Luka 12:28 - KITABU KITAKATIFU

²⁸ Niiva Nyasaye vulahi vunyasi vwumu mulimi oveeye mwoyo mu mulimi, kalunu na mugamba vulaswamumuliru, sialakola vulahi ligali ku munyi? Munyi avandu vaveeye nilisuvira likekeeke!

Luka 12:28 ပူးပေါင်းရင်းမြစ်များ

Isaya 40:6

Mwoyo gwu mundu guhanzukaa nigovoora, “Ulandizi Likuva!” Ndateeva, “Likuva ki lianandiza?” “Ulandizi ndi avandu vosi mukivala vaveeye kuli uvunyasi; kandi vaveeye kuli vimuli viamaua gu muvulimu.

Matayo 14:31

Ahene yaho Yeso yanyira mukono gwigwe, namugumira, namuvolera, “Ivi wilisuuvira likekeeke! Kigira ki nuhayahayiza?”

Matayo 16:8

Yeso yamanya iziganagani ziavo, yavateva, “Munyi avandu vi lisuuvira likekeeke, kigira ki muvooleranaa amakuva gi livula kuvugura imilaango ji migadi?

Matayo 17:17

Yeso yativura, “Munyi avamuvula ilisuuvira! Ndamenya ni munyi kuduuka ng'inga ki? Ndikuzira ni munyi kuduuka ng'inga ki? Ndeteri umwana zana hano.”

Matayo 17:20

Yeso yavativulira, “Yago gaali ndio kigira ilisuuvira lienyu liveeye ilikekeeke. Muvooleraa agiligali, ni muva vuzwa ni lisuuvira, kali live likekeeke vuzwa kuli luguza lwi lisaazi, munyala kovoolera kiguru yiki, ‘Tula yaaha, wisundi hala!’ Nacho kilisunda. Si keveeye ho ni kindu choosi ikitanyala kunyalika ku munyi mba. [

Matayo 6:30

Kunangwa, niiva Nyasaye aviikaa ndio uvulimu vwu mu milimi, ovoveeho kalunu na mugamba vuviikwa mu muliru si alamuviika ligali, O, munyi avandu vi lisuuvira likekeeke!

Matayo 8:26

Yeso yavateva, “Kigira ki munyi muveeye ni lisuuvira likekeeke?” Kunangwa, yasingira naagondokera imbuza ni nyanza, ma gwaali umulengera umunene.

Luka 8:25

Maku yateeva aviigi veve, “Lisuuvira lienyu liveeye haliha?” Navuzwa vaatia kandi vagenya ligali nivatevanaa aveene naveene, “Ivwaha uyu? Agondokeraa kali imbuza ni viguvuli via amazi, kukiring'ana ma vimuhulira?”

Vahebraina 6:7

Nyasaye agasizaa lirova linwezaa imbura ikubaa kazozo kulio, kandi limeraa vitagwa ni zinguza ziveeye novokoonyi ku yavo avalilimaa; linyoola uvugasu vwa Nyasaye.

1 Petro 1:24

Mang'oda Matakatifu gavoora, “Avandu vosi vaveeye kuli uvunyasi, kandi uvukumi vwavo voveeye kuli kimuli. Vunyasi vwuma, kandi kimuli chavwo kivungulukaa