Luka 22:36 - KITABU KITAKATIFU

³⁶ Yeso yavavolera, “Navuzwa kalunu, ku vosi oveeye ne kebeti cha mabese, akivuguli, kandi oveeye nu musigo akole ndio. Oyo utaveeye ni kivavi, agulize likoti lilie, na aguli kivavi.

Luka 22:36 ပူးပေါင်းရင်းမြစ်များ

Matayo 10:10

Mutaginga umusigo gwu kusaavira mu ku logendo lwinyu, anoho amakooti gaviri, ivilato, anoho imbimbu mba. Kigira kuduuka umuyinziri anyoore ivia adukanaa atumikiri.

Luka 22:35

Maku Yeso yateeva aviigi veve, “Lwa ndamutuma ing'inga yila kuzia vugira kebeti, musigo, nivilato, mwaadaka kindu?” Navo vamuvolera, “Awa.”

Luka 22:37

Kigira muvooleraa ndi Amang'oda Matakatifu agaavoola ndi, ‘Yavalizwa harara na avoni.’ Kuduuka gatwekizwe kuva agiligali ku inzi. Yee agang'odwa ku inzi gaaza kuva agiligali.”

Luka 22:38

Aviigi veve vamuvolera, “Mwami, henza, koveeye ni vivavi viviri hano.” Yeso yavativulira, “Yivio viduuki.”

Yohana 15:20

Mwizurizi likuva lia ndamuvolera: ‘Mutumwa siaveeye munene ligali kuvita mwami weve mba.’ Niiva vadambiza inzi, valadambiza munyi kandi; niiva vahulira likuva liange, valahulira lienyu kandi.

Yohana 16:33

Mali kovora yaga kunangwa munyi muduuki kuva ni mirembe ku lihambanywa ninzi. Mu kivala mulanyola lidambizwa; navuzwa muleme mwoyo! Inzi mali kuguuta kivala!”

1 Vatesalonike 3:4

Lwa kwaali nikukiri ni munyi, kwa muvooleraa nigakiri kwekoleka, ndi kuziiza konyoora lisalira kandi lidambizwa; kuli mumanyi vulahi yaga gamali kwekoleka.

1 Petro 4:1

Kigira Kristo yasaalira mu muviri, munyi kandi mwidinyirizi kwivika mu liiva liukuva kuli ndio; kigira uyu wasalirizwa mu muviri umali kolekana nu uvwoni.