Lwimbu lwa Solomoni 2:14 - KITABU KITAKATIFU

¹⁴ Ivi oveeye kuli likuulu lievisaa mu zimbangaywa zia magina. Leka ndore mumoni mumwo kandi mbuliri mwoyo gugwo; Kigira mwoyo gugwo goveeye mulahi ligali, kandi mumoni mumwo muveeye mwuvuyaanzi.

Lwimbu lwa Solomoni 2:14 ပူးပေါင်းရင်းမြစ်များ

Ayubu 9:16

Kali niiva ndakamulangi, naye yaandivuliri, sindakasuuviyi ndi, ahulirizaa ku agambooraa mba.

Zaburi 110:3

Ku lidiku lia uzia kulwaana vasigu vovo, avandu vovo valiihaana aveene. Avayaayi vovo valaza ku ivi ku vigulu vitakatifu kuli lime lia mugambazuri.

Zaburi 22:3

Navuzwa ivi Nyasaye oveeye mutakatifu, wamihaa kutura ku endeve yooyo yu vwami, na ivi niyie wa avandu va Isiraeli viizominyanga.

Zaburi 45:11

uvulahi vwi ligondo liilio vulalomba mwami kukukayirwa; aveeye munene woovo, kunangwa kuduuka umuhuliri.

Zaburi 45:12

Avandu kutura mu kivala cha Tiro valakoletera vihaanwa; avandu vatugi valageriza kwenya liyanzilira liilio.

Zaburi 50:23

Lwa muhaanaa lisandiza ku inzi, gaveeye kuli muhanaa visiuvilu viu kuhaana luyali ku inzi, na mulikola ndio, ligali ndahonya yavo vosi avambuliraa.”

Zaburi 68:13

Kali niiva vaatigara mu vigo via magondi, vagavulana vilanye kuli zimbaha zia makuulu ziavakwa ifeza, na amavaha gazio gaavakwa izahabu indahi.

Zaburi 74:19

Kunyi koveeye avadedekere kuli likuulu, utakolekera vasigu viitu mba. Utivilira livamwoyo lia vandu vovo avadambizwa mihiga ni mihiga mba!

Kutwula 3:6

Inzi mbeeye Nyasaye wa avaguuga vinyu, Nyasaye wa Aburahamu, Isaka na Yakobo.” Kunangwa Musa yafuma mumoni mwimwe, kigira yatia kohenza Nyasaye.

Tsing'ano 15:8

Yahova ayaanzizwa nilisaala lia vandu valahi, navuzwa adunyiraa visiuviliru viletwaa na vandu vachamu.

Lwimbu lwa Solomoni 1:15

Muyanze wange, oveeye mulahi ligali; zimoni zizio zing'ereng'ana kuli zielikulu!

Lwimbu lwa Solomoni 1:5

O, avakali va Jerusalemi, inzi mbeeye ni ligondo limwamu, navuzwa mulahi ligali, mbeeye mumwamu kuli lihema lia Kedari, navuzwa mbeeye mulahi ligali kuli zisuka munyumba ya Solomoni yu vwami.

Lwimbu lwa Solomoni 1:8

Niiva si wamanya havundu, O, mukali mulahi ligali? Zia olonde munzira yi chayo cha magondi zia waye vimeme vie zimburi zizio ahimbi na mahema ga vayi.

Lwimbu lwa Solomoni 5:2

Lwa ndagona, mwoyo gwange gwahenzaa. Ndalota ndi muyanze wange yigulihiza kumuliango. Muyanze wange, leka nzingili munyumba. Muyanze wu mwoyo gwange, likuulu liange. Lime lizuuyi ku mutwi gwange, kandi mazi ge lilumbi gizuyi mulisu liange.

Lwimbu lwa Solomoni 8:13

Muyanze wange, leka mbuliri mwoyo gugwo kutura mu mulimi, valina vange valindilira kukuhulira no molomaa.

Isaya 2:21

Lwa Yahova yaazaa kodegeriza lirova, avandu valakivisi mu zimbangaywa zia magina gi vigulu kandi mu malina, nokogeliza kwiruka kutura ku vutima vwivwe, kandi kwivisa kutura kuzinguru zizie kandi ku vukumi vwivwe.

Isaya 51:3

Inzi Yahova, “Ndaleminya Jerusalemi mwoyo. Kandi ndaleminya mwoyo yavo vosi avamenyaa mu mang'anye galio. Kali niiva kivala chalio keveeye ichangalangwe, ndakekola keve mulimi kuli gwa Edeni ugwa ndataaga. Uvuyanzi nuvusangali vilava yo, kandi zinyimbu zieliizominya kandi lisandiza ziliimbwa ku inzi.

