Lwimbu lwa Solomoni 4:8 - KITABU KITAKATIFU

⁸ Mwiha wange, hamba harara ninzi kutura ku kiguru cha Lebanoni. Hamba ninzi kutura kondongozi kwi kiguru cha Amana. Kutura ku kiguru cha Seniri, na Herimoni, havundu hizisimba nizingo zimenyaa.

Lwimbu lwa Solomoni 4:8 ပူးပေါင်းရင်းမြစ်များ

1 Avami 4:33

Yamoloma makuva gi livamwoyo lie misaala ni vitagwa, kutura ku midaragwa ja Lebanoni kuduuka ku visaara vimerana ku madigi; yamoloma kandi amakuva zinyama ziosi na manyonyi gi vimolaa kuli zinzoka, ni zisuzi.

2 Avami 5:12

Komeeda ku gene yago, migera ja Abana na Farapari, migera ja Damasiko, sigiveeye milahi kuvita mugera ku gwosi mu Isiraeli? Ngano ndaali ndakisaavi mujo ma ndahonywa!”

1 Kyetsinyinga 5:23

Navuzwa avandu vi ihiiri ya Manase vi Ivugwi vamenya mu kivala cha Bashani kali kuduuka Ivaale ha Baali Herimoni, Seniri, kandi ha kiguru cha Herimoni, kandi avandu vameedeka kuva vanyingi ligali.

Zaburi 45:10

Omwiha wu mwami, huliriza ku agambooraa, yivilira avandu vovo na viko vovo,

Zaburi 72:16

Leka have nuvuswage vunyingi mu kivala; vigulu vizuri ligesa kuli lie kiguru cha Lebanoni. Leka madaala manene gizuri avandu kuli milimi gizuyi uvunyasi!

Zaburi 76:1

Nyasaye yamanyikana mu kivala chi Ivuyuda; lieta lilie liveeye nu luyali ligali mu Isiraeli.

Zaburi 76:4

O, Nyasaye, ivi oveeye wuvukumi ligali! Ivi oveeye kuli umwami munene, wiranaa kutura mu vigulu umwa waguutira avasigu vovo.

Zaburi 89:12

Ivi walomba lirova kutura Ivaale kuduuka Isavaalu; Avandu vu kukiguru cha Tabori kandi kiguru cha Herimoni viimba ni vizominya ivi kigira uvusangari.

Tsing'ano 9:6

Muleke muganda gwa vandu avasiru, na mulamenya. Mulonde kunzira yilimanya.”

Lwimbu lwa Solomoni 2:13

Misaala ja makuyu gitangi kwengiza makuyu, mizabibu gilavizaa vimuli, giveeye nu muhomo mulahi. Muyanze wange, hamba; muyanze wange mulahi ligali, hamba harara ninzi.

Lwimbu lwa Solomoni 5:1

Inzi mali kwingira mu mulimi gwange, muyanze wange, kandi muselerwa wange, mbungizaa mudalasini gwange kandi vifunya mwayu, ndiza vwuki na mana gene; Nwezaa iwaini yange kandi maveere gange. Vayanze vange, mulie kandi munwi kuduuka lwa muhaambika vuyanzi!

Lwimbu lwa Solomoni 7:11

Muyanze wange hamba kuzie mumilimi, kandi kogone mu madaala.

Isaya 62:5

Nyasaye alasangalira munyi kuli muyaayi asangalira mwiha wa asereraa, kandi kuli mwiha asangalira muyaayi wa aselerangwa ku.

Ezekieli 27:5

vatumikira zimbaho zie misaala ji miberozi kutura ku kiguru cha Herimoni. Vaavugura musaala gwu mudaragwa kutura Lebanoni kokolombera umulage.

Yohana 12:26

Uyu wenyaa kundumikira gamuduukira anonde, kandi hoosi ha mbeeye, niho hu mutumikiri wange ava, kandi mundu ku vosi undumikira, Baba wange alamuha uvukumi.

Kwidzulitsa 3:25

Ngusaala O, Yahova, oleke nyambuki mugera gwa Jorodani ndore kivala kilahi kandi kenoru kolovega Lundi lula; kivala kilahi chi vigulu via Lebanoni.’

Kwidzulitsa 3:9

(Avandu va sidoni valanga kiguru cha Herimoni yicho, Sironi, na vandu va Amori vakilaangaa Seniri.)

Joshua 12:1

Avandu va Isiraeli vaali nivaguuti kivala keveeye Ivugwi wu mugera gwa Jorodani, kutura mu livona lia Arinoni kuduuka mu livona lia Jorodani kandi kuduuka kolovega lwa ivaale ha kiguru cha Herimoni. Vaguuta avami vaviri.