Lwimbu lwa Solomoni 4:11 - KITABU KITAKATIFU

¹¹ Muyanze wange, munwa gugwo gotonyatonya vonolu kuli, maveere nu vwuki viveeye kululimi lulwo. Lulimi lulwo loveeye kuli lizazama lia maveere kandi vwuki ku inzi. Nu muhomo gwi zinguvu zizio goveeye kuli gwa Lebanoni.

Lwimbu lwa Solomoni 4:11 ပူးပေါင်းရင်းမြစ်များ

Litanga 27:27

Lwa yisunda ahimbi kumuvusa, Isaka yafunya ku zinguvu zizie ma namugasiza. Yavoola, “Lifunya liu mwayu mulahi liu muyaayi wange liveeye kuli lifunya liu mwayu mulahi liu mulimi gwa Yahova amali kugasiza.

Zaburi 19:10

Likalago yili liegombangwa ligali kuvita izahabu indahi ligali; liveeye linolu kuvita uvwuki vulahi ligali.

Zaburi 45:8

Zinguvu zizio zifunyaa mwayu gwa manemane, wundi na kida. Aviimbi vakusangalizaa mu zinyumba ziuvwami, iziasiafa na miinu gi zinzogu.

Zaburi 92:13

Vaveeye kuli misaala jasimikwa munyumba ya Yahova, jiviruka mu Litembeli lia Nyasaye wiitu.

Tsing'ano 16:24

Amakuva malahi gaveeye kuli vwuki, gaveeye amalahi ku kuhulira, kandi malahi ku vulamu vwu muviri gugwo.

Tsing'ano 5:2

Maku ulamanya kuli uva ni miima milahi, na makuva googo galamanyia ndi oveeye ni limanya.

Tsing'ano 5:3

Munwa gwu mukali muheyi ginyala kuva milahi kuli vwuki kandi livuusa lilie lihomolokaa kuli maguta ga muzeituni,

Lwimbu lwa Solomoni 4:10

Mwiha wange, muyanze wange vuyanzi vwuvwo vunyaanzizaa; vuyanzi vuvwo vuveeye vulahi kuvita iwaini, kandi muhomo gwa maguta googo goveeye mulahi kuvita mudarasini.

Lwimbu lwa Solomoni 4:3

Munwa gugwo goveeye kuli luvusi lwakanyu, goveeye mulahi ligali lwo molomaa. Zisaya zizio zing'ereng'ana inyima wi suka yooyo.

Lwimbu lwa Solomoni 5:1

Inzi mali kwingira mu mulimi gwange, muyanze wange, kandi muselerwa wange, mbungizaa mudalasini gwange kandi vifunya mwayu, ndiza vwuki na mana gene; Nwezaa iwaini yange kandi maveere gange. Vayanze vange, mulie kandi munwi kuduuka lwa muhaambika vuyanzi!

Lwimbu lwa Solomoni 5:13

Zisaya zizie ziyaanzizaa kuli mulimi gwizura zinyasi kandi mudalasini. Minwa jije giveeye kuli vimuli, giveeye miziliru harara ni vifunya mwayu via mazi.

Lwimbu lwa Solomoni 7:9

munwa gugwo guveeye kuli iwaini indahi. Maku oleke iwaini yitululuki kuduuka ku muyanze wange, yitululuki ku munwa gwigwe kandi kuminu geege.

Isaya 7:15

Alalia maguta nuvwuki lwa amanya kusuura uvudamanu nokotovola uvulahi.

Hosea 14:2

Mwirane ku Yahova na musaale lisaala yili kuye kuli kihanwa: “Ukusamihi uvwoni vwitu vwosi kandi uvugiliri lisaala lietu. Kunyi kulakwizominya kuli kumali kulaga.

Vahebraina 13:15

Gendi kuvitiri mu Yeso, kuhaane ku Nyasaye kisiuviriru chi lizominya lietu kazozo, agaveeye kovora, kisiuviriru kihaanangwa ni minwa jiyama lieta lilie kuli Mwami.