Lwimbu lwa Solomoni 1:12 - KITABU KITAKATIFU

¹² Lwu mwami yaali naveeye mundeve yeeye, maguta gange gu muhomo gekolera lifunya mwayu.

Lwimbu lwa Solomoni 1:12 ပူးပေါင်းရင်းမြစ်များ

Zaburi 45:1

Mwoyo gwange gwizuuyi makuva malahi, ulwa ndohizaa kandi kuhandika lwimbu yilu ku mwami. Nyimbiraa umwami lwimbu yilu, lulimi lwange lwetegeki kwimba lwimbu lulahi, kuli ikalamu yu mung'odi mulahi.

Lwimbu lwa Solomoni 1:11

Navuzwa kulakolombera munyororo gwi zahabu, nigusihiywi ni ifeza.

Lwimbu lwa Solomoni 7:5

Mutwi gugwo gwa singira vulungi kuli kiguru cha Karimeli. Liisu liilio lia sitwa ling'ereng'anaa kuli inguvu indahi, vulahi vwalio vunyala kuviika mwami muvuhambe.

Matayo 22:11

“Lwu mwami yingira kolola avageni, yanyoora mundu mulala uwavula kwivika inguvu ye keserero.

Matayo 22:4

Yatuma kandi avatumikiri vandi, navoora: Muvoolere yavo avagenihiziywi, ‘Inzi mali kolomba iviukulia viange; izigiriki ni zing'ombe ziange zing'omeru zimali kwitwa. Vindu viosi vitegeki. Hambi mu keserero!’

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Marko 14:3

Lwa Yeso yaali niyikaye nalizaa munyumba ya Simoni waali novogere mu lidaala lia Bezani, umukali mulala yaza ni ijuba ya maguta gu mwayu agu vuguli vonene. Yatanyia ijuba, ni yitulura amaguta yago ku mutwi gwa Yeso.

Yohana 12:3

Kunangwa Maria yavugula ijuba ya maguta gafunyaa umwayu, aginaridi enzere aguvuguli vonene. Yavaka virenge via Yeso, na niyeeya virenge zana ni liisu lilie. Inyumba yoosi yekolera mwayu.

Vafilipi 4:18

Yee, mali konyoora ivindu viosi viamumali kuhaana ku inzi, kandi ni ivinyingi kuvita lienya liange. Mali kuvinyoora kuvitira mu amakono ga Epafurodita. Vihaanwa yivi viveeye kuli kihanwa kifunyaa umwayu umulahi ku Nyasaye; kandi viveeye isadaka indahi ivugilirwa nu kuyaanziza Nyasaye.

Likunula 3:20

Henza, singiyi ha kiliango nzigulihizaa. Umundu woosi naava naahulira mwoyo gwange nukunzigulira kiliango, ndingira munyumba yeeye, nduuki kulia harara naye kandi naye alie harara ninzi.