Lwimbu lwa Solomoni 8:5 - KITABU KITAKATIFU

⁵ Nivwaha uzaa kutura mu changalangwi, vagumilani nu muyanze weve? Ndakuvukiza nogonaa muchiriri chu musaala gwu mukuyu, hamama wowo yakoverekera, hayaali ni numwa na kwivulilwa ho.

Lwimbu lwa Solomoni 8:5 ပူးပေါင်းရင်းမြစ်များ

2 Kyetsinyinga 32:8

Oyo aveeye nizinguru ziu mundu, navuzwa kunyi koveeye na Yahova Nyasaye wiitu, kokokonya, ukulwaanira uvulwani vwitu.” Avandu valuvilirizwa ligali namakuva gu mwami wavo.

Zaburi 63:8

Ndahaanda vuzwa ku ivi, mukono gugwo mulungi gukingaa inzi.

Zaburi 63:9

Navuzwa yavo avagerizaa kunzita, valazia musi mu kivala cha avakuzu.

Lwimbu lwa Solomoni 2:3

Nindio aveveeye muyanze wange hagati ha vasaza vandi, oveeye kuli musaala gwa makuyu hagati hi misaala ju mulitu. Ndayaanza kwikala mu chiriri chagwo, kandi makuyu gagwo gaveeye amanolu ligali.

Lwimbu lwa Solomoni 3:11

Avakali va Ziyoni, hambi mulore mwami Solomoni; Yiviiki itaji ya mama weve yamuvika lidiku lie keserero chiche. Lidiku liu vuyanzi nu vusangali mumwoyo gwigwe.

Lwimbu lwa Solomoni 3:4

Nonoho lwa kwavukana navo, ndaamunyoora. Ndamugumira kandi sindenya mulakuli mba, kuduuka lwa ndamuhila munyumba ya mama wange, mukengoze chandivulilwa mu.

Lwimbu lwa Solomoni 3:6

Nivwaha uyu uzaa kutura mu changalangwi kuli itiiru yu mwoki, yayivaka maguta gu mwayu ga manemane kandi gi kimuli, galombwa kutura ku mudarasini gwa vakiranyi?

Lwimbu lwa Solomoni 4:8

Mwiha wange, hamba harara ninzi kutura ku kiguru cha Lebanoni. Hamba ninzi kutura kondongozi kwi kiguru cha Amana. Kutura ku kiguru cha Seniri, na Herimoni, havundu hizisimba nizingo zimenyaa.

Lwimbu lwa Solomoni 6:10

Nivwaha uyu ololekaa kuli mumavwevwe? Aveeye mulavu kuli mweli, kandi wovulavu kuli liuva, agendaa kuli muganda gwi liihi nebendera yaavo imbiri?

Lwimbu lwa Solomoni 8:1

Ndegomba ngano waali amwavo wange, ngano mama wange yakanyunyia zimbeere zizie ku magulu geege. Maku niiva ndakaagani na ivi munzira, ndakakuvusi nu mundu si yakagenyi mba.

Isaya 36:6

Uganaganaa vandu va Egebeti valaza kukokonya, navuzwa yaga galava kuli utumikira kidundu chavunika kuva imbimbu yokogendela, kilavunika kandi kilatooza mukono gugwo. Nindio mwami wa Egebeti aveeye ku uyu woosi usuviraa muye ovokonyi.

Isaya 40:3

Mwoyo gwu mundu guhanzukaa mwigendanyama nigovoora, “Mulombe inzira ya Yahova mwigendanyama! Mulungikizi inzira ya Nyasaye mu changarangwi!

Isaya 43:19

Heenzi kindu kihia icha nziza kokora. Chekoleka kalunu, na munyi munyala kokelola kalunu! Ndalomba inzira mwigendanyama, nukusinukiza migera mu changalangwi.

Jeremia 2:2

“Nzie kulandiza ku avandu va Jerusalemi amakuva yaga ndi: Inzi nzizuliza kuli mwaali avasuuvirifu lwa mwaali ni mukikiri avasoleri, kandi kuli mwaali nimwanyaanza lwa kwali harara nikwakaletana mulitanga; mwanonda kuvitira mu changalangwi, kuvitiramu kivala kitatagwa mu uvuguza.

Hosea 12:4

Yalwana nengelosi kandi naguuta. Yalira kandi nateeva ligasizwa. Nyasaye yaza ku guuga wiitu Yakobo ha Bezeli kandi namoloma naye.

Mika 3:11

Aviimiliri valio vamiiha kigira viambeti, avasaalisi valio vigiza ku vaduuki konyoora mitungu, na avaporofeti valio vaangora ovoporofeti vwavwo kunangwa vaduuki konyoora amabese; navuzwa vidiira ku Yahova nivavoora, “Yahova si aveeye hagati hiitu? Uvudamanu sivulaza ku kunyi mba.”

Yohana 13:23

Mulala ku aviigi, uwa Yeso yaali ni yayanza ligali, yaali naasedemi ku kiritu cha Yeso.

Varumi 7:4

Ni ndio kandi gaveeye ku munyi avaamitu vange. Munyi mwakuza ku Lilaga kuvitira mu muviri gwa Kristo. Kalunu muveeye ava uyu wasimugukizwa kutura mu vakuzu kunangwa kuduuki kuva avovokoonyi mu vutumiki vwa Nyasaye.

Vagalatia 4:19

Avana vange, avayaanze! Kuli mukali oveeye ni inda ahuliraa uvuzunu vwi inumwa, nindio inzi mbulira uvuzunu kigira munyi kuduuka lwa muva kuli Kristo mwene.

1 Petro 1:21

Kuvitira muye, munyi musuuviraa Nyasaye wasimugukiza Yeso kutura mu likuza, nu kumuha uvukumi. Kulwayago lisuuvira lienyu ni lisuuvirizwa lienyu viveeye ku Nyasaye.

Likunula 12:6

Umukali oyo yirukira mwigendanyama, havundu ha Nyasaye yaali namulombeeye alindirwi ho ku ing'inga ya madiku 1,260.