Marko 10:32 - KITABU KITAKATIFU

³² Yeso harara na aviigi veve vaali kunzira nivazizaa Jerusalemi. Yeso yagendaa imbiri wavo. Aviigi veve vaali ni ligenya, na avandu vamulonda vaali nu vuti ligali. Yeso yavugula avaari likomi na vaviri natanga kuvavoolera ivindu vizizaa kwekoleka kuye.

Marko 10:32 ပူးပေါင်းရင်းမြစ်များ

Zekaria 3:8

Joshua huliriza, ivi oveeye musaalisi munene, kandi hulirizi munyi avasaalisi vache, avaveeye kimanyiru kilahi cha madiku gaaza. Ndakamuvuuliri mutumikiri wange wagulikwa ulusia!

Matayo 11:25

Ing'inga yeyo Yeso yavoola, “Baba, Mwami wi ligulu kandi lirova! Ngusandizaa ligali kigira waavisa ivindu yivi ku avageri na avilimanya, na nuukunulira ivihanzahanza.

Matayo 13:11

Yeso yavativulira, “Munyi muheveywi kumanya agaviswa gu Vwami vwu mwigulu, navuzwa yavo sivaheveeywi ndio mba.

Marko 1:27

Avandu vosi vagenya ligali. Vateevana aveene naveene nivavoora, “Kindiki yiki? Ni amigizu amahia! Umundu uyu aveeye ni zinguru ku mademoni, kali kuduuka gamuhulira!”

Marko 4:34

Siyavavoolera ikindu choosi vugira kutumikira izing'ano mba, navuzwa lwa yaali na aviigi veve venyine, yaali anyala kuvivaalira vuli kindu choosi.

Luka 10:23

Yeso yagirung'ana ku aviigi veve na avavolera makiriri, “Ziveeye nuvugasu zimoni zilolaa vindu via munyi muloraa!

Luka 19:28

Lwa Yeso yamala kovora yaga, yaavimilira Jerusalemi.

Luka 9:51

Lwi lng'inga ya kuduuka ya Yeso avugulwa kwirana mwigulu, mwene yaatanga logendo kuzia Jerusalemi.

Yohana 11:16

Tomasi uwalangwa Malongo yavolera aviigi vache, “Leki kuzie naye kandi, ku na kunyi kukuzi harara naye!”

Yohana 11:8

Aviigi vamuvolera, “Mwigizi, ing'inga engekeeke iviti kutura lwa Avayuda venya kukwita na magina, na ivi wenyaa kwilana yo kandi?”