Lwimbu lwa Solomoni 2:13 - KITABU KITAKATIFU

¹³ Misaala ja makuyu gitangi kwengiza makuyu, mizabibu gilavizaa vimuli, giveeye nu muhomo mulahi. Muyanze wange, hamba; muyanze wange mulahi ligali, hamba harara ninzi.

Lwimbu lwa Solomoni 2:13 ပူးပေါင်းရင်းမြစ်များ

Lwimbu lwa Solomoni 1:15

Muyanze wange, oveeye mulahi ligali; zimoni zizio zing'ereng'ana kuli zielikulu!

Lwimbu lwa Solomoni 2:10

Muyanze wange amolomaa ku inzi. Muyanze wange, hamba; muyanze wange mulahi ligali, hamba harara ninzi.

Lwimbu lwa Solomoni 2:15

Gumira vivwi vikekeke, nivikikiri kwononyia milimi jitu ji mizabibu.

Lwimbu lwa Solomoni 6:11

Ndasulunguta kutura mu mulimi gwa makuyu, ninzia mwivona kolola kimuli ni kisiahi; kolola niiva mizabibu gitangi kwama, kandi niiva mikuyu gitulizi kimuli.

Lwimbu lwa Solomoni 7:8

Ndanina ku musaala gwu munazi, na nzaguli makuyu gagwo. Zimbeere zizio ziveeye kuli visaga via makuyu ku inzi, mwika gugwo goveeye kuli muhomo gwa makuyu,

Isaya 18:5

Imbiri wa mazabibu gagikiri kuvungizwa, lwa vimuli viosi vimali kuvunguluka kandi lwa mazabibu genga, musigu aladiviza avandu va Ezopia kuli muvano gukalagaa zisia kutura ku musaala gwu muzabibu.

Isaya 61:11

Kuli ivitagwa vitomboka ma viviruka, Yahova Nyasaye alaleeta uvulungi kandi lizominywa imbiri Mwami Munene Yahova alahonyia avandu veve, kandi zihiiri ziosi zilamwizominya.

Hosea 14:6

Valalanda kuli zisia ziu musaala, kandi valava valahi ligali kuli misaala ja muzeituni. Valava ni lifunya liu mwayu mulahi ligali kuli midaragwa ja Lebanoni.

Haggai 2:19

Kali niiva si koveeye nu vuswage vutigaye, kandi amakuyu, mizabibu, mukomanga, kandi misaala ja muzeituni gitatulizaa makuyu, navuzwa kutura kalunu kuzizagilira, ndamugasiza.”

Matayo 24:32

“Kalunu mwigi lugano yilu kutura ku mukuyu. Hene yaho lwu ulusia lwagwo lutanga kugwa lodoto ni lusivuka amatu, mumanya ndi ing'inga yi kivasu eveeye ahimbi.

Luka 19:42

navoora, “Ndakayanzi ligali niiva munyi mwakamanyi ku lidiku linu vindu via mwenyeka muve navio, ku muve ni mirembe. Navuzwa kalunu vivisiywi kutura mu zimoni zienyu.

2 Vakorintho 5:20

Kunyi koveeye avatumwa va Kristo; Nyasaye mwene atumikiraa kunyi kogoonya munyi. Kumugoonya mu vogono vwa Kristo, muhambanywe na Nyasaye.