Luka 12:19 - KITABU KITAKATIFU

¹⁹ Maku ndakevolere inzi mwene, Kalunu mbeeye ni vindu vinyingi vilahi, vianyenyaa ni vitereywi ku mihiga minyingi. Ndavugura liiva linage kuva lilahi, lio kolemeliza. Ndasosa, ndalia, ndanwa kandi sangale!’

Luka 12:19 ပူးပေါင်းရင်းမြစ်များ

Ayubu 14:1

“Mundu wu mukali yivula, aveeye wa amadiku makekeeke, kandi yizuuye ikivi.

Zaburi 49:18

Kali niiva mundu yigutizwa ni livamwoyo yili, na yizominywa kigira limedeka lie miandu jije,

Zaburi 62:10

Mutaviika lisuuvira lienyu litumikira lidambiza; mu lienyolera uvutugi mu vugadi mutasuuvira mu lienyolera vindu ku linuura. Kali niiva uvutugi vuvwo vomedeka, uteeleda kuvwo mba.

Tsing'ano 10:2

Uvutugi vwonyoola muvuchamu si voveeye nu vukala ku ivi mba, navuzwa vulungi vulahonyia livamwoyo liilio.

Tsing'ano 14:24

Vandu vageri vanyoola madanyi gi miandu, navuzwa vandu avasiru vamanyikana kigira vusiru vwavo.

Tsing'ano 18:11

Avandu vatugi vaganagana ndi, vutugi vwavo vuvakingaa kuli lidigi litambi lie zinguru liakumberiza lidaala.

Tsing'ano 23:5

Vutugi vuvwo vunyala kogota kutura ku ivi vwangu, kuli vomeli zimbaha nukuburuka kuli indizu.

Tsing'ano 27:1

Utiyizominya kigira mugamba mba. Siumanyi kinyala kwekoleka kalunu na mugamba mba.

Kohelethu 11:9

Umuyaayi usangale lwa ukikiri muyaayi, uyaanze lwa ukikiri muyaayi. Okole vuli kindu choosi cha wenyaa kokora, kandi olonde limenya liu mwoyo gugwo. Navuzwa wizulizi ndi, Nyasaye azizaa kukukalagira ku vindu viosi via okolaa.

Kohelethu 2:24

Kindu kilahi ligali chu mundu anyala kokora mu kivala nukulia kandi kunwa, nukusangalira viosi viamali konyoora mu liyinzira vudinyu. Navuzwa ndaalora ndi vindu yivi viosi vituraa ku Nyasaye.

Isaya 22:13

Muvugono yivu mwaseka ni musaangara. Mwitaa amagondi kandi zing'ombe ni mulia, kandi ni munwa iwaini. Mwavoora, “Kulie kandi kunwi! Kigira mugamba kulakuza.”

Isaya 5:11

O, vayaayi, kivi keveeye ku munyi! Munyi muturaa mugambazuri nimuzia kunwa, kandi muhambikaa zing'inga zia mugolova.

Isaya 5:8

O, vayaayi kivi keveeye ku munyi! Kigira mumali kugura zinyumba zinyingi kandi milimi komeeda ku vindu via muveeye navio. Nonoho si halavaho nahavundu humundu wundi amenyaa mba, kandi munyi veng'ine mulamenya mu kivala yiki.

Isaya 56:12

Vavolerana, ‘Hambi kuzie kwenya iwaini; hambi kunwi kuhambiki amalwa! Mugamba gulava mulahi kali kuvita kalunu!’ ”

Hosea 12:8

Vavoola, ‘Kunyi koveeye avatugi ligali kandi; kunyi kumali kugwa avahinda. Si aveeyeho mundu unyala konyoora uvugadi, nuvuhinda vwitu vwosi mba.’

Amosi 6:13

Munyi mwigingiraa kigira mumali kugumira lidaala lia Lodebari mwiyizominyaa aveene nimuvoora, “Henza, kunyi kumali kugumira lidaala lia Karinaimu kuzingulu zietu zinene.”

Habakuk 1:16

Kali vasigamira miluvo jaavo kandi vahaana vihaanwa vie visiuviliru kuzio, kigira miluvo jaavo givahezaa choosi cha venya.

Luka 12:18

Ndakora ndi; ndasambura viage viange; manyumbake ivinene kuvita, mwene yimwo; ndateera mu vuswage ni viamo viange viosi.

Luka 16:19

“Yaali ho mundu mulala mutugi, uwiviika zinguvu ziu vuguli ligali zie kiforosadi zie rangi yu muzambarao, kandi zie katani indahi, kandi yamenya mu vusangali vwo kolomba lilia vuli lidiku.

Luka 21:34

“Mugerihi! Mutaleka mioyo jinyu jaza jaminikira mu vuhuvaali vwiliilia kandi mu vuhambiku kandi mu lihenda mwoyo lie livamwoyo yili mba; gase Lidiku yilio, liu Mwana wa Adamu aliiza, lilamunyolelera vwangu kuli umutego.

1 Vakorintho 15:32

Niiva moloma kuli liiva liu mundu, ndaamara kulwaana “Izinyama zinduru ziu mumulitu,” mu Efeso kigira lienya lia vandu vuzwa, ndanyoora vukala ki? Navuzwa niiva vakuzu sivasimugukizwa, kuli lugano lovoolaa, “Leki kunyi kulie kandi kunwi kigira mugamba na kukuzi.”

Vafilipi 3:19

Keheri cha avandu yava keveeye ilidivizwa, kigira nyasaye wavo ni lienya lie imiviri jaavo, kandi vasangalira vindu viavenyekaa vave ni zisoni navio. Zing'anagani ziavo ziveeye vuzwa ku vindu vie lirova yili.

Yakobo 5:5

Livamwoyo lienyu hano ku lirova limali kwizura nu vweremerizi, ni lienyaanziza. Mwayekomeriza munyi aveene kwetegekera lidiku liukwitwa.

1 Petro 4:3

Mwamenya ing'inga indambi mu madiku gaavita nimwagotera mu likora aga avi kivala vayaanza kokora. Ilimenya lienyu liali lie miima midamanu, liegomba lidamanu, uvuhambiki, ilisieva, uvuhambiki vwu mu viduma, ni lisigamira liu kuvihiliriza lie vifananyi.

Likunula 18:7

Kigira uvusaliri uvunyingi no ovovereri, kuli uvukumi ni lieyaanziza lia liehaanira iliene. Liamenya ni lievolera iliene: ‘Ku nzikaye hano, inzi mwamihi wi kikali! Simbeeye mukunzakali mba sindakamanyi ho ovovereri vutangiraa!’

1 Samweli 30:16

Kandi yimilira Daudi kuduuka kuvo. Avatuliri vaali nivasalani hoosi havundu hazana, nivalizaa, nukunwa vilulu, kandi kusangara mu vukinu kigira vilaanye vinene via vaali nivagumiyi kutura mu kivala cha vandu va Filisitia ni Ivuyuda.