Lwimbu lwa Solomoni 8:2 - KITABU KITAKATIFU

² Ndaali nguhili munyumba ya mama wange, ha waali unzigizi vuyanzi. Ndaali ngohe iwaini yazuganywa mu mudalasini. Kunwa mazi ga makuyu gange.

Lwimbu lwa Solomoni 8:2 ပူးပေါင်းရင်းမြစ်များ

Tsing'ano 9:2

Yitaa inyama mazuganyamu mudarasini ni iwaini, ma aviikaa komesa kolomba lisavo lie lilia.

Lwimbu lwa Solomoni 3:4

Nonoho lwa kwavukana navo, ndaamunyoora. Ndamugumira kandi sindenya mulakuli mba, kuduuka lwa ndamuhila munyumba ya mama wange, mukengoze chandivulilwa mu.

Lwimbu lwa Solomoni 4:10

Mwiha wange, muyanze wange vuyanzi vwuvwo vunyaanzizaa; vuyanzi vuvwo vuveeye vulahi kuvita iwaini, kandi muhomo gwa maguta googo goveeye mulahi kuvita mudarasini.

Lwimbu lwa Solomoni 7:12

Kuzie mu vizabibu vuli mugambazuri, na kolole niiva mizabibu jitulizi kimuli, kandi niiva kimuli cha makuyu kisiahi. Kandi kolole niiva makuyu gatulizi kimuli. Ahene yaho, ndakuha vuyanzi vwange.

Lwimbu lwa Solomoni 7:9

munwa gugwo guveeye kuli iwaini indahi. Maku oleke iwaini yitululuki kuduuka ku muyanze wange, yitululuki ku munwa gwigwe kandi kuminu geege.

Lwimbu lwa Solomoni 8:1

Ndegomba ngano waali amwavo wange, ngano mama wange yakanyunyia zimbeere zizie ku magulu geege. Maku niiva ndakaagani na ivi munzira, ndakakuvusi nu mundu si yakagenyi mba.

Yohana 5:39

Munyi musomelera mu Mang'oda Matakatifu nimuganagana ndi mulanyola livamwoyo litahera mugo; Navuzwa Mang'oda Matakatifu gene yaga amolomaa kondolekiza!

Vagalatia 4:26

Navuzwa lidaala lia Jerusalemi yu mwigulu liveeye livoholore, kandi liveeye mama wiitu.

2 Petro 1:19

Kunangwa koveeye ni lisuuvira ligali na makuva galandizwa na vaporofeti. Mulakola vulahi niiva mulagahuliriza, kigira gaveeye kuli itaya yaka mu kisundi kuduuka lwa vuchezaa, nu vulavu vwe eng'ereng'ani ya mugamba yaka mumioyo jinyu.

Likunula 19:10

Ndaagwa hasi mamumama havirenge vivie, kumusigamira. Navuzwa, yambolera, “Utakola ndio mba! Inzi mbeeye vuzwa mutumikiri wacho, kandi uwavamwavo vovo, yavo vosi avagumira agiligali ga Yeso yalolekiza. Usigamiri Nyasaye!” Kigira agiligali ga Yeso yaavuula, nigo agadinyirizaa avaporofeti.