Luka 15:16 - KITABU KITAKATIFU

¹⁶ Yegomba kulia magodo gi zinguruvi zializaa, navuzwa siyaali ho numundu woosi uwamuha kindu cha alia mba.

Luka 15:16 ပူးပေါင်းရင်းမြစ်များ

Ayubu 30:4

Ing'inga yeyo viha vitagwa mu changalangwe na amatu mu militu nivalia kuli chukulia, kali vavugura imiri ji misaala ja meyo nivalia.

Zaburi 142:4

Lwa mbenzaa ku lovega lwu mukono gwange mulungi, si ndolaa mundu unyala kongonya. Sihaveeye nu mundu unyala kosoola, kandi sihaveeye ho nu mundu unyala kuniinda mba.

Zaburi 73:22

ndaali musiru kuli inyama yu mbulimu; sindakumanyiriza mba.

Isaya 44:20

Akombaa ligoke litaveeye kindu kuye. Zing'anagani zizie ziuvusiru zimugotizi ligali kali sianyala konyoora vokonyi kali hakuzu mba. Sianyala kuvugilira umwene ndi kifananyi cha agumiyi mu mukono gwigwe sikeveeye nyasaye mba.

Isaya 55:2

Kigira ki mutumikiri mabese ginyu ku kindu kitakonya? Kigira ki mutumikiri mitungu jienyu navuzwa mukikiri ni inzara? Mumbulirizi vudinyu ligali, na mukore aga inzi mboraa, na mulasangalira viukulia viveeye vilahi ku viosi.

Isaya 57:3

Hambi hano na mukalagirwi munyi avoni! Munyi simuveeye valahi kuvita avasigitiri, avaheyi namalaya mba.

Lisyoma lya Jeremia 4:5

Avandu valiza viukulia vilahi, vakuza ni nzara mu zinzira. Yavo avalindwa nukuvirukizwa vulahi, kalunu viikara ku vitumi vie ligoke.

Hosea 12:1

Vuli kindu cha avandu va Isiraeli vakoola kutura mugamba zuri kuduuka vudiku, keveeye icha vuzwa kandi ichilidiviza. Vugadi kandi vikolwa viekirage viameedeka muvo. Valomba malagano navandu va Asiria kandi vahiraa maguta gimizeituni mu Egebeti.”

Matayo 7:6

“Mutaha izimbwa vindu vitakatifu, gase zilagirung'ana ma zimutanduli; anoho mutasigisira zinguruvi iziluulu zienyu, gase zilaziduvagira hasi.

Luka 15:15

Kunangwa yazia koteeva minyinzi ku mundu mulala wikivala yicho. Munene weve yamuhira mu mulimi gwigwe kulihiza zinguruvi.

Luka 15:17

Lwa yaatanga konyoora vogeri nu ukwimanya mwene, yavoola, ‘Ni vanga ku avatumikiri vababa wange aveeye navo, avaveeye nichukulia kingi na inzi hano ninguza ninzara?