Lwimbu lwa Solomoni 6:10 - KITABU KITAKATIFU

¹⁰ Nivwaha uyu ololekaa kuli mumavwevwe? Aveeye mulavu kuli mweli, kandi wovulavu kuli liuva, agendaa kuli muganda gwi liihi nebendera yaavo imbiri?

Lwimbu lwa Solomoni 6:10 ပူးပေါင်းရင်းမြစ်များ

Lwimbu lwa Solomoni 6:4

Muyanze wange ivi oveeye mulahi ligali kuli Jerusalemi, 2 oveeye mulahi ligali kuli lidaala linene lia Tiriza. Ogendaa ni kivigu kuli muganda gwi liihi ne bendera yaavo imbiri.

Likunula 12:1

Kelolekizu kenene chokogenyia chaloreka mwigulu. Yaali ho numukali wi inguvu yeeye yaloleka kuli liuva, numweli gwaali isi wi virenge vivie. Kandi yavikwa itaji yi zing'ereng'ani likomi na ziviri kumutwi gwigwe.

Ayubu 31:26

Inzi si ndaasigamira ku iliuva kigira vwaku vwalio mba, anoho umweli mu vulahi vwagwo mba.

Likunula 22:5

Uvudiku sivulakave ho mba, kandi sivalakenye uvulavu vwi itaya, anoho vwi liuva mba kigira Mwami Nyasaye alakave uvulavu vwavo, navo valakamihi mihiga ni mihiga.

Likunula 10:1

Ndaalora engelosi yindi yi zinguru niyiika kutura mwigulu. Yaali nafumiiywi ni lilesi kandi kisaahi chi imbura chaali ku mutwi gwigwe. Mu moni mwimwe mwaka kuli liuva, ni vilenge vivie viali kuli zitiru ziu muliru.

Vafeso 5:27

aduuki kwenyolera likanisa liu vukumi litaveeye nimbara anoho makunya anoho kindu kidamanu kuli yivi.

Matayo 17:2

Nonoho Yeso yagirung'anywa ligondo imbiri wavo. Mumoni mwimwe mwaka kuli iliuva, kandi izinguvu zizie ziahemahema kuli uvulavu.

Isaya 58:8

“Nimukora ndio hene yaho uvugasu vwange vulaaka ku munyi kuli liuva liu mugamba kandi zimbala zienyu zilahona vwangu. Vikolwa vienyu vilungi vilamwimilira; na inzi ndamulinda ku zimbega ziosi kigira uvukumi vwange.

Lwimbu lwa Solomoni 3:6

Nivwaha uyu uzaa kutura mu changalangwi kuli itiiru yu mwoki, yayivaka maguta gu mwayu ga manemane kandi gi kimuli, galombwa kutura ku mudarasini gwa vakiranyi?

2 Samweli 23:4

Aveeye kuli liuva litongaa aveeye kuli uvulavu vwa mugamba liuva nilitongaa, ku mugamba gutaveeye na malesi; kuli uvwaku vwi liuva ku vulimu inyima wi imbura, isivukizaa uvulimu kutura mu marova.”

Likunula 22:16

Inzi, Yeso, mali kutuma engelosi wange aduuki kumulandizira ivindu yivi mu makanisa. Inzi mbeeye wi kisukururwi cha Daudi; mbeeye eng'ereng'ani.

Likunula 21:23

Lidaala linene zana siliveeye ni liuva anoho umweli ukwaka kulio mba, kigira uvukumi vwa Nyasaye vwalilaviza. Itaya yalio nu Mwana wi Ligondi.

Varumi 8:37

Awa, mu vindu yivi viosi, koveeye vaguuti ligali, kuvitira mu uyu wakuyanza!

Matayo 13:43

Na avalungi valang'ereng'ana kuli liuva mu Vwami vwa Baba wavo. Oveeye na matu gu kuhulira, ahuliri.

Malaki 4:2

Navuzwa kumunyi avatizaa inzi, zinguru ziange zio vohonyi zilatonga ku munyi kuli liuva. Ndaleta vohonyi ku munyi kuli vwaku vwi liuva. Mulakave avavoholore kandi nu vusangali kuli vimoli vituliziywi mu kego.

Hosea 6:5

Kunangwa inzi mali kutuma avaporofeti vange ku munyi na makuva gange kumukalagira kandi kumudiviza. Aga inzi nyenya kutura kumunyi ni yaga:

Isaya 63:1

“Nivwaha uyu uzaa kutura mu lidaala linene lia Bozira mu kivala cha Edomu? Nivwaha uyu, uwiviiki zinguvu zinzakanyu, na ziuvukumi, uzizaa imbiri mu vonene vwi zinguru zizie?” “Ni Yahova, wizingulu okohonyia, uzaa kulandiza uvuguuti vwivwe.”

Lwimbu lwa Solomoni 8:5

Nivwaha uzaa kutura mu changalangwi, vagumilani nu muyanze weve? Ndakuvukiza nogonaa muchiriri chu musaala gwu mukuyu, hamama wowo yakoverekera, hayaali ni numwa na kwivulilwa ho.

Tsing'ano 4:18

Inzira ya valungi vagenda ku eveeye kuli litongaa lie liuva, enyooraa vulavu vuli ing'inga kuduuka lwu mbasu gwakaa.

Zaburi 14:5

Navuzwa valatiihizwa; kigira Nyasaye aveeye harara na yavo avamutizaa.

Ayubu 11:17

Kandi livamwoyo liilio lilava nu vwaku kuvita uvulavu vwa mbasu hagati; na kisundi chalio kuli uvulavu vwa mugambazuri.

Likunula 1:16

Mu mukono gwigwe umulungi yaali ni zing'ereng'ani saba. Kivavi ichuugi izimbega ziombi chatula mu munwa gwigwe. Na mu moni mwimwe mwang'ereng'ana kuli liuva mbasu hagati.

Lwimbu lwa Solomoni 1:15

Muyanze wange, oveeye mulahi ligali; zimoni zizio zing'ereng'ana kuli zielikulu!