Luka 19:39 - KITABU KITAKATIFU

³⁹ Valala ku Avafarisayo mu kiduma vavoolera Yeso, “Mwigizi, ogondokere aviigi vovo vakiring'ane!”

Luka 19:39 ပူးပေါင်းရင်းမြစ်များ

Isaya 26:11

Avasigu vovo sivamanyi ndi ulakavahe mageri mba. O, Yahova, uvaviiki mu zisoni na oleke vasaliri. Leka vasaliri maduywa aga umali kuvetegekizira. Uvamanyie kuli uyanza avandu vovo.

Matayo 2:7

Kunangwa, Herodi yalanga avageri vaazana muvwivisu, na yavateveleriza kandi naamanyiriza ing'inga yeng'ereng'ani yaloleka.

Matayo 23:13

“O, vayaye, kilaamo keveeye ku munyi, avigizi vi Lilaga kandi Avafarisayo! Avagaadi munyi! Kigira muhanaa ikiliango chingira mu Vwami vwu mwigulu mu zimoni zia avandu, navuzwa munyi aveene si mwingira mu mba, anoho si muhaanaa uvwiyangu ku yavo avagerizaa kwingira mu mba!

Yohana 12:10

Kunangwa, Avasaalisi vanene valohiza zing'anagani viiti Lazaro kandi.

Yohana 12:19

Kunangwa, Avafarisayo vavolerana, “Muloraa? Sikunyala kokora kindu choosi mba. Heenzi kuli kivala choosi kimulondaa.”

Yakobo 4:5

Muganaganaa agiligali sigaveeye mu Mang'oda Matakatifu gavoora ndi, “Roho wa Nyasaye yavika amenye mu kunyi, yizuuyi likayirwa lilulu.”