Lwimbu lwa Solomoni 4:6 - KITABU KITAKATIFU

⁶ Ndagunza ku kiguru cha manemane, kiguru chi kimuli kuduuka lwi liuva litongaa, kandi kuduuka lwi kisundi kegota.

Lwimbu lwa Solomoni 4:6 ပူးပေါင်းရင်းမြစ်များ

Zaburi 66:15

Ndahaana amagondi gasambwa ku vwali vuvwo, ndahaana visiuviliru vie zigiriki kandi zimburi, na umwochi gulavuuya kuduuka mu malesi.

Kutwula 20:24

Munombere uvwali vwamarova, na muhaaniri ku visiuviliru via amagondi ni zing'ombe kuva ivihaanwa viu kusambwa kandi kuli vihaanwa vie mirembe. Havundu hoosi hamutovolera kusigamira, ndaaza ku munyi nukumugaasiza.

Kutwula 30:8

Kuduuka akole malala mere lwa ahambizaa zitaya hamugorova. Lihaana kimuli yili kuduuka lizizagiliri zing'inga ziosi ziza.

Kutwula 37:29

Kandi yalomba maguta matakatifu gukuvaka kandi Kimuli kifunyaa mwayu mulahi ligali, ichazuganywa kuli maguta gu muhomo.

Lwimbu lwa Solomoni 2:17

kuduuka lwi liuva litongaa, kandi kisundi kegota. Muyanze wange, wirane, kuli kisusu kandi kuli embongo esoleri ku vigulu via Bezeri.

Lwimbu lwa Solomoni 3:6

Nivwaha uyu uzaa kutura mu changalangwi kuli itiiru yu mwoki, yayivaka maguta gu mwayu ga manemane kandi gi kimuli, galombwa kutura ku mudarasini gwa vakiranyi?

Lwimbu lwa Solomoni 4:14

Misaala jiveeye ni vimuli vifunya muhomo, harara ni midalasini minene.

Lwimbu lwa Solomoni 8:14

Muyanze wange, hamba kuinzi kuli embongo, kuli embongo esoleri, ku vigulu hu mudalasini gomeraa.

Isaya 2:2

Mu madiku gaaza, kukigulu kwi Litembeli lia Yahova liumbakwa kilava igulu ligali kuvita vigulu vindi viosi. Na zihiiri zinyingi valagenda kuzia kucho.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Malaki 4:2

Navuzwa kumunyi avatizaa inzi, zinguru ziange zio vohonyi zilatonga ku munyi kuli liuva. Ndaleta vohonyi ku munyi kuli vwaku vwi liuva. Mulakave avavoholore kandi nu vusangali kuli vimoli vituliziywi mu kego.

Luka 1:78

Nyasaye wiitu aveeye wi zimbavasi kandi umulahi. Alalomba vulavu vwovohonyi vwake ku kunyi kutura mwigulu.

2 Petro 1:19

Kunangwa koveeye ni lisuuvira ligali na makuva galandizwa na vaporofeti. Mulakola vulahi niiva mulagahuliriza, kigira gaveeye kuli itaya yaka mu kisundi kuduuka lwa vuchezaa, nu vulavu vwe eng'ereng'ani ya mugamba yaka mumioyo jinyu.

1 Yohana 2:8

Kali ndio, mung'oderaa lilaga lihia kalunu, kigira agiligali galio galoleka mu Kristo kandi mu munyi. Kigira kisundi kivitaa, na uvulavu vwa giligali vumali kwaaka.

Likunula 22:16

Inzi, Yeso, mali kutuma engelosi wange aduuki kumulandizira ivindu yivi mu makanisa. Inzi mbeeye wi kisukururwi cha Daudi; mbeeye eng'ereng'ani.

Likunula 5:8

Lwa yaali niyakavugula kitabu zana, ivilombe vine viveeye mwoyo, harara na vakulundu sirini na ine, vaagwa imbiri wu Mwana wi Ligondi. Sa mulala yaali nu vukana, ni vituva vie izahabu, ni vizuyi kimuli, viosi niviveeye lisaala lia vandu va Nyasaye.