Lwimbu lwa Solomoni 8:1 - KITABU KITAKATIFU

¹ Ndegomba ngano waali amwavo wange, ngano mama wange yakanyunyia zimbeere zizie ku magulu geege. Maku niiva ndakaagani na ivi munzira, ndakakuvusi nu mundu si yakagenyi mba.

Lwimbu lwa Solomoni 8:1 ပူးပေါင်းရင်းမြစ်များ

Zaburi 2:12

mudegere nukumwinamira gase uvutima vwivwe vulaaka, na munyi mukuzi vwangu. Vaveeye nuvugasu yavo vosi avanyagura kuye vanyoore likingwa.

Zaburi 51:17

O, Nyasaye kisiuviriru change keveeye mwoyo gwi liegehiza. Ivi siulasuula mwoyo gwovohoma kandi gwi lieganira.

Lwimbu lwa Solomoni 1:2

Ivi wambusa nu munwa gugwo; vuyanzi vuvwo voveeye vulahi kuvita iwaini.

Lwimbu lwa Solomoni 7:13

Unyala kufunyiriza muhomo gwi misaala mihia, kandi makuyu malahi goosi gaveeye ahimbi nu muliango gwitu. Muyanze wange inzi mali kukuvikila makuyu malahi zing'ano ziosi, amakuyu kandi amahia.

Lwimbu lwa Solomoni 8:2

Ndaali nguhili munyumba ya mama wange, ha waali unzigizi vuyanzi. Ndaali ngohe iwaini yazuganywa mu mudalasini. Kunwa mazi ga makuyu gange.

Isaya 60:14

Avana avayaayi va yavo avamudambizaa valaza, kandi valinama imbiri winyu nu kumanyia luyali lwavo ku munyi. Yavo vosi avamuchaya maziambiri, valaza nu kwinama imbiri winyu nu kumusigamira. Valamulanga ‘Lidaala linene lia Yahova,’ ‘Ziyoni, Lidaala linene liu Mutakatifu wa Isiraeli.’

Isaya 7:14

Kigira yaga, Yahova mwene alamuha kelolero: Henza, mukaana mugima alavereka na alivula mwana muyaayi na alamugulika lieta ‘Imanueli’!

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Haggai 2:7

Ndakaguuti zihiiri ziosi, kandi vutugi vwavo vulakaletwe hano. Litembeli lilakave nu vutugi vunyingi.

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Malaki 3:1

Yahova Wuvunyali yativura navoora, “Ndakatumi mutumwa wange konombera inzira. Maku Mwami wa mulindiliraa alakaze mu Litembeli lilie vwangu lwa mutamanyi; mutumwa wa mwegomba kolola alakaze kulandiza lilago liange.”

Luka 10:16

“Oyo uhulira munyi, ahuliraa inzi; kandi oyo usulaa munyi asuraa inzi, kandi oyo usulaa inzi asuraa uwanduma.”

Luka 12:8

“Agiligali muvooleraa, mundu woosi ulinziyama havulavu imbiri wa avandu, inzi nu Mwana wa Adamu, ndakamwiyame imbiri wizingelosi va Nyasaye.

Luka 18:9

Yeso yavoola lugano yilu kandi ku avandu valala avelolaa aveene kuva nuvulungi na nivalegeliza avandi vosi

Luka 2:38

Ing'inga yene yeyo, yingira mu Litembeli nasandiza Nyasaye, navoora agu mwana oyo ku avandu vosi, avaari nivalindilira ovohonyi vwa Jerusalemi.

Luka 9:26

Mundu woosi ulivera inzi zisoni kandi amigizu gange, Mwana wa Adamu alakamuvere zisoni lwa aliiza mu vukumi vwivwe mwene nu mu vukumi vwa Baba nu vwi zingelosi vatakatifu.

Yohana 1:14

Likuva liagwa mundu, namenya hagati hiitu; niyizuuyi zimbavasi na agiligali. Nakunyi kumali kolola uvukumi uvwa yanyoora kuli vwu muyaayi muderwa wa Baba.

Yohana 13:3

Yeso yamanya ndi, Baba weve umali kuviika vindu viosi hasi hi zinguru zizie, kandi yamanya ndi yatura ku Nyasaye kandi yirana ku Nyasaye

Yohana 16:28

inzi ndaatula ku Baba, kandi mali kuuza mu kivala; kandi kalunu ndekaa kivala kandi nziza ku Baba.”

Yohana 3:13

Siaveeyeho nu mundu uwaazia kuduuka mwigulu, natali Mwana wa Adamu uwiika kutura mwigulu.”

Yohana 8:42

Yeso yavavolera, “ Nyasaye alava Baba winyu, ngano mwayinyanza, kigira ndaatula ku Nyasaye na kalunu mbeeye hano. Sindaaza ku vunyali vwange mwene, navuzwa Nyasaye yanduma.

1 Vakorintho 1:28

Nyasaye yatovola vindu vialegerizwa kandi viachaywa mu lirova aduuki kwononyia vindu via vandu vaganagana kuva vidukiru.

Vagalatia 4:26

Navuzwa lidaala lia Jerusalemi yu mwigulu liveeye livoholore, kandi liveeye mama wiitu.

Vagalatia 6:14

Navuzwa, kulwa inzi, ndekonya vuzwa mwene kigira musalaba gwu Mwami wiitu Yeso Kristo. Kuvitira ku musalaba, vindu vie lirova viakuza kandi inzi ndaakuza kuvindu vie lirova.

Vafilipi 3:3

Avandu vakevwa mugiligali ni kunyi kigira ni kunyi avasigamiraa Nyasaye mu Roho kandi avakusangalaa mu ilihambanywa lietu ku Kristo Yeso. Kandi kunyi sikuviikaa ilisuuvira mu likevwa mba.