Isaya 6:5

Inzi ndavoora, “O, vayaayi, kivi keveeye ku inzi! Choosi cha mboraa keveeye chu vwoni, kandi menyaa hagati havandu va vuli likuva liavo liveeye liuvwoni. Navuzwa mali kolola mwami, Yahova Wuvunyali!”

Isaya 60:8

Yava ni vanga vwaha avagendaa kuli amalesi gagendaa mu ligulu, kandi kuli amakuulu gaburukaa kuvitira mu mianzu jago?

Jeremia 48:28

“Munyi avandu vamenya mukivala cha Moabu, muleke amadara ginyu! Muzie komenya mu zinyanda! Muve kuli likuulu lilombaa inyumba yalio mu zimbega zie live.

Jeremia 49:16

Lielora liyinyu limali kumugaada. Avulaho mundu kali mulala utizanga munyi kali niiva muganaganaa vamutiizaa. Munyi mumenyaa muzimbangaywa ziezinyanda, igulu kukigulu; navuzwa kali niiva mwamenya igulu mwigulu kuli indizu, Yahova alamwikiza. Yahova amali kovora.”

Ezekieli 7:16

Ku vosi avalakahononoke valakave mu vigulu nivasioma kuli makuulu gu mumavona kigira uvwoni vwavo.

Danyeli 9:7

Ivi, Yahova, zing'inga ziosi okolaa agaveeye malungi, navuzwa kunyi kweletera zisoni zing'inga ziosi. Yaga gaveeye agiligali kukunyi vosi avamenyi mu kivala chi Ivuyuda kandi mu lidaala lia Jerusalemi kandi avandu vosi va Isiraeli vawasalanya muvivala via himbi ni ihale kigira sivali avasuuvirifu ku ivi mba.

Obadia 1:3

Liegingira lie mioyo jinyu limali kumugaada; munyi avamenyi mu imbinga yu lwanda, vomenyo vwinyu voveeye igulu, mu vigulu. Kunangwa mwevoleraa, ‘Nivwaha unyala kukwikiza hasi?’

Matayo 10:16

“Mutumaa kuli amagondi hagati hi vivwi. Muve no vogeri kuli vwi zinzoka, na avahoma mu mioyo jinyu kuli amakuulu.

Matayo 3:16

Lwa Yeso yaali niyakabatizwa, yatura mu mazi vwangu. Henza iligulu liakunuka, Roho wa Nyasaye yika kuli ilikuulu, ni yaza kuye.

Vafeso 5:27

aduuki kwenyolera likanisa liu vukumi litaveeye nimbara anoho makunya anoho kindu kidamanu kuli yivi.

Vakolosai 1:22

Navuzwa kalunu umali kumuhambanyia kuvitira mu likuza liu Mwana mu muviri gwinyama ya Kristo, kigira likuza lio Mwana weve aduuki kumuleeta imbiri weve avatakatifu, avataveeye nelihiolo kandi avatali nimbara kuye.

Vahebraina 10:22

Kulwayago, gendi kwisundi ahimbi ku Nyasaye numwoyo gwiligali ni lisuuvira liu vuduukiru, nikoveeye ni zing'anagani zie mioyo jitakasiywi kutuliza mu zing'anagani zindamanu, kandi miviri ni jogiziiywi na mazi malahi.

Vahebraina 4:16

Kunangwa, gendi kuluviliri kwisunda ahimbi kondeve yu vwami vwa Nyasaye, hi zimbavasi ziveeye. Ahene yaho, kulanyoola livererwa kandi zimbavasi ziukokokoonya lwa kuzienya.

1 Petro 3:4

Navuzwa liesiaha lienyu live liu mu mwoyo; liesiaha litanyala kwoneka imihiga josi; iliveeye lia roho wo vohocha no vohoma, kandi oveeye nu vuguli ovonene imbiri wa Nyasaye.

Yudasi 1:24

Kalunu uyu, unyala kulinda munyi muvuli kugwa, nu kumusingiriza imbiri wu vukumi vwivwe vugira imbara mu uvusangari ovonene,

Likunula 5:8

Lwa yaali niyakavugula kitabu zana, ivilombe vine viveeye mwoyo, harara na vakulundu sirini na ine, vaagwa imbiri wu Mwana wi Ligondi. Sa mulala yaali nu vukana, ni vituva vie izahabu, ni vizuyi kimuli, viosi niviveeye lisaala lia vandu va Nyasaye.