Lwimbu lwa Solomoni 5:1 - KITABU KITAKATIFU

¹ Inzi mali kwingira mu mulimi gwange, muyanze wange, kandi muselerwa wange, mbungizaa mudalasini gwange kandi vifunya mwayu, ndiza vwuki na mana gene; Nwezaa iwaini yange kandi maveere gange. Vayanze vange, mulie kandi munwi kuduuka lwa muhaambika vuyanzi!

Lwimbu lwa Solomoni 5:1 ပူးပေါင်းရင်းမြစ်များ

Litanga 37:25

Lwa vaali nivalizaa, nonoho valora muganda gwa vandu va Ishimaeli nivageenda kutura Gileadi. Zing'amia ziavo ziali nizigingi kimuli na manemane.

Zaburi 147:11

Navuzwa ayanziliraa yavo avamuhezaa luyali, kandi mu yavo avasuuviraa mu vuyanzi vwivwe vwa kazozo.

Zaburi 16:3

Avatakatifu avaveeye mu lirova, nivo avaveeye vuvukumi ligali na liyaanzilira liange linene liveeye muvene yavo.

Tsing'ano 24:13

Mwana wange, ulie uvwuki kigira voveeye vulahi. Uvwuki vwidolokaa kutura ku kisaganyi, voveeye vonolu ku lulimi lulwo.

Tsing'ano 9:5

“Muuzi, mulie chukulia change kandi munwi iwaini yamali kuzuganyamu mudarasini.

Kohelethu 2:5

Ndaalima milimi ninjikumberiza nulugaga, nindaga mu misaala ja makuyu zing'ano ziosi.

Lwimbu lwa Solomoni 1:13

Muyanze wange aveeye kuli livoho liu muhomo gwa manemane, liveeye hagati hi zimbere ziange.

Lwimbu lwa Solomoni 4:16

Vuka ive imbuza yi Ivaale; imbuza yi Isavaalu hamba. Huuza ku mulimi gwange. Yizuliza havundu hano nu mwika gwu muhomo oleke muyanze wange yaaze mu mulimi gwigwe kandi alie amakuyu malahi gagwo.

Lwimbu lwa Solomoni 4:8

Mwiha wange, hamba harara ninzi kutura ku kiguru cha Lebanoni. Hamba ninzi kutura kondongozi kwi kiguru cha Amana. Kutura ku kiguru cha Seniri, na Herimoni, havundu hizisimba nizingo zimenyaa.

Lwimbu lwa Solomoni 6:11

Ndasulunguta kutura mu mulimi gwa makuyu, ninzia mwivona kolola kimuli ni kisiahi; kolola niiva mizabibu gitangi kwama, kandi niiva mikuyu gitulizi kimuli.

Lwimbu lwa Solomoni 6:2

Muyanze wange aziyi mu mulimi gwigwe hi misaala ju mudalasini gimeraa. Yayizaa chayo chiche mu mulimi kandi avungiza kimuli mu mulimi.

Lwimbu lwa Solomoni 8:1

Ndegomba ngano waali amwavo wange, ngano mama wange yakanyunyia zimbeere zizie ku magulu geege. Maku niiva ndakaagani na ivi munzira, ndakakuvusi nu mundu si yakagenyi mba.

Lwimbu lwa Solomoni 8:13

Muyanze wange, leka mbuliri mwoyo gugwo kutura mu mulimi, valina vange valindilira kukuhulira no molomaa.

Isaya 23:18

Likiranyia liu vutugi vwalio, vulatakaswa ku vutumiki vwa Yahova; uvutugi yivu si vulavikwa mukedeera mba, navuzwa vulatumika ku yavo avasigamiraa Yahova, kunangwa vaduuki konyoora viukulia kandi lieviika zinguvu kolondekana ni lienya liavo.

Isaya 5:1

Huliriza lwa ngwimbira lwimbu yilu. Lwimbu lwu mulina wange harara nu mulimi gwi kizabibu chiche: Mulina wange yaali nu mulimi gwi kizabibu ku kiguru cha malova magunamu.

Isaya 51:3

Inzi Yahova, “Ndaleminya Jerusalemi mwoyo. Kandi ndaleminya mwoyo yavo vosi avamenyaa mu mang'anye galio. Kali niiva kivala chalio keveeye ichangalangwe, ndakekola keve mulimi kuli gwa Edeni ugwa ndataaga. Uvuyanzi nuvusangali vilava yo, kandi zinyimbu zieliizominya kandi lisandiza ziliimbwa ku inzi.

Isaya 53:11

Inyima wi limenya liu vusaliri alirana kuva nuvusangali; alamanya ndi siyasaaliraa vugira kivuni mba. Mutumikiri wange mulungi uwa inzi nyanzizangwa naye, alagiinga amageri ga vanyingi, na kigira ye ndasamiiha uvwoni vwavo.

Isaya 58:11

Inzi Yahova, ndamwimilira kazozo kandi ndigutiza lienya lienyu nivindu vilahi. Ndamukora muve ni zinguru kandi ovulamu mu miviri jinyu; na munyi mulava kuli milimi jisamwa amazi manyingi, kuli kisinukiru cha mazi gacho gatakamaa mba.

Isaya 61:11

Kuli ivitagwa vitomboka ma viviruka, Yahova Nyasaye alaleeta uvulungi kandi lizominywa imbiri Mwami Munene Yahova alahonyia avandu veve, kandi zihiiri ziosi zilamwizominya.

Isaya 65:13

Kulwayago, yavo avasigamiraa inzi kandi avahulira inzi valanyora lilia kandi linwa linyingi, navuzwa munyi mulava ninzara kandi muvuluhu. Valava nu vusangali, navuzwa munyi mulava mu zisoni.

Isaya 66:14

Lwa muloraa yaga nigekoleka, mulasangale. Galamukola muve nizinguru kandi avalamu. Maku mulamanya ndi inzi Yahova, ngonyaa yavo avambuliranga, kandi manyianga uvutima vwange ku vasigu vange.”

Matayo 25:40

Mwami alakavativuliri, ‘Muvooleraa, choosi cha mwakolera mulala ku avamwavo vange avakeekeke yava, mwakolera inzi!’

Luka 12:4

“Inzi muvooleraa avalina vange, mutatia yavo avenyaa ukwiti muviri; navuzwa lwi nyima, sivanyala kokora kindu kindi kidamanu ligali mba.

Yohana 3:29

Oyo oveeye nu Mwiha osereywi niye mwami we keserero. Navuzwa mulina wu mwami we keserero, usingira nukuhuliriza, asangalaa ligali lwa ahuliraa mwami wekeserero namolomaa. Kigira yaga uvuyanzi yivwo nivwo vwa inzi mbeeye navwo; kandi vuduukiziywi.

Vikolwa 11:29

Avandu avasuuviraa yavo vatovora kuhila kindu choosi cho vokonyi, sa mulala kuli anyala, ku avamwavo vamenya Ivuyuda.

Vafeso 5:18

Mutahambika iwaini mba kigira imanya imudivizi; navuzwa mwizuli Roho du.

Likunula 22:17

Kandi Roho harara nu umwiha vavoola, “Hamba!” Kandi uyu uhuliraa avoora “Hamba.” Kandi uyu oveeye nu uvuluhu yaaze, avugiliri amazi gi livamwoyo kuva ikihaanwa, uyu uwegombaa yaaze.

Vakalagi 14:11

Ulwa vandu valora yaga vaamuletera avalina salasini vave nivagunzaa naye.

Vakalagi 14:20

Umukali uyu yahaanwa ku uyu uwaali umulina wasingilira Samusoni mu keserero.