Luka 3:8 - KITABU KITAKATIFU

⁸ Gamudukira mukore vikolwa vilahi vimanyia ndi mumali kwiganira kutura mu vwoni vwinyu ligali. Mutatanga kwevoolera aveene kalunu, ‘Kunyi koveeye avana va Aburahamu.’ Muvooleraa agiligali, Nyasaye anyala kugirung'anyia amagina yaga gagwi avana va Aburahamu.

Luka 3:8 ပူးပေါင်းရင်းမြစ်များ

Nehemia 5:11

Mwaza, yaanzi muviiranyiri milimi jaavo, milimi ji mizabibu jaavo, milimi ji mizeituni jaavo imbia kandi nizinyumba ziavo vwangu!”

Ezekieli 33:24

Yavoola, “Mwana wu Mundu, avandu vamenya mu madaala manene mang'anye gi kivala cha Isiraeli vavoola ndi: ‘Aburahamu yaali vuzwa mundu mulala, navuzwa yahevwa kivala choosi. Kunyi koveeye avanyingi, kunangwa kalunu kivala keveeye chiitu.’

Matayo 21:43

“Kigira yaga muvooleraa, munyi mulanyagwa Uvwami vwa Nyasaye ma vohevwe avandu vi ihiiri yindi, avanyala kwama amakuyu amalahi.”

Matayo 3:8

Gamudukira mukore ivikolwa vimanyia ndi mumali kwiganira.

Matayo 3:9

Mutiganaganyia aveene kovora, ‘Kunyi koveeye na guuga wiitu Aburahamu!’ Muvooleraa agiligali, Nyasaye anyala kolombera Aburahamu avana kutura ku magina yaga.

Luka 13:25

Mwene inyumba alasingira kandi ahane kiliango; maku lwa munyi musingiraa ichova nukwigulihiza kukiliango nimuvoora, ‘Mwami, kwiguliri!’ Alamutivulira, ‘Inzi simanyi wa muturaa mba.’

Luka 13:26

Maku mulataga kumuvolera, ‘Kunyi nivo avalizaa kandi ni kunwa harara niivi; ivi wigiza mu madaala giitu.’

Luka 14:9

naye wagenihiza munyi vombi alaza akovolere, ‘Haana vwiyangu ku uyu.’ Hene yaho ulava soni imbiri wa avandi kuvugura endeve yukumaliriza.

Luka 19:40

Yeso yavativulira, “Inzi muvooleraa ndi, kali niiva yava valakiring'ana, amagina yaga galahanzuka.”

Luka 19:9

Yeso yamuvolera kandi, “Lidiku linu, ovohonyi vumali kuduuka kunyumba yiyi, kigira uyu aveeye kisukururwi wa Aburahamu.

Luka 5:21

Avigizi vi Lilaga na Vafarisayo vatanga kotevana nivavoora, “Ni mundu ki uyu ovola manyego? Ivwaha unyala kusamiiha uvwoni natali Nyasaye yenyine?”

Yohana 8:33

Navo vativura, “Kunyi koveeye visukululwi via Aburahamu, kandi kunyi kukiri kuva avatugwa vu mundu woosi mba. Gaveeye ndi ivi ovola, ‘Mulava no vovoholore?’ ”

Yohana 8:39

Vaamutivulira, “Baba wiitu ni Aburahamu!” Yeso yavavolera, “Munyi mulava avana va Aburahamu ngano mwakakoli kuli Aburahamu yakola.

Vikolwa 26:20

Navuzwa ndatanga kwilwaza ku avandu va Damasiko, inyima ku ava Jerusalemi ni kivala choosi chi Vuyuda, kandi ku Avizihiiri. Ndaavilwazira vaduuki kwiganira kandi, viraniri Nyasaye nu kumanyia mu vikolwa viavo ndi vamali kugirung'anywa mu mioyo jaavo.

Varumi 4:16

Kigira yaga, lisuuvirizwa liatura ku lisuuvira; kunangwa lisuuviriza liduuki kuvikwa ku muhuri ni kihanwa cha Nyasaye yahaana vuzwa ku visukululwi vosi va Aburahamu. Sigaveeye vuzwa ku yavo vatizaa Lilaga venyine, navuzwa ku yavo kandi avasuuviraa kuli Aburahamu yakola. Aburahamu aveeye baba wiitu kunyi vosi mu Roho.

Varumi 9:7

Anoho si viveeye visukululwi via Aburahamu viosi iviveeye vana vi ligali va Nyasaye mba. Nyasaye yavolera Aburahamu. “Kuvitira mu Isaka, ivi ulava ni visukululwi va ndaakusuuviriza.”

Vafilipi 1:11

Livamwoyo lienyu liosi liliizula amakuyu goosi gu vulungi agatulaa mu Yeso Kristo kuduuka ku uvukumi ni ilizominywa lia Nyasaye.