Lwimbu lwa Solomoni 2:8 - KITABU KITAKATIFU

⁸ Mbulira mwoyo gwu muyanze wange. Yaazaa nanyagura kutura ku vigulu, atumatuma ku tugulu kuza kuinzi.

Lwimbu lwa Solomoni 2:8 ပူးပေါင်းရင်းမြစ်များ

2 Samweli 6:16

Lwi Lisandugu lie Lilagana, liali nilileetwa mu Lidaala linene Mikali, mukaana wa Saolo yahenzera mwidirisha nalora mwami Daudi navina kandi natuumatuuma mu livinira Yahova, kandi yavihilirwa ligali.

Lwimbu lwa Solomoni 2:17

kuduuka lwi liuva litongaa, kandi kisundi kegota. Muyanze wange, wirane, kuli kisusu kandi kuli embongo esoleri ku vigulu via Bezeri.

Lwimbu lwa Solomoni 4:16

Vuka ive imbuza yi Ivaale; imbuza yi Isavaalu hamba. Huuza ku mulimi gwange. Yizuliza havundu hano nu mwika gwu muhomo oleke muyanze wange yaaze mu mulimi gwigwe kandi alie amakuyu malahi gagwo.

Lwimbu lwa Solomoni 5:2

Lwa ndagona, mwoyo gwange gwahenzaa. Ndalota ndi muyanze wange yigulihiza kumuliango. Muyanze wange, leka nzingili munyumba. Muyanze wu mwoyo gwange, likuulu liange. Lime lizuuyi ku mutwi gwange, kandi mazi ge lilumbi gizuyi mulisu liange.

Isaya 35:6

Mundu mulema alatumatuma kuli kisusu, kandi yavo avaveeye zidimbidi, zinimi ziavo zilimba nukusangara. Amazi galasinuka mwigendanyama, kandi togera twa mazi tulituruka kuvitira mu changarangwi.

Isaya 44:23

Mwimbi nuvusangali, munyi ligulu! Muhanzuki munyi isi wi lirova! Muhanzuki nu vusangali, munyi vigulu O, munyi militu ni misaala josi ijiveeye mu, kigira Yahova umali kohonyia kisukururwi cha Yakobo; naye alakuminywa mu kivala cha Isiraeli.

Isaya 52:7

Gaveeye gukuyaanziza ligali, kolola mutumwa naatuliyi mu vigulu, naletaa makuva malahi, makuva malahi gimirembe! Nalandizaa uvuguuti kandi avoleraa lidaala linene lia Ziyoni, “Nyasaye woovo aveeye Mwami!”

Jeremia 48:27

Mwizulizaa kuli mwakolera avandu va Isiraeli kehenyahenye? Mwavakolera kuli vaali ni vagumiliywi harara nu muganda gwa aviivi.

Luka 6:23

Ing'inga yene yeyo, munyi musangare nukukina nuvuyanzi kigira, heenzi ligali madanyi ginyu gaveeye manene mwigulu Kigira nindio avaguuga vaavo vakolera avaporofeti.

Yohana 10:27

Amagondi gange gahulira mwoyo gwange; inzi ngamanyi, nago ganondaa.

Yohana 3:29

Oyo oveeye nu Mwiha osereywi niye mwami we keserero. Navuzwa mulina wu mwami we keserero, usingira nukuhuliriza, asangalaa ligali lwa ahuliraa mwami wekeserero namolomaa. Kigira yaga uvuyanzi yivwo nivwo vwa inzi mbeeye navwo; kandi vuduukiziywi.

Vikolwa 14:10

yavoola nu mwoyo munene, “Singira vulungi!” Mulema oyo yasingira vwangu na atangaa kogenda.

Vikolwa 3:8

Yatuma igulu vwangu nasingira natanga kogenda. Maku yingira Mwitembeli harara navo, nagenda natuumatuuma, niyizominya Nyasaye.

Likunula 3:20

Henza, singiyi ha kiliango nzigulihizaa. Umundu woosi naava naahulira mwoyo gwange nukunzigulira kiliango, ndingira munyumba yeeye, nduuki kulia harara naye kandi naye alie harara ninzi.