Luka 4:41 - KITABU KITAKATIFU

⁴¹ Mademoni gaturaa kuvandu vanyingi nigahanzuka, nigavoora, “lvi oveeye Mwana wa Nyasaye!” Navuzwa Yeso yagagondokera, siyagavugilira gamolome mba, kigira gaamanya aveeye Kristo.

Luka 4:41 ပူးပေါင်းရင်းမြစ်များ

Matayo 26:63

Navuzwa Yeso yakiring'ana. Musaalisi Munene yamuvolera, “Ngwisuuhiza mu lieta lia Nyasaye oveeye mwoyo, okovolere niiva ivi niyie Mesia, Umwana wa Nyasaye.”

Matayo 4:3

Maku, Setani yaza kuye, namuvolera, “Ivi nuuva noveeye Umwana wa Nyasaye, laga amagina yaga gagwi uvuchima.”

Matayo 8:16

Lwa gwaduuka mugolova, vamuleetera avandu vanyingi ava mademoni gaali ni gaagumira. Naye kulivoola likuva vuzwa, yaagakunga. Na yahonyia vosi avaari avalwaye.

Matayo 8:29

Navo vatanga kuhanzuka nivavoora, “Koveeye ndi nivi, O, Mwana wa Nyasaye? Uzi hano kukudambiza ing'inga nikikiri kuduuka?”

Matayo 8:4

Ma Yeso ya muvooleraa, “Utavoolera umundu kali mulala, navuzwa uzie, wimanyie ku musaalisi, uhaane ivihaanwa via Musa yalaga keve ekelolero ku vandu ndi umali kohonywa.”

Marko 1:25

Navuzwa Yeso yamugondokera namuvolera, “Kiring'ana, kandi utuli mu mundu uyu!”

Marko 1:32

Lwi iliuva liayera, valetera Yeso avalwaye vosi, harara na vaali na mademoni.

Marko 1:34

Yeso yahonyia avalwaye avanyingi avi zinguzu lugano lugano kandi nakunga amademoni amanyingi. Yagaya amademoni gatamoloma mba, kigira gaali nigamumanya.

Marko 3:11

Lwa avandu avaari na mademoni vamulola, vaagwa hasi mam'mama imbiri weve ni vakuba lukwiri, “Ivi oveeye Mwana wa Nyasaye!”

Luka 4:39

Yeso yazia nasingira ahimbi naye na gondokeraa vulwaye, kandi yahona nonoho kutura ku vulwaye. Na ahene yaho mukeere oyo yasingira, na avatumikiraa.

Yohana 20:31

Navuzwa yivi viang'odwa kunangwa munyi muduuki kusuuvira ndi Yeso ni Mesia. Mwana wa Nyasaye; na mu lisuuvira lienyu muye, mulava ni livamwoyo mu zie lieta lilie.

Yakobo 2:19

Usuviraa Nyasaye aveeye mulala yenyine? Vulahi! Amademoni nago kandi gasuuviraa ni gadegeraa nu vuti.