Lwimbu lwa Solomoni 6:2 - KITABU KITAKATIFU

² Muyanze wange aziyi mu mulimi gwigwe hi misaala ju mudalasini gimeraa. Yayizaa chayo chiche mu mulimi kandi avungiza kimuli mu mulimi.

Lwimbu lwa Solomoni 6:2 ပူးပေါင်းရင်းမြစ်များ

Lwimbu lwa Solomoni 2:16

Muyanze wange aveeye wange, kandi inzi mbeeye weve. Yayizaa chayo chiche cha magondi hagati hi vimuli,

Lwimbu lwa Solomoni 4:12

Muyanze wange, mwiha wange, oveeye kuli mulimi gwivisi, mulimi goveeye ni lidigi kandi oveeye kuli kisinukiru cha mazi; chafumwa hi misaala jamelaa.

Lwimbu lwa Solomoni 4:16

Vuka ive imbuza yi Ivaale; imbuza yi Isavaalu hamba. Huuza ku mulimi gwange. Yizuliza havundu hano nu mwika gwu muhomo oleke muyanze wange yaaze mu mulimi gwigwe kandi alie amakuyu malahi gagwo.

Lwimbu lwa Solomoni 4:5

Zimbeere zizio ziveeye kuli zimbongo, visusu viamalongo viaya hagati hi vimuli.

Lwimbu lwa Solomoni 5:1

Inzi mali kwingira mu mulimi gwange, muyanze wange, kandi muselerwa wange, mbungizaa mudalasini gwange kandi vifunya mwayu, ndiza vwuki na mana gene; Nwezaa iwaini yange kandi maveere gange. Vayanze vange, mulie kandi munwi kuduuka lwa muhaambika vuyanzi!

Lwimbu lwa Solomoni 5:13

Zisaya zizie ziyaanzizaa kuli mulimi gwizura zinyasi kandi mudalasini. Minwa jije giveeye kuli vimuli, giveeye miziliru harara ni vifunya mwayu via mazi.

Lwimbu lwa Solomoni 6:11

Ndasulunguta kutura mu mulimi gwa makuyu, ninzia mwivona kolola kimuli ni kisiahi; kolola niiva mizabibu gitangi kwama, kandi niiva mikuyu gitulizi kimuli.

Isaya 40:11

Yahova alalinda avandu veve, kuli umwayi alindaa nu kwaya chayo chiche. Alavungiza vimeme via amagondi geege harara, kandi alagavugula mu makono geege, na alagaginga ku kiritu chiche. Alalinda nu kwaya amagondi geege novohooma.

Isaya 57:1

Avandu valahi vakuza kandi siaveeyeho kali uvahenderaa mwoyo mba. Navuzwa lwavakuzaa, kivi sikinyala kuvasaliriza mba.

Isaya 58:11

Inzi Yahova, ndamwimilira kazozo kandi ndigutiza lienya lienyu nivindu vilahi. Ndamukora muve ni zinguru kandi ovulamu mu miviri jinyu; na munyi mulava kuli milimi jisamwa amazi manyingi, kuli kisinukiru cha mazi gacho gatakamaa mba.

Isaya 61:11

Kuli ivitagwa vitomboka ma viviruka, Yahova Nyasaye alaleeta uvulungi kandi lizominywa imbiri Mwami Munene Yahova alahonyia avandu veve, kandi zihiiri ziosi zilamwizominya.

Ezekieli 34:23

Ndahaana Mwami Daudi yeng'ine kuli mutumikiri wange kuva mwimiliri wavo kandi alagalinda.

Zefania 3:17

Yahova Nyasaye winyu aveeye harara na munyi. Zinguru zizie zilamuha liguuta. Yahova alayanzizwa na munyi kandi mu vuyanzi vwivwe, alamuha livamwoyo lihia. Alimba nukusangara kigira munyi.

Matayo 18:20

Kigira hoosi ha vavugani vaviri anoho vavaga ku lieta linage, inzi mbeeye hagati haavo.”

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Yohana 14:3

Kandi lwa mba ninzia kumulombera ovogono, ndirana kandi. Ndamuvugura inzi mwene, kunangwa aha inzi mbeeye munyi kandi muve ho.

Yohana 17:24

“Baba! Nyenya, yava avu wamba vave harara nainzi ahambeeye, ku valore uvukumi vwange vwa wamba; ku lwukuva wanyanza imbiri wi kivala kikiri kolombwa.

Likunula 7:17

Kigira Mwana wi Ligondi oveeye hagati hendeve yu uvwami alava mwayi wavo, kandi alavimilira kuduuka ha amazi gi livamwoyo gasinukaa. Nyasaye aleeya amaliga goosi mu zimoni ziavo.”