Lwimbu lwa Solomoni 1:10 - KITABU KITAKATIFU

¹⁰ Zisaya zizio ziveeye zindahi ligali ni midindi ji liisu liilio; jayelera ku ligoti liilio kuli magina guvuguli.

Lwimbu lwa Solomoni 1:10 ပူးပေါင်းရင်းမြစ်များ

Litanga 24:22

Lwa yaali ni yakamala kunwehiza zing'amia mazi, mutumikiri yavugula ebede yizahabu iyuvulitu ziguramu 6 ma naviika kumulugu gu mukaana uyu, kandi naviika visambo viviri vie zahabu ku makono geege iyuvulitu ziguramu 115.

Litanga 24:47

Ndaamuteeva, ‘Ivi nu mukaana wa vwaha?’ Naye yativura, ‘Inzi mbeeye umukana wa Bezueli mwana wa Nahori, Mama wange ni Milika.’ Maku ndaamuha ebede kandi nimbika visambo ku makono geege.

Litanga 24:53

Yahaana ku Rabeka viju vie zahabu kandi ifeza harara ni zinguvu. Kandi yahaana ku mbozo weve na mama weve vihaanwa viu vuguli vudinyu ligali.

Litanga 41:42

Maku mwami yaatuliza imingiri yu muhuri kutura ku kedete chiche, ma naviika ku kedete cha Josefu. Yamuvika zinguvu zindahi zie katani; Kandi yamuvika munyororo gwi zahabu mwigoti mwimwe.

Tsing'ano 1:9

Amigizu gaavo galakokola ove mulahi kuli igudwa ku mutwi gugwo kandi amadongolo mu ligoti liilio gakokola kuva ni ligondo lilahi.

Lwimbu lwa Solomoni 1:11

Navuzwa kulakolombera munyororo gwi zahabu, nigusihiywi ni ifeza.

Lwimbu lwa Solomoni 4:9

Uyanziza mwoyo gwange mbozo wange, mwiha wange, uyanzizi mwoyo gwange ni lihenza liezimoni zizio. Kandi munyororo mulala gwi ligina liu vuguli ogoveeye mwigoti mumwo.

Lwimbu lwa Solomoni 5:13

Zisaya zizie ziyaanzizaa kuli mulimi gwizura zinyasi kandi mudalasini. Minwa jije giveeye kuli vimuli, giveeye miziliru harara ni vifunya mwayu via mazi.

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Livalidza 31:50

Kunangwa koletaa viju vialombwa kutura ku ifeza, minyororo, visambo, ebede, zinono, zinale zio kumukono via vuli mulala kukunyi yavugula. Kuvihaana ku Yahova vive kuli mitungu ji livamwoyo lietu, kunangwa Yahova aduuki kukukinga.”

1 Petro 3:4

Navuzwa liesiaha lienyu live liu mu mwoyo; liesiaha litanyala kwoneka imihiga josi; iliveeye lia roho wo vohocha no vohoma, kandi oveeye nu vuguli ovonene imbiri wa Nyasaye.