Luka 21:36 - KITABU KITAKATIFU

³⁶ Mulindi, musaale kazozo muluhi muduuki konyoora zinguru kuvitira mu vindu yivio viosi ni mirembe, ivizizaa kwekoleka kandi muve avanyala kusingira imbiri wu Mwana wa Adamu.”

Luka 21:36 ပူးပေါင်းရင်းမြစ်များ

Ayubu 27:10

Avadamanu vanyara kusangara imbiri wa Nyasaye Wanyala Viosi? Vanyara kwanira Nyasaye zing'inga ziosi?

Zaburi 1:5

Kunangwa avadamanu valakalagirwa na Nyasaye, na avoni sivalava harara mu livugana liavalungi mba.

Jeremia 35:19

Kunangwa inze, Yahova Wuvunyali, Nyasaye wa Isiraeli, ndagaa ndi Jonadabu mwana wa Rekabu nave nikisukululwi musaza wu kundumikira mihiga ni mihiga.”

Malaki 3:2

Navuzwa nivwaha unyala kwikuzira kulindilira ku lidiku yilio lwaliza? Nivwaha ulakahononoke lwa aliloleka? Alakaze ni zinguru kuli Isavuni, kandi kuli muliru gwu kutura kivia.

Matayo 24:42

“Kigira yaga, lindi, kigira si mumanyi lidiku liu Mwami winyu aliiza mba.

Matayo 24:43

Navuzwa mwizurizi likuva yili Mwene inyumba alava niyamanya ing'inga yu mwivi yaazaa, ngano yakalindi, kandi siyakaleki inyumba yeeye ivunagwe mba.

Matayo 24:44

Kunangwa, munyi mwetegeke kandi kazozo, kigira Umwana wa Adamu alakaze ing'inga ya mutaganagana.”

Matayo 25:13

Kunangwa Yeso yamaliriza navoora, “Mugerihi, mulindi, kigira si mumanyi lidiku anoho ing'inga mba.”

Matayo 26:41

Muhenze kandi musaale gase Setani alamugeriza. Umwoyo gwenyaa, navuzwa umuviri goveeye umudedekere.”

Matayo 8:20

Yeso yamutivulira, “Vivwi viveeye ni zimbangaywa, na amanyonyi gaveeye ni zinyumba ziago, navuzwa Umwana wa Adamu siaveeye na ahokososera mba.”

Marko 13:33

Muhenze, mulindi kigira simumanyi lwi ing'inga yeyo iliduuka mba.

Marko 13:37

Agambooraa ku munyi, mbolera vosi kandi: Mulindi!”

Luka 1:19

Engelosi yamutivulira, “Inzi mbeeye Gabirieli usingiraa imbiri wa Nyasaye; na ndumiywi komoloma na ivi, kandi ngoletere makuva malahi yaga.

Luka 18:1

Maku, Yeso yavolera vigi veve lugano kuvamanyia ndi, gavadukiraa vasaale kazozo vugira kuluha.

Luka 20:35

Navuzwa avasaza na vakali vaduukana kusimuguka kutura mu vakuzu kandi vamenye mu likula lizaa, sivaliletanaa mba.

Luka 21:35

Kigira liladuuka ku avandu vosi avamenyaa ku lirova liosi.

Vikolwa 10:2

Yaali mundu watia Nyasaye. Oyo harara na avinyumba yeeye vosi vasigamira Nyasaye; yahaana zisadaka ku avadaka va Vayuda avanyingi, nasaara kazozo.

1 Vakorintho 16:13

Mulindi, musingiri vudinyu mu lisuuvira lienyu, muve valuviriri, kandi muve ni zinguru.

2 Vakorintho 4:14

Kunyi kwamanya ndi Nyasaye wasimugukiza Mwami Yeso alakasimugukizi kunyi kandi harara na Yeso, kandi alakakuhili, harara ni munyi imbiri weve.

Vakolosai 4:2

Mumenye ligali mu lisaala kazozo, muhongere mu lilinda nu mu lisandiza Nyasaye.

1 Vatesalonike 5:17

musaale Nyasaye vugira kolekera.

1 Petro 4:7

Keheri chi vindu viosi keveeye ahimbi. Kuduuka kandi mwilinda kandi, mwetegeke kunangwa munyalizi kusaala.

1 Petro 5:8

Muve no vogeri, kandi mwetegeke ma mulindi! Umusigu winyu, Setani, avodong'anaa kuli king'ang'a kifuumaa, ni yenya umundu wanyala kumira.

1 Yohana 2:28

Kandi kalunu, avana vakekeeke vange, mumenye mu Kristo, kunangwa lwa alolekaa, kove nuvuluviliri, kandi kuvuli kwivisa mu zisoni imbiri weve ku lidiku lie liza lilie.

Yudasi 1:24

Kalunu uyu, unyala kulinda munyi muvuli kugwa, nu kumusingiriza imbiri wu vukumi vwivwe vugira imbara mu uvusangari ovonene,

Likunula 11:4

Yava vaveeye imisaala giviri ja mizeituni, kandi vinara viviri vie zitaya, visingira imbiri wu Mwami wi lirova.

Likunula 6:17

Lidiku linene liu uvutima vwavo liduuki, nivwaha unyala kusingira imbiri wuvutima yivu?”

Likunula 7:9

Inyima wi ivindu yivi, henza ndaalora kiduma ekenene chu umundu atanyala kuvaliza, nikitulaa ku zihiiri ziosi, nuku vandu vosi, nuku zinimi ziosi, nikisingi imbiri wendeve yu uvwami kandi imbiri wu Mwana wi Ligondi, niviviiki ziganza zindavu kandi avaari na amatu gamakindu mu amakono gaavo.

Likunula 8:2

Maku ndaalora zingelosi saba nivasingira imbiri wa Nyasaye, kandi vahevwe ivisiliva saba.