Lwimbu lwa Solomoni 3:4 - KITABU KITAKATIFU

⁴ Nonoho lwa kwavukana navo, ndaamunyoora. Ndamugumira kandi sindenya mulakuli mba, kuduuka lwa ndamuhila munyumba ya mama wange, mukengoze chandivulilwa mu.

Lwimbu lwa Solomoni 3:4 ပူးပေါင်းရင်းမြစ်များ

Litanga 32:26

Maku mundu oyo yavoola, “Leka inzi nzie kigira vucheye.” Yakobo yamuvolera, “Inzi si ndakuvugilira uzie mba, kuduuka lwa ungasiza.”

Tsing'ano 4:13

Wizulizi vuli ing'inga cha umali kwiga. Vogeri vuvwo ni limenya liilio, uvulindi vulahi ligali.

Tsing'ano 8:17

Nyanza yavo vanyanza; uyu onyenyaa alanyoola.

Lwimbu lwa Solomoni 1:7

Muyanze wange, mbolera, ivi ulazia kwaya haliha chayo cha magondi googo? Galazia kososa haliha ing'inga yu mbasu mululu? Kigira ki inzi ngohenze hagati hi chayo cha magondi ga vayi vandi?

Lwimbu lwa Solomoni 6:12

Mbeeye mu lidegera; umali konomba mbe niliegomba vuyanzi, kuli muhiri wi ligale liu vulwani yegombaa liihi.

Lwimbu lwa Solomoni 7:5

Mutwi gugwo gwa singira vulungi kuli kiguru cha Karimeli. Liisu liilio lia sitwa ling'ereng'anaa kuli inguvu indahi, vulahi vwalio vunyala kuviika mwami muvuhambe.

Lwimbu lwa Solomoni 8:2

Ndaali nguhili munyumba ya mama wange, ha waali unzigizi vuyanzi. Ndaali ngohe iwaini yazuganywa mu mudalasini. Kunwa mazi ga makuyu gange.

Isaya 45:19

Simbolaa amakuva gange mu vwivisu mba, anoho kutura mu kivala chi kisundi mba. Sindenya avandu va Isiraeli konyenya ha vundu heere vuzwa mba. Inzi mbeeye Yahova, kandi mboraa agiligali kandi nandizaa amalungi.”

Jeremia 29:13

Munyi mulanyenyeriza na mulanyola, kigira mulanyenyeriza ni mioyo jinyu josi.

Lisyoma lya Jeremia 3:25

Yahova aveeye mulahi ku yavo vosi avaviika lisuuvirizwa liavo muye, ku oyo umwenyelerizaa.

Matayo 28:9

Lwa vaali nivazizaa kovoolera aviigi veve, nonoho Yeso mwene yagana navo navacheliza; “Mirembe ku munyi.” Vakali yavo vazia kuye, ni vagumira ku virenge vivie, kandi vaamusigamira.

Matayo 7:7

“Musaale, na mulahevwa, mwenye, na mulanyola; mwigulihizi, na mu ligulirwa kiliango.

Varumi 8:35

Nivwaha ulikwavukanyia kutura ku vuyanzi vwa Kristo? Ni kivi, anoho ni vusaliri, anoho ni lidambizwa, anoho inzara, anoho ichahonyo, anoho vuhiimwa, anoho kivavi?

Varumi 8:39

anoho kivala chi igulu, anoho cha hasi ligali, anoho kelombe ku vilombe viosi ikinyala kukwavukanyia nu vuyanzi vwa Nyasaye, ovoveeye vwitu kuvitira mu Kristo Yeso, Mwami wiitu.

Vagalatia 4:26

Navuzwa lidaala lia Jerusalemi yu mwigulu liveeye livoholore, kandi liveeye mama wiitu.