Luka 24:45 - KITABU KITAKATIFU

⁴⁵ Maku Yeso yakunura zing'anagani ziavo vaduuki kumanya mang'oda matakatifu.

Luka 24:45 ပူးပေါင်းရင်းမြစ်များ

Ayubu 33:16

Avakolaa vahulirize ku agaavoola, kandi vatihizangwa ni lieganihiza lilie.

Zaburi 119:18

Ukunuli zimoni ziange, kunangwa nduuki kolola agiligali gokogenyia mu lilaga liilio.

Kutwula 4:11

Yahova yamuvolera, “Nivwaha walomba munwa gwu mundu? Nivwaha umukolaa kuva idimbidi anoho wahana matu noho nivwaha umuhezaa lilola anoho umukolaa muvoku? Siaveeye Inzi Yahova?

Luka 24:32

Vateevana mulala nu wundi, “Mioyo jitu, sijali nuvusangali vonene lwa komolomangi naye nikogenda kunzira, nakwivaliraa mang'oda matakatifu?”

Vikolwa 16:14

Mulala ku yavo avakuhulira yaali Lidia, kutura mu lidaala lia Ziatira, yaali mukoli wi viasara vie zinguvu zie rangi ya muzambarao. Yaali mukali uwaasigamiraa Nyasaye. Mwami yakunura mwoyo gwigwe kuhulira icha Paolo yavoola.

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

Vafeso 5:14

Kindu choosi ikivuuliywi havulavu kigwizaa uvulavu. Yiki nicho kigira nigavooleka, “Vuka, O, ivi ugonaa, simuguka kutura mu likuza, kandi Kristo alang'ereng'ana ku ivi.”

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.

Likunula 3:7

“Ng'odera engelosi wi likanisa liveeye Filadefia: “Yaga nigo amakuva ga uyu oveeye umutakatifu, nu wi ligali. Aveeye nu lufungu lwali lwa Daudi, kandi cha oyo amali kwigura sihaveeye ho nunyala kuhana mba, gwa mali kuhana sihaveeye ho nu unyala kwigura mba.