Luka 1:17 - KITABU KITAKATIFU

¹⁷ Alimiira imbiri wu Mwami weve nu mwoyo kandi ni zinguru kuli ziu muporofeti Elija. Alakahambanyie avababa na avana vaavo kandi; alalomba avibaali na avatatiizaa Nyasaye vaganagane kuli avalungi vaganagana; alaketegekiziri Mwami avandu veve.”

Luka 1:17 ပူးပေါင်းရင်းမြစ်များ

1 Avami 17:1

Muporofeti walangwa Elija, kutura Tishibe mu kivala cha Gileadi, yavolera mwami Ahabu, “Mu lietia lia Yahova, Nyasaye oveeye mwoyo wa Isiraeli, wa inzi ndumikiraa, ngovolera ndi sihalavaho ni lime anoho imbura ku mihiga giviri anoho jivaga kuduuka lwambolera.”

1 Avami 18:18

Elija yativura “Inzi simbeeye mudambizi mba. Ni ivi harara na baba woovo avaveeye vadambizi. Ivi uvula kuhulira malago ga Yahova nukusigamira vifananyi via Baali.

1 Avami 21:20

Lwa Ahabu yalora Elija, yavoola, “Unyooye kandi, O, musigu wange?” Elija yativura navoora, “Yee, mali kokonyoola. Ivi wihaani mwene kokora agaveeye madamanu mu zimoni zia Yahova.

2 Avami 1:16

namuvolera, “Yiki nicho cha Yahova avoora: ‘Kigira utumi avatumwa koteeva amakuva ku Baalizebubu, munyasaye wa Ekironi kuli sihali na Nyasaye mu Isiraeli wa uteeva makuva, siulahona ligali mba; ivi ligali ulakuza!’ ”

1 Kyetsinyinga 29:18

O, Yahova Nyasaye wa vaguuga viitu Aburahamu, Isaka na Yakobo, viika liehaana yili mu mwoyo, live Lie zinguru mu mioyo ja avandu vovo ku mihiga ni mihiga, na ugikole give misuuvirifu ku ivi kazozo.

2 Kyetsinyinga