Lwimbu lwa Solomoni 2:16 - KITABU KITAKATIFU

¹⁶ Muyanze wange aveeye wange, kandi inzi mbeeye weve. Yayizaa chayo chiche cha magondi hagati hi vimuli,

Lwimbu lwa Solomoni 2:16 ပူးပေါင်းရင်းမြစ်များ

Zaburi 48:14

“Nyasaye uyu aveeye Nyasaye wiitu mihiga ni mihiga; alakwimilira ku zing'inga ziosi izizaa.”

Zaburi 63:1

O, Nyasaye, ivi oveeye Nyasaye wange. Na inzi ngwenyererizaa nu mwoyo gwosi. Mwoyo gwange goveeye nuvuluhu vonene ku ivi. Liiva liange liosi liegombanga ivi kuli kivala ichumu, kuli ichangalangwe chegombaa amazi.

Lwimbu lwa Solomoni 1:7

Muyanze wange, mbolera, ivi ulazia kwaya haliha chayo cha magondi googo? Galazia kososa haliha ing'inga yu mbasu mululu? Kigira ki inzi ngohenze hagati hi chayo cha magondi ga vayi vandi?

Lwimbu lwa Solomoni 2:1

Inzi mbeeye kuli kimuli chakanyu cha Sharoni, kandi mbeeye kuli kimuli kilavu chu mulivona liu mukigulu.

Lwimbu lwa Solomoni 4:5

Zimbeere zizio ziveeye kuli zimbongo, visusu viamalongo viaya hagati hi vimuli.

Lwimbu lwa Solomoni 6:2

Muyanze wange aziyi mu mulimi gwigwe hi misaala ju mudalasini gimeraa. Yayizaa chayo chiche mu mulimi kandi avungiza kimuli mu mulimi.

Lwimbu lwa Solomoni 6:3

Muyanze wange aveeye wange, kandi inzi mbeeye weve; yayizaa chayo chiche chamagondi hagati hi vimuli.

Lwimbu lwa Solomoni 7:10

Inzi mbeeye wu muyanze wange, kandi lienya lilie liveeye kuinzi.

Lwimbu lwa Solomoni 7:11

Muyanze wange hamba kuzie mumilimi, kandi kogone mu madaala.

Lwimbu lwa Solomoni 7:13

Unyala kufunyiriza muhomo gwi misaala mihia, kandi makuyu malahi goosi gaveeye ahimbi nu muliango gwitu. Muyanze wange inzi mali kukuvikila makuyu malahi zing'ano ziosi, amakuyu kandi amahia.

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Vagalatia 2:20

Ndaavambwa harara na Kristo ku musalaba, na kalunu mbeeye mwoyo. Siaveeye ni inzi oveeye mwoyo navuzwa ni Kristo oveeye mwoyo mu inzi. Livamwoyo lia mbeeye nalio kalunu yili, mbeeye nalio mu lisuuvira; lisuuvira mu Mwana wa Nyasaye, uwanyaanza kuduuka nahaana livamwoyo lilie kigira inzi.