwimiliri gamudukira ave umutumikiri wa vosi.

Marko 9:35

Yeso yikala hasi naalanga avaari likomi na vaviri navavoolera, “Mundu na ava niyenya kuva imbiri kuduuka ave winyima kandi umutumikiri wa vosi.”

Luka 14:11

Kigira ku vosi, uwenenehizaa, alagehizwa, na uwegehizaa alanenehizwa.”

Luka 18:14

Muvooleraa, musololi wu vusuuru uyu yirana yengo weve nakoleywi mulungi na Nyasaye kuvita Mufarisayo oyo. Kigira ku vosi wenenehizaa umwene, alagehizwa; na ku vosi uwegehizaa alanenehizwa.”

Luka 22:26

Navuzwa yaga sigaveeye ndio ku munyi mba. Nitali munene ku munyi gamudukira ave kuli mwana mukekeeke, na uyu mwimiliri gamudukira ave kuli mutumiki.

Luka 9:48

Yavavolera; “Ku vosi ulingiriza mwana mukekeeke uyu kigira lieta liange, yingirizaa inzi. Ku vosi ulingiriza inzi kandi, yingirizaa uyu uwanduma. Oveeye mukekeeke ku munyi vosi, uyu niyie oveeye munene.”

Yohana 18:36

Yeso yamutivulira, “Uvwami vwange sivoveeye vwu mu kivala yiki. Niiva uvwami vwange vwakaveeye vwu mu kivala yiki, ngano avatumikiri vange vakalwaani mburi kugumirwa na Avayuda. Awa, uvwami vwange sivoveeye vwu mu kivala mba.”

Varumi 12:2

Mutalonda miima ji lirova yili mba, navuzwa muleke Nyasaye amugirung'anyie munyore uvuhia mu vogeri nu muziganagani zienyu. Na ndio muladuuka kumanyiriza uvulariri vwa Nyasaye, kandi agaveeye malahi kandi gavugililwa kandi madukiru.

Vagalatia 5:13

Avaamitu vange, munyi muve vavoholore. Navuzwa ovovoholore vwinyu vutahaana uvwiyangu vwi liegomba liu muviri kumwamiiha mba, navuzwa mutumikirane aveene naveene mu vuyanzi.