Lwimbu lwa Solomoni 5:16 - KITABU KITAKATIFU

¹⁶ Limoloma lilie liveeye lilahi ligali, vindu viosi kuye viyanziza. Avakali va Jerusalemi, uyu nu muyanze wange kandi nu mulina wange.

Lwimbu lwa Solomoni 5:16 ပူးပေါင်းရင်းမြစ်များ

2 Samweli 1:23

“Saolo na Jonazani, vaali avalahi kandi avayaanzwa ligali. Mulivamwoyo, kandi mu likuza; sivaavukana mba. Vaali avizimbiru kuvita zindizu. Vaali avizingulu kuvita zisimba.

Zaburi 119:103

Amigizu googo gaveeye manolu ligali - amanolu ligali kali kuvita uvwuki!

Zaburi 148:13

Leka vosi vizominye Yahova! Lieta lilie liveeye linene kuvita gandi goosi; uvukumi vwivwe voveeye igulu wi lirova ni ligulu.

Zaburi 19:10

Likalago yili liegombangwa ligali kuvita izahabu indahi ligali; liveeye linolu kuvita uvwuki vulahi ligali.

Zaburi 45:2

Ivi oveeye musaza wi ligondo lilahi kuvita avandi vosi. Kandi oveeye mumolomi mulahi ligali Nyasaye akugasizaa kazozo.

Zaburi 89:6

O, Yahova, siaveeye ho nu mundu kali mulala mwigulu oveeye kuli ivi mba, anoho vilombe viosi viveeye mu ligulu sivinyala kweleng'anyia ku ivi mba.

Lwimbu lwa Solomoni 1:16

O, muyanze wange, ivi oveeye mulahi ligali; kandi unyaanzizaa ligali. Vunyasi vuvisi vulava kidali chiitu.

Lwimbu lwa Solomoni 1:2

Ivi wambusa nu munwa gugwo; vuyanzi vuvwo voveeye vulahi kuvita iwaini.

Lwimbu lwa Solomoni 1:5

O, avakali va Jerusalemi, inzi mbeeye ni ligondo limwamu, navuzwa mulahi ligali, mbeeye mumwamu kuli lihema lia Kedari, navuzwa mbeeye mulahi ligali kuli zisuka munyumba ya Solomoni yu vwami.

Lwimbu lwa Solomoni 2:1

Inzi mbeeye kuli kimuli chakanyu cha Sharoni, kandi mbeeye kuli kimuli kilavu chu mulivona liu mukigulu.

Lwimbu lwa Solomoni 2:16

Muyanze wange aveeye wange, kandi inzi mbeeye weve. Yayizaa chayo chiche cha magondi hagati hi vimuli,

Lwimbu lwa Solomoni 2:3

Nindio aveveeye muyanze wange hagati ha vasaza vandi, oveeye kuli musaala gwa makuyu hagati hi misaala ju mulitu. Ndayaanza kwikala mu chiriri chagwo, kandi makuyu gagwo gaveeye amanolu ligali.

Lwimbu lwa Solomoni 4:3

Munwa gugwo goveeye kuli luvusi lwakanyu, goveeye mulahi ligali lwo molomaa. Zisaya zizio zing'ereng'ana inyima wi suka yooyo.

Lwimbu lwa Solomoni 6:3

Muyanze wange aveeye wange, kandi inzi mbeeye weve; yayizaa chayo chiche chamagondi hagati hi vimuli.

Lwimbu lwa Solomoni 7:9

munwa gugwo guveeye kuli iwaini indahi. Maku oleke iwaini yitululuki kuduuka ku muyanze wange, yitululuki ku munwa gwigwe kandi kuminu geege.

Jeremia 15:16

Ivi wamoloma ninzi na ndaahuliriza vuli likuva liilio. Inzi mbeeye woovo, Yahova Nyasaye Wuvunyali, kunangwa makuva googo galeetanga vusangali kandi uvuyanzi mu mwoyo gwange.

Jeremia 3:20

Navuzwa kuli mukali utaveeye musuuvirifu, simuveeye avasuuvirifu ku inzi mba. Inzi Yahova mali kovora.”

Hosea 3:1

Yahova yambolera, “Zia umanyie kandi vuyanzi vwuvwo ku mukali woovo okolaa kali niiva yayanzwa nu mundu uwundi na akolaa ovoheyi. Ivi kuduuka umuyanze vuzwa kuli inzi Yahova nyanza avandu va Isiraeli, kali niiva vagirung'ana nukuzia kuvanyasaye vandi kandi vayanza kuhaana vihaanwa viumuzabibu gwuminywa ku vifananyi.”

Vagalatia 2:20

Ndaavambwa harara na Kristo ku musalaba, na kalunu mbeeye mwoyo. Siaveeye ni inzi oveeye mwoyo navuzwa ni Kristo oveeye mwoyo mu inzi. Livamwoyo lia mbeeye nalio kalunu yili, mbeeye nalio mu lisuuvira; lisuuvira mu Mwana wa Nyasaye, uwanyaanza kuduuka nahaana livamwoyo lilie kigira inzi.

Vafilipi 3:8

Yee, inzi ligali mbalizaa ivindu viosi kuva asara vuzwa kigira keveeye ho ikilahi ligali, nacho ni kumanya Kristo Yeso Mwami wange. Inzi ndasiuva vindu viosi kigira Kristo, mbalizaa ivindu yivi viosi kuva amandu vuzwa kunangwa nduhi nduuki konyoora Kristo.

Yakobo 2:23

Mang'oda Matakatifu gaduukizwa agavoora ndi, “Aburahamu yasuuvira Nyasaye, kandi kigira lisuuvira, Nyasaye yamuvugilira kuva umulungi.” Kandi ya langwa umulina wa Nyasaye.

Yakobo 4:4

Munyi avandu avataveeye vasuuvirifu! Simumanyi ndi kuva umulina wi lirova, gaveeye kovora kuva musigu wa Nyasaye? Woosi owenyaa kuva umulina wi lirova yekolaa umusigu wa Nyasaye.