Lwimbu lwa Solomoni 4:3 - KITABU KITAKATIFU

³ Munwa gugwo goveeye kuli luvusi lwakanyu, goveeye mulahi ligali lwo molomaa. Zisaya zizio zing'ereng'ana inyima wi suka yooyo.

Lwimbu lwa Solomoni 4:3 ပူးပေါင်းရင်းမြစ်များ

Litanga 32:10

Inzi si mbeeye kali kindu kekekeeke ku vuyanzi vwosi vutaveeye ne keheri, kandi uvusuuvirifu vwosi vwa umali kumanyia ku inzi, mutumikiri woovo mba. Inzi ndaambuka mugera gwa Jorodani ni imbimbu yange yeng'ine. Kalunu mali kwirana ni viduma viviri yivi vandu ni viayo.

Ezara 9:6

Inzi ndaavoora, “O, Nyasaye, inzi mbeeye ni zisoni kuginga mutwi gwange igulu imbiri woovo. Uvwoni vwitu vumali kuva vunyingi ligali, imbiri woovo.

Zaburi 119:13

Ndiranira kuvoola vudinyu, amalago goosi ga umali kuhaana ku inzi.

Zaburi 37:30

Munwa gwu mundu mulungi, govoora amakuva govogeri vuli kazozo.

Zaburi 45:2

Ivi oveeye musaza wi ligondo lilahi kuvita avandi vosi. Kandi oveeye mumolomi mulahi ligali Nyasaye akugasizaa kazozo.

Tsing'ano 10:13

Avandu vovogeri vamoloma makuva gi kivuni, navuzwa vandu vasiru gavadukiraa vahevwe amageri.

Tsing'ano 31:26

Amolomaa novogeri vwagalaha kandi aveeye wi liegiza lisuuvirifu.

Lwimbu lwa Solomoni 1:5

O, avakali va Jerusalemi, inzi mbeeye ni ligondo limwamu, navuzwa mulahi ligali, mbeeye mumwamu kuli lihema lia Kedari, navuzwa mbeeye mulahi ligali kuli zisuka munyumba ya Solomoni yu vwami.

Lwimbu lwa Solomoni 4:11

Muyanze wange, munwa gugwo gotonyatonya vonolu kuli, maveere nu vwuki viveeye kululimi lulwo. Lulimi lulwo loveeye kuli lizazama lia maveere kandi vwuki ku inzi. Nu muhomo gwi zinguvu zizio goveeye kuli gwa Lebanoni.

Lwimbu lwa Solomoni 5:13

Zisaya zizie ziyaanzizaa kuli mulimi gwizura zinyasi kandi mudalasini. Minwa jije giveeye kuli vimuli, giveeye miziliru harara ni vifunya mwayu via mazi.

Lwimbu lwa Solomoni 5:16

Limoloma lilie liveeye lilahi ligali, vindu viosi kuye viyanziza. Avakali va Jerusalemi, uyu nu muyanze wange kandi nu mulina wange.

Lwimbu lwa Solomoni 6:7

Zisaya zizio zing'ereng'ana inyima we isuuka yooyo.

Lwimbu lwa Solomoni 7:9

munwa gugwo guveeye kuli iwaini indahi. Maku oleke iwaini yitululuki kuduuka ku muyanze wange, yitululuki ku munwa gwigwe kandi kuminu geege.

Ezekieli 16:63

Nasamihi uvwoni vwinyu vwosi vwa mumali kokora, navuzwa nimuvwizulizi kandi namuve muzizoni ligali kali sinamutivuli ku kindu mba.” Yahova Wuvunyali umali kovora.

Kyavalevi 14:4

Musaalisi alamulaga aleete manyonyi gaviri agaveeye malahi kolondekana nidini, harara nu lubaho lwumusaala gwu mudaragwa, luvusi lwakanyu nu luvinu, viletwe kuye kigira oyo wenyaa kutakaswa.

Kyavalevi 14:6

Alavugula linyonyi litigaye mwoyo, nukuliina, harara nulubaho lwu mudaragwa, nuluvusi lwakanyu, nuluvinu, mu masahi gi linyonyi lisinziywi.

Livalidza 19:6

Maku avuguli musaala gwu mudalagwa, luvinu no mugoye mwakanyu no kuvisiuva mu mulilu.

Livalidza 4:8

Maku valakunika kuvindu yivi inguvu inzakanyu, kandi vakuniki kwigulu kesero chi imburi; maku vaviiki misaala ju kuginga mu vogono vwajo.

Matayo 12:35

Mundu mulahi aleetaa ivindu vilahi kutura mu livikiru lilahi liumwoyo gwigwe; kandi umundu mudamanu atulizaa amadamanu kutura mu livikiru liu uvudamanu vwu mwoyo.

Luka 4:22

Avandu vosi vayanzizwa naye ni vagenya kigira makuva malahi gayavoola. Vavoola, “Uyu siaveeye muyaayi wa Josefu?”

Vafeso 4:29

Mutaleki likuva lidamanu kali lilala lituli mu minwa jinyu kali hakuzu mba, navuzwa muvoore makuva gaveeye malahi gukwumbaka gaduukanaa ni ing'inga yene yeyo, kandi gaduuki kuhaana zimbavasi kuyavo vagahulira.

Vakolosai 4:6

Muleke livoora lienyu live ligasu nilio kuyaanziza madiku goosi, muduuki kumanya kuli gamuduukira kutivulira mundu sa mulala.

Vahebraina 9:19

Kutanga Musa yalandizira avandu vosi malago goosi kuli galohizwa mu Lilaga. Maku navugura masahi gi zigiriki na gi zimburi, nagazuganyia harara na mazi, kandi naguuha ku kitabu chi Lilaga kandi niyuha ku vandu vosi, natumikira ameyo galombwa ku visara nuvwoya vwakanyu.

Joshua 2:18

Yiki nicho cha gakuduukiraa okole. Lwa kwingira mukivala chienyu, voha mugoye mwakanyu yigu ku lidirisha liukwikiziyi mu hasi yili. Leeta harara munyumba yooyo yinu baba na mama woovo, avamwavo vovo, na avinyumba ya baba woovo vosi.