Lwimbu lwa Solomoni 1:2 - KITABU KITAKATIFU

² Ivi wambusa nu munwa gugwo; vuyanzi vuvwo voveeye vulahi kuvita iwaini.

Lwimbu lwa Solomoni 1:2 ပူးပေါင်းရင်းမြစ်များ

Litanga 29:11

Maku yamuvusa kandi natanga lilira kigira uvuyanzi.

Litanga 45:15

Yavusa avamwavo veve vosi, kandi navalilira. Inyima wa yaga, avamwavo veve vataanga komoloma na Josefu.

Zaburi 2:12

mudegere nukumwinamira gase uvutima vwivwe vulaaka, na munyi mukuzi vwangu. Vaveeye nuvugasu yavo vosi avanyagura kuye vanyoore likingwa.

Zaburi 36:7

O, Nyasaye, vuyanzi vuvwo vutaveeye nekeheri voveeye vulahi ligali, ukingaa mu likingwa liilio, kuli engoko ikingaa viminyu mu zimbaha ziayo.

Lwimbu lwa Solomoni 1:4

Umbuguli nzie nivi, kandi kwiluki mwami wange nivi, kandi kwiluki ove mwami wange na imbiri winyumba yooyo. Kulayaanza nukusangara harara, kulanwa iwaini, kandi kulayaanzana. Nicho kigira avakali vosi nivakuyaanza!

Lwimbu lwa Solomoni 2:4

Yambira munyumba yeeye yu kulilamu lisavo, kandi yaginga ebendera yeeye yu vuyanzi ku inzi.

Lwimbu lwa Solomoni 4:10

Mwiha wange, muyanze wange vuyanzi vwuvwo vunyaanzizaa; vuyanzi vuvwo vuveeye vulahi kuvita iwaini, kandi muhomo gwa maguta googo goveeye mulahi kuvita mudarasini.

Lwimbu lwa Solomoni 5:16

Limoloma lilie liveeye lilahi ligali, vindu viosi kuye viyanziza. Avakali va Jerusalemi, uyu nu muyanze wange kandi nu mulina wange.

Lwimbu lwa Solomoni 7:12

Kuzie mu vizabibu vuli mugambazuri, na kolole niiva mizabibu jitulizi kimuli, kandi niiva kimuli cha makuyu kisiahi. Kandi kolole niiva makuyu gatulizi kimuli. Ahene yaho, ndakuha vuyanzi vwange.

Lwimbu lwa Solomoni 7:6

Ivi oveeye mulahi ligali, Oveeye uyanziza; vuyanzi vwuvwo vwosi voveeye vuduukiru.

Lwimbu lwa Solomoni 7:9

munwa gugwo guveeye kuli iwaini indahi. Maku oleke iwaini yitululuki kuduuka ku muyanze wange, yitululuki ku munwa gwigwe kandi kuminu geege.

Isaya 25:6

Ku kiguru cha Ziyoni, Yahova Wuvunyali alaketegekizi iliilia linene kigira zihiiri ziosi zie lirova, iliilia lie viukulia vinolu ni iwaini indahi ligali.

Matayo 26:26

Lwa vaali ni valiza, Yeso yavugula umulango gwu mugadi, nahaana ilisaandiza ma nameganyia. Yahaana ku aviigi veve navoora, “Vuguli mulie; yigu nu muviri gwange. ”

Luka 15:20

Kunangwa yasingira natanga logendo lwu kwirana ku baba weve. “Navuzwa lwa yaali nakikiri ihale, baba weve yamulola, kandi yamuvererera. Yanyagula, naamukumbelera kandi namuvusavusa.

Vikolwa 21:7

Kwazizagilira no logendo lwiitu kutura Tiro nikuduuka Petolemai, nikucheliza yo avaamitu viitu nikogona yo lidiku lilala.

1 Petro 5:14

Muchelizane ni livuusana liu vuyanzi vwu Vukristayo. Mirembe jive ku munyi vosi avaveeye va Kristo. Amini.