Lwimbu lwa Solomoni 2:3 - KITABU KITAKATIFU

³ Nindio aveveeye muyanze wange hagati ha vasaza vandi, oveeye kuli musaala gwa makuyu hagati hi misaala ju mulitu. Ndayaanza kwikala mu chiriri chagwo, kandi makuyu gagwo gaveeye amanolu ligali.

Lwimbu lwa Solomoni 2:3 ပူးပေါင်းရင်းမြစ်များ

Zaburi 45:2

Ivi oveeye musaza wi ligondo lilahi kuvita avandi vosi. Kandi oveeye mumolomi mulahi ligali Nyasaye akugasizaa kazozo.

Zaburi 45:3

Weevohe kivavi chicho, mwami wizingulu. Ivi oveeye wuvukumi kandi wuluyali.

Zaburi 57:1

O, Nyasaye, ombere zimbavasi kigira nzizanga ku ivi osoore. Nzivisaa mu ivi kuli engoko ivisaa viminyu viayo isi wi zimbaha ziayo kuduuka lwa imbuza yi chihi elekela.

Zaburi 89:6

O, Yahova, siaveeye ho nu mundu kali mulala mwigulu oveeye kuli ivi mba, anoho vilombe viosi viveeye mu ligulu sivinyala kweleng'anyia ku ivi mba.

Zaburi 91:1

Uyu omenya isi wi likingwa lia Nyasaye oveeye Igulu Ligali, uyu omenyaa isi wi chiriri cha Yahova Wuvunyali,

Lwimbu lwa Solomoni 1:16

O, muyanze wange, ivi oveeye mulahi ligali; kandi unyaanzizaa ligali. Vunyasi vuvisi vulava kidali chiitu.

Lwimbu lwa Solomoni 2:5

Omedi zinguru mu inzi na makuyu mumu, kandi undihizi amakuyu! Mbeeye mudedekere kigira uvuyanzi.

Lwimbu lwa Solomoni 4:13

Vivero vivio viavilukaa kuli musaala goveeye mumilimi. Kandi gwama makuyu malahi ligali. Mulimi gwi misaala ju muhomo.

Lwimbu lwa Solomoni 4:16

Vuka ive imbuza yi Ivaale; imbuza yi Isavaalu hamba. Huuza ku mulimi gwange. Yizuliza havundu hano nu mwika gwu muhomo oleke muyanze wange yaaze mu mulimi gwigwe kandi alie amakuyu malahi gagwo.

Lwimbu lwa Solomoni 5:16

Limoloma lilie liveeye lilahi ligali, vindu viosi kuye viyanziza. Avakali va Jerusalemi, uyu nu muyanze wange kandi nu mulina wange.

Lwimbu lwa Solomoni 7:13

Unyala kufunyiriza muhomo gwi misaala mihia, kandi makuyu malahi goosi gaveeye ahimbi nu muliango gwitu. Muyanze wange inzi mali kukuvikila makuyu malahi zing'ano ziosi, amakuyu kandi amahia.

Lwimbu lwa Solomoni 8:11

Solomoni yaali numulimi gwi kizabibu, havundu halangwa Bali Hamoni. Yaali mu na valimi vamutunga kugutumikira; vuli mulala yatunga vidonye vie ifeza 1,000.

Lwimbu lwa Solomoni 8:12

Solomoni yavugilira vidonye 1,000 ni kidieli cha valimi kuli vidonye 200. Inzi mbeeye nu mulimi gwange gwi kizabibu!

Lwimbu lwa Solomoni 8:5

Nivwaha uzaa kutura mu changalangwi, vagumilani nu muyanze weve? Ndakuvukiza nogonaa muchiriri chu musaala gwu mukuyu, hamama wowo yakoverekera, hayaali ni numwa na kwivulilwa ho.

Isaya 25:4

Avadaka navatiinyalizaa virukiyi ku ivi na vahoni mu zing'inga ziuvudinyu. Uvahezaa likingwa kutura kumbula yi imbuza enene kandi ichiriri kutura ku vuhiu vwi liuva. Avandu valulu vatulira kuli imbuza enene yu vukindu,

Isaya 32:2

Vuli mulala kuvo alakave kuli chukwikinga kutura kumbuuza kandi havundu hu kwivisa kutura kumbula yikiihi. Valakave kuli migera ja mazi jiturukaa kutura mu changarangwi, kandi kuli chiriri chu lwanda lonene mu kivala kitaveeye ni liama.

Isaya 4:2

Ing'inga yiza lwa Yahova alakakole vuli kitagwa kandi umusaala mu kivala kuviruka ligali nukuva umulahi. Avandu vosi va Isiraeli, avatigara, valalia nu kusangalira amakuyu malahi gi lirova.

Isaya 4:6

Vukumi vwivwe vulaleta chiriri ing'inga yu muvasu mululu gwi lidiku, kandi halava havundu hu kwilukira ing'inga yi imbura kandi yi chihi.

Ezekieli 47:12

Misaala zing'ano ziosi najiviruki ku vuli luginga lwu mugera kuhaana chukulia. Matu gajo sinaganiare mba, kandi si nagalekele kwama makuyu mba. Naame namakuyu malahi vuli mweli, kigira jisamangwa na mazi gaturaa mu Litembeli. Misaala jilakahaane viukulia kandi matu gajo galakatumiki kohonyia avandu.”

Joeli 1:12

Makuyu gi mizabibu ni misaala ja makuyu jimali kuniara; misaala giosi ja matunda ja vunguluka kandi jaakuza. Vusangali vwavandu vwagota.

Vahebraina 12:2

Gendi kohenze ku Yeso mutangizi kandi muduukizi wilisuuvira lietu, kutura mu litanga kuduuka ku keheri; kigira uvusangari vwali nivuvikiywi imbiri weve, yikuzira ku musalaba, nachaya zisoni zie likuza na yikaye ha mukono mulungi gwendeve yu vwami vwa Nyasaye.

Vakalagi 9:15

Ulutavati lwavoolera imisaala, ‘Niiva mwenya Inzi mwamihi, nyenya munyi muuzi kwigama muchiriri change. Nigataveeye ndio, umuliru gwaduki mu lutavati lwange kandi gusambe imidalangwa ja Lebanoni.’