Lwimbu lwa Solomoni 5:6 - KITABU KITAKATIFU

⁶ Ndigulila muyanze wange muliango, navuzwa yaali namali kuzia. Ndaali nuvuha vonene kuhulira mwoyo gwigwe! Ndamwenya, navuzwa sindamunyoora mba; ndamulanga, navuzwa siyahugila mba.

Lwimbu lwa Solomoni 5:6 ပူးပေါင်းရင်းမြစ်များ

Litanga 42:28

Yalanga vamwavo veve na vavoolera “Vaanzilanyiyi mabese gange. Gaveeye mu musigo gwange!” Vamwavo veve vakuza mioyo kandi vateevana aveene ku aveene mu vuti, “Nyasaye akokoleeye kindiki yiki?”

2 Samweli 16:10

Mwami Daudi yavolera Abishai na amwavo weve Joabu, “Yaga sigaveeye agoogo mba. Niiva yaanaama kigira Yahova amuvooleeye, gaveeye ku vwaha okoteeva ni kigira ki akolaa ndio?”

Zaburi 28:1

O, Yahova, mukingi wange, nzanira ku ivi, huliriza ku lilira liange! Niiva ulavula kundivulira, ndava mulala ku yavo aviikaa mu kivala cha vakuzu.

Zaburi 30:7

Ivi, O, Yahova, waali mulahi ku inzi; ivi waakinga inzi kuli imbinga yu kukigulu. Navuzwa wamanya niwiivisa umwene kutura ku inzi, na inzi ndaali nuvuti ligali.

Zaburi 69:3

Inzi nduhi kuturana ni lianira kigira ovokonyi. Mwigoti mwange mulumaa, zimoni ziange zizengeye kigira lilindilira vokonyi kutura ku Nyasaye.

Zaburi 77:3

Lwa ng'anagana kigira Nyasaye, mbendaa mwoyo ligali; lwa ng'anagana vudinyu ligali mwoyo gwange gukuzaa ligali.

Zaburi 80:4

O, Yahova Nyasaye Wuvunyali, ulavihilirwa lisaala lia vandu vovo kuduuka ing'inga ki?

Tsing'ano 1:28

Maku mulakanzaniri, navuzwa si ndakamutivuliri mba. Mulakanyenye havundu hoosi navuzwa si mulakanyoole mba.

Lwimbu lwa Solomoni 5:2

Lwa ndagona, mwoyo gwange gwahenzaa. Ndalota ndi muyanze wange yigulihiza kumuliango. Muyanze wange, leka nzingili munyumba. Muyanze wu mwoyo gwange, likuulu liange. Lime lizuuyi ku mutwi gwange, kandi mazi ge lilumbi gizuyi mulisu liange.

Lwimbu lwa Solomoni 5:4

Muyanze wange yavika mukono gwigwe ku mukono gwu muliango; kandi ndasangara ligali kigira yaali himbi ninzi.

Lwimbu lwa Solomoni 6:1

Munyi vakali valahi ligali, muyanze winyu aziyi hayi? Mukovolere inzira yu muyanze winyu aziliyi ku, kunangwa kuduuki kumukonya kumwenya.

Isaya 12:1

Lidiku liizaa lwa vandu valimba, “Nzizominyaa ivi, Yahova! Ivi waali nu vutima ninzi, navuzwa uvutima vuvwo vutuli ho, na kalunu umali koneminya mwoyo.

Isaya 50:2

“Kigira ki nivavula kundivulira lwa ndaazia kuvo kuvahonyia? Ndakaminya amazi mu zinyanza ku lilaga liange, kandi ndakaminya amazi mu migera jiosi nu kujikola jumi kuli changarangwi, kunangwa zisuzi ziduuki kukuza kigira uvuluhu vwa mazi.

Isaya 57:16

Ndahaa avandu vange livamwoyo na sindazizagilira kuvayaala anoho kuvavihilirwa mihiga ni mihiga mba.

Isaya 58:2

Vuli lidiku vazaa ukusigamira. Vakayilangwa kumanya zinzira ziange, kuli yavo vaveeye ihiiri ekolaa uvulungi kandi itiviliraa malago ga Nyasaye wavo. Vatevaa inzi likalaga lirungi, kandi valoreka kuva nuvuha ukwisunda ahimbi ninzi, Nyasaye wavo.”

Isaya 8:17

Yahova yiivisi kutura ku vandu veve, navuzwa inzi musuuviraa kandi mbikaa lisuuvirizwa liange muye.

Lisyoma lya Jeremia 3:8

Kali lwandaniraa vudinyu anoho nikulira kigira ovokonyi asuraa kuhaana mativuli ku lisaala liange.

Hosea 5:15

“Inzi ndaleka avandu vange kuduuka lwa vasalira ligali kigira uvwoni vwavo kandi valaza konyenya. Namusia mulisalirizwa liavo valageriza kwenya Inzi.”

Hosea 5:6

Vavugura magondi nizing'ombe ziavo kuhaana ku Yahova kuli visiuviliru nu kumwenyeleriza, navuzwa si vamunyoola mba, kigira amali kuvaleka.

Zekaria 7:13

Sindaavativulira lwa vasaala kigira sivahulira lwa ndamoloma mba.

Matayo 26:75

na Petero yizuliza amakuva ga Yeso yamuvolera, “Idaywa nikikiri kulagula, ivi ulanyambakana haali kavaga.” Yatura nazia ichova nalira ligali no vovereri.

Marko 14:72

Nonoho, idaywa yalagula lwa kaviri. Hene yaho Petero yizuliza kuli Yeso yaali namuvooleye, “Idaywa nikikiri kulagula haali kaviri, ivi ulanyambakana haali kavaga.” Lwa Petero yizuliza amakuva yago, yavelera kandi natiguka maliga.

Likunula 3:19

Mundu wa inzi nyanza, mugondokeraa nu kumuha amageri. Ove nu vugulu nu kwiganira utuli muvwoni vuvwo.

1 Samweli 28:6

Yateeva Yahova cha anyala kokora. Navuzwa Yahova siyaamutivulira kali hakuzu, ku maloto kinga ku litumikira Urimu na Zumimu anoho ku avaporofeti mba.