Luka 16:3 - KITABU KITAKATIFU

³ Mulindi oyo yaganaganyia mu mwoyo gwigwe, navoora, ‘Ngola ndi Mwami nava nanduliza ku miyinzi ju vulindi? Inzi simbeeye nizinguru ziu kulima mba, kandi mbeeye soni kusavasava.

Luka 16:3 ပူးပေါင်းရင်းမြစ်များ

Esther 6:6

Kunangwa Hamani yingira, na umwami yamuvolera, “Haveeye ho nu mundu wa inzi nyanza ligali kuha uluyali lonene. Nyara kokolera ki mundu mwene oyo?” Hamani yaganagana mu mwoyo gwigwe umwene, “Nivwaha wu mwami yakaheeye uluyali lonene kuli yilu kuvita inzi?”

Tsing'ano 13:4

Mundu mugata niyenya kindu si alakenyoola mba, navuzwa mundu mugulu alanyoola choosi chayenyaa.

Tsing'ano 15:19

Niiva oveeye mugata ulanyora vudinyu havundu hoosi, navuzwa niiva oveeye musuuvirifu, si ulava nuvudinyu mba.

Tsing'ano 18:9

Mundu mugata aveeye mudamanu kuli mundu udiviza.

Tsing'ano 19:15

Unyala kuva mugata niiva wenyaa vugata; zizagilira kogona zindolo, navuzwa ulava ninzara.

Tsing'ano 20:4

Umulimi oveeye mugata ligali kulima mu ing'inga idukanaa, sialava nichokogesa mba.

Tsing'ano 29:21

Niiva mundu alahaana vuli kindu choosi ku vatumikiri veve kutura muvwana vwivwe, mu ing'inga yindi valakavuguli vindu viosi viaveeye navio.

Isaya 10:3

Mulakakole ki lwa Nyasaye alimuha amageri? Mulakakoleki lwa aleetaa kivi kumunyi kutura mu kivala chi ihale? Mulirukira ku vwaha konyoora ovokonyi? Mulakavise hayi vutugi vwinyu?

Jeremia 5:31

Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Hosea 9:5

Munyi mulakolaki ku lidiku litovole lie lisavo kandi ku lidiku lie lisavo lia Yahova?

Matayo 20:8

“Lwa gwaduuka mugolova, umwene kizabibu yavolera mulindi wi vindu vivie, ‘Langa avayinziri, uvatungi mitungu jaavo. Utangiri ku avasamuyi inyima, kuduuka ku avaari vukutanga.’

Marko 10:46

Vaduuka Jeriko; lwa Yeso na aviigi veve, ni kiduma kenene vaali nivaturaa, umboku musavasavi walangwa, Baritimayo, muyaayi wa Timao yaali niyikaye kunyasi kwinzira.

Luka 12:17

Mundu oyo yaatanga liganagana mu mwoyo mwimwe navoora: ‘Ngola ndi kigira simbeeye nahavundu ahambika viamo viange mba?

Luka 16:2

Kunangwa mutugi yamulanga namuvolera, ‘Ni makuva ki gambuliraa ku ivi? Leeta livaliza liu vulindi vwi linyola nu vutumikiri vwi vindu viange; kigira siunyala kuva mulindi wange kandi mba.’

Luka 16:20

Yaali ho kandi mundu mulala mudaka uwalangwa Lazaro, yaali ni zingwagu ku muviri gwigwe gwosi. Yaletwa hakiliango chu mutugi oyo,

Luka 16:22

“Mundu mudaka zana yakuza, zingelosi vamuvugura, nivamwikaliza ku kiritu cha Aburahamu mu Paradiso. Mutugi oyo yakuza kandi naye, naatevwa.

Luka 16:4

Yee, manyi ichanyala kokora. Maku ulwa ngungwa ku miyinzi, avandu valanyingiriza mu zinyumba ziavo.’

Luka 18:4

Ku ing'inga indambi, mukalagi oyo yasura makuva gumukunzakali oyo, navuzwa lwinyima, yavoola mumwoyo gwigwe mwene, ‘Kali nindatizaa Nyasaye, kandi nindahaanaa luyali kuvandu,

Yohana 9:8

Kunangwa, avatende veve na yavo avaari ni vamumanya maziambiri kuli mudaka musavasavi vavoola, “Uyu siaveeye mudaka ula ugiraa kwikala naasava?”

Vikolwa 3:2

Ahene yaho, ha kiliango chi Litembeli ichalangwa “Kirivwa Kilahi,” yaali ho mundu mulala uwaali mulema kutura niyiivulwa. Vuli lidiku yagingwa nukuhirwa ha kirivwa zana, aduuki kusava mabese kutura ku vandu avingiraa mu Litembeli.

Vikolwa 9:6

Navuzwa kalunu vuka, wingiri mu lidaala uwa umanya ovoolerwe amakuva aga udukana okole.”

2 Vatesalonike 3:11

Kovora yaga kigira kunyi kuhuliraa ndi vaveeye ho avalala ku munyi avamenyi nilimenya liu vugata, avavuraa kuyinzira, navuzwa ukwiyingiriza mu makuva ga vandu vandi.