Luka 11:2 - KITABU KITAKATIFU

² Yeso yavavolera, “Lwa musaala, muvoore ndi: ‘Baba! Wiitu oveeye Mwigulu Lieta liilio litakatifu lizominywi; Uvwami vuvwo vuuzi.

Luka 11:2 ပူးပေါင်းရင်းမြစ်များ

1 Avami 8:43

huliriza ku lisaala lilie. Mwigulu, mwa ivi omenyi, umuhuliri kandi umukolere cha akoteeva, kunangwa vandu vosi vi lirova vaduuki kumanya ivi kandi vaduuki kutia ivi, kuli vandu vovo Isiraeli vakolanga. Hene yaho valamanya ndi Litembeli lia inzi mali kwumbaka yili ni havundu ha ivi unyala kusigamirwa.

2 Avami 19:19

Kalunu, Yahova Nyasaye witu, ukosoole kutura ku Avasiria, kunangwa izihiiri ziosi zie lirova ziduuki kumanya ndi ivi weng'ine, O, Yahova, oveeye Nyasaye.”

2 Kyetsinyinga 20:6

“O, Yahova Nyasaye wa vaguuga viitu, ivi wamihaa ku vandu vosi vu mulirova. Kutura mwigulu ivi oveeye wi zinguru nu vunyali, na mundu sianyala kuhing'ana naivi mba.

Zaburi 103:20

Mwizominyi Yahova, O, munyi zingelosi vizingulu kandi vuvunyali, avahulira amalago geege, kandi avahulirizaa aga avoolaa.

Zaburi 108:5

O, Nyasaye, ukuminywe Mwigulu igulu, kandi uvukumi vuvwo vove ku lirova liosi.

Zaburi 11:4

Yahova aveeye mu Litembeli lilie Litakatifu, endeve yeeye yu vwami eveeye mwigulu. Ahenzaa avandu havundu hoosi nukumanya via vakora.

Zaburi 57:11

O, Nyasaye, ukuminywe mwigulu igulu, kandi uvukumi vuvwo vove ku lirova liosi.

Kohelethu 5:2

Uganagane ligali imbiri wu kikiri komoloma kindu, kandi utalomba lilagana lia vwangu ku Nyasaye mba. Nyasaye aveeye mwigulu na ivi oveeye hasi, kunangwa utavoola makuva manyingi kuvita ga wenyaa kovora mba.

Isaya 63:16

Ivi oveeye baba wiitu. Avaguuga viitu, Aburahamu na Yakobo, sivavugilira kunyi mba, navuzwa ivi, Yahova, oveeye baba wiitu kandi muhonyi wiitu, kutura kale.

Ezekieli 36:23

Lwa manyia zihiiri uvutakatifu vwi lieta liange linene, ilieta liamwononyia hagati hi zihiiri, maku zilakamanye ndi, Inzi mbeeye Yahova. Inzi Yahova Wuvunyali mali kovora. Ndatumikira munyi avandu va Isiraeli kumanyia zihiiri ndi Inzi mbeeye Mutakatifu.

Danyeli 2:28

Navuzwa aveeye ho na Nyasaye wu Mwigulu, uvula viokogenyia viaviswa. Akovoleraa O, mwami wiitu agazizaa kwekoleka mu madiku gaaza. Kalunu ndakovolera maloto googo, amalola ga walola lwa waali nogonaa.

Danyeli 2:44

Nyasaye wu mwigulu alakasingilizi vwamihi vulivula kohera ing'inga ya vami yavo. Vwami yivu si vuliguutwa mba, navuzwa vulakadivizi vwamihi vundi vwosi, maku vulakave ho mihiga ni mihiga.

Danyeli 7:18

Avandu va Nyasaye Wuvunyali valanyora zinguru ziu vukumi, kandi valava nazio mihiga ni mihiga.”

Danyeli 7:27

Zinguru no vonene vwu vwamihi ku lirova vulakahevwe ku vandu va Nyasaye Wuvunyali. Zinguru ziavo ziu vukumi si zilakahere mba kandi vamiihi vosi vi kivala valakavatumikiri nu kuvatia.”

Hosea 14:2

Mwirane ku Yahova na musaale lisaala yili kuye kuli kihanwa: “Ukusamihi uvwoni vwitu vwosi kandi uvugiliri lisaala lietu. Kunyi kulakwizominya kuli kumali kulaga.

Kyavalevi 10:3

Maku, Musa yavolera Haruni, “Yiki nicho kindu cha Yahova yamoloma ku lwa yavoola, avandu vosi vandumikira, kuduuka vahane luyali ku vutakatifu vwange; inzi indavuula vukumi vwange ku avandu vange!” Navuzwa Haruni yachiring'ana.

Kyavalevi 22:23

Kuli ikihaanwa chu vwihaani, munyala kuhaana mutugu gwakuunya anoho gwavula kolombwa vulahi ku vivero viumuviri gwacho, navuzwa sigunyala kuvugilirwa mu liduukiza liesuuha mba.

Habakuk 2:14

Navuzwa kivala kilakave ni limanya linyingi liu vukumi vwa Yahova kuli zinyanza zizura mazi.

Matayo 10:32

“Mundu vosi uwiyama imbiri wa avandu havulavu ndi aveeye umulondi wange, inzi kandi ndakamwiyame imbiri wa Baba wange oveeye mwigulu.

Matayo 3:2

“Mwiganiri, kigira Uvwami vwu mwigulu voveeye ahimbi.”

Matayo 5:16

Munzira ndala nzere, kuduuka uvulavu vwinyu vumuliki imbiri wa avandu kunangwa vaduuki kolola miyinzi jinyu milahi, ma vizominyi Baba winyu oveeye mwigulu.

Luka 11:1

Lidiku lilala Yeso yaali nasaalaa havundu handi. Lwa yaali niyakamara kusaala, mulala ku aviigi veve yamuvolera, “Mwami kwigize kusaala, kuli Yohana Mubatizi yigiza aviigi veve.”

Varumi 1:7

Kunangwa ng'oderaa munyi vosi avamuveeye mu Rumi, ava Nyasaye yayanza kandi, navalanga vave vatakatifu veve. Zimbavasi ni mirembe kutura ku Nyasaye Baba wiitu, kandi ku Mwami Yeso Kristo zive ni munyi.

Varumi 8:15

Roho wa Nyasaye umali kuhona ku munyi siamukolaa vatugwa kandi kumukola muve nuvuti mba. Mu vogono yivwo, Roho amukolaa muve avana va Nyasaye; na kuzinguru zia Roho uyu, kwanira ku Nyasaye, “Abba, Baba” iliveeye kovora, Baba! Baba wange!

1 Vakorintho 1:3

Nyasaye Baba wiitu kandi Mwami Yeso Kristo ahaane ku munyi zimbavasi.

2 Vakorintho 1:2

Nyasaye Baba wiitu kandi Mwami Yeso Kristo amuhe zimbavasi kandi mirembe.

Vagalatia 1:4

Kristo yihaana umwene kigira uvwoni vwitu kolondekana nu vulaliri vwa Nyasaye oveeye Baba wiitu, aduuki kokohonyia mu likula lidamanu lia kalunu yili.

Vafeso 1:2

Zimbavasi ni mirembe kutura ku Nyasaye Baba wiitu kandi wu Mwami Yeso Kristo zive ni munyi.

Vafilipi 1:2

Nyasaye Baba wiitu harara nu Mwami Yeso Kristo ahaane kumunyi zimbavasi ni mirembe.

Vafilipi 4:20

Uvukumi vove ku Nyasaye Baba wiitu imihiga ni mihiga. Amini.

Vakolosai 1:2

kong'oderaa munyi Vakrisitayo vosi harara na avaamitu avasuuvirifu mu Kristo avaveeye ha Kolosai: Zimbavasi ni mirembe zive ku munyi kutura ku Nyasaye Baba wiitu.

1 Vatesalonike 1:1

Inzi Paolo, harara na Sila na Timateo, kong'oderaa munyi avandu vi likanisa liveeye ha Tesalonike avaveeye ava Nyasaye Baba kandi avu Mwami wiitu Yeso Kristo: Zimbavasi ni mirembe vive ku munyi.

1 Vatesalonike 1:3

Kumwizulizaa mu lisaala lietu ku Nyasaye wiitu kandi Baba kuli muviika lisuuvira lienyu mu vikolwa, kuli vuyanzi vwinyu vomukolaa kuyinzira vudinyu ligali kandi kuli lisuuvirizwa lienyu mu Mwami wiitu Yeso Kristo liveeye lidinyu ligali.

2 Vatesalonike 2:16

Mwami wiitu Yeso Kristo mwene, na Nyasaye Baba wiitu uwakuyanza kandi kuvitira mu zimbavasi zizie naakuha kelemamwoyo chi mihiga ni mihiga kandi lisuuvira lilahi,

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 15:4

Nivwaha unyala kusuura kulandiza ovonene vuvwo? Ivi weng'ine oveeye umutakatifu. Izihiiri ziosi zilaza kandi zilasigamira Ivi, vikolwa vivio via giligali vilolangwa na vandu vosi.”

Likunula 19:6

Ndaahulira kandi umwoyo gwi kiduma kenene, kandi kuli gwa amazi manene gafuumaa, kuli lihirigana linene lie inguba. Ndaahulira mioyo yijo nijivolaa, “Nyasaye yizominywe! Nyasaye wiitu Wuvunyali aveeye mwami.

Likunula 20:4

Maku ndaalora zindeve ziu uvwami, kandi avandu viikara kuzio, na vahevwa uvunyali vwi likalaga. Kandi ndaalora imioyo ja avandu viitwa kigira vilwaza likuva lia Nyasaye. Sivali nivasigamiyi iking'ang'a anoho kifananyi chacho mba, anoho mu makono gaavo kandi sivali nivaduyiywi umuhuri mu uvweni vwavo kuva ikimanyiru chi king'ang'a yicho mba. Vasimuguka kandi vamiiha harara na Kristo ku mihiga elefu.