Lwimbu lwa Solomoni 7:4 - KITABU KITAKATIFU

⁴ Ligoti liilio liveeye kuli munara gwu lwiga lwenzogu. Zimoni zizio ziveeye kuli visima via madavalia ga mazi, mulidaala lia Heshiboni, ahimbi ni kilivwa chi lidaala linene lia Bazirabimu, amuru googo gayaanziza kuli munara gwa Lebanoni kolovega lwa Damasiko.

Lwimbu lwa Solomoni 7:4 ပူးပေါင်းရင်းမြစ်များ

Litanga 15:2

Navuzwa Aburamu yativura, “O, Mwami Munene Yahova, madanyi yaga nagangonye naki? Kigira inzi si mbeeye nu mwana mba. Umundu wa inzi mbeeye naye weng'ine ni Elieza wa Damasiko. Uyu niyie ulivugula miandu jange.

2 Samweli 8:6

Ahene yaho Daudi yalomba hokososa ha amahi geege mu kivala chavo kandi vaagwa avatumikiri veve, nivatunga uvusuru kuye. Yahova yaaha Daudi uvuguuti havundu hoosi nahoosi.

1 Avami 10:18

Yalomba kandi endeve yu vwami. Lovega lulala lwayo lwafuumwa na miinu geenzogu no lovega lundi lwafunimwa izahabu indahi.

1 Avami 10:22

Solomoni yaali ni zimeri kunyanza Nene harara nizimeli zia Huramu. Vuli mihiga jivaga zimeri zizie ziranaa nizileeta izahabu, ifeza, amiinu gizinzogu, zingugi nivikondo.

1 Avami 22:39

Vindu vindi viosi vio mwami Ahabu yakola, komeeda ku livaala lie inyumba yeeye yu vwami ya yasiahila miinu gizizogu, kandi amadara manene goosi ga yumbaka, viosi viang'odwa mu kitabu cha makuva ga kale ga vami va Isiraeli.

1 Avami 7:2

Yumbaka Inyumba yu Mulitu gwa Lebanoni; uvutambi vwayo vwali zimita 44 nu uvugika Vwaalia zimita 22, uvudiguluku kuzia igulu vwali zimita 13.5. Yumbakwa ku zimbaho ziezitiru zie midaragwa ziadiira mialiru ji midaragwa jakongwa.

1 Avami 9:19

madaala manene ga mavikiru geege gaviikwa. Madaala manene gi zibarasi na magare gu vulwani, kandi vindu vindi viosi via yenya kwumbaka mu Jerusalemi mu Lebanoni kandi na hoosi mu vwamihi vwivwe.

2 Kyetsinyinga 8:6

kandi yumbaka uvuhia Lidaala linene lia Baalazi, na madaala goosi ga mavikiru, na madaala goosi ga magare geege, na madaala ga vasaza vi zibarasi kandi yumbaka kindu choosi cha yenya ukwumbaka mu Jerusalemi, mu Lebanoni, kandi mu kivala choosi chu vwamihi vwivwe.

Zaburi 144:12

Avayaayi viitu mu vwana vwavo vave kuli vitagwa vivirukaa ni zinguru. Avakaana viitu vave kuli zitiru ziu mukoona izisiaha inyumba yu vwami.

Zaburi 45:8

Zinguvu zizio zifunyaa mwayu gwa manemane, wundi na kida. Aviimbi vakusangalizaa mu zinyumba ziuvwami, iziasiafa na miinu gi zinzogu.

Lwimbu lwa Solomoni 1:10

Zisaya zizio ziveeye zindahi ligali ni midindi ji liisu liilio; jayelera ku ligoti liilio kuli magina guvuguli.

Lwimbu lwa Solomoni 4:1

muyanze wange, oveeye wiligondo lilahi ligali! O, Oveeye mulahi ligali! Zimoni zizio zing'ereng'ana nu vuyanzi musuuka yooyo. Liisu liilio livinaa kuli chayo chi zimburi zisulungutaa kutura ku vigulu via Gileadi.

Lwimbu lwa Solomoni 4:4

Ligoti liilio liveeye kuli munara gwa Daudi, gwumbakwa kigira inyumba yi viugi viu vulwani, Hi zikuuti 1,000 zia sungwa, ziosi zinguva zia vandu vi liihi.

Lwimbu lwa Solomoni 4:5

Zimbeere zizio ziveeye kuli zimbongo, visusu viamalongo viaya hagati hi vimuli.

Lwimbu lwa Solomoni 6:5

Utambenza mba, kigira zimoni zizio zinyangizaa. Liisu liilio livinaa kuli chayo chi zimburi zisulungutaa kutura ku vigulu via Gileadi

Isaya 54:4

Utatia mba, kigira siulavikwa muzisoni kandi mba; kandi siulaleganywa mba. Ulivilira uvwoni vwa wakola nukikiri muyaayi kandi siulizuliza manyego guvukunzakali vuvwo mba.

Vahebraina 5:14

Navuzwa chukulia kidinyu, ku lovega lundi, keveeye cha vandu vakulundu, kuvitira mu limanya liavo lia viinaliza, avanyala kwavukanyia hagati hu vulahi nuvudamanu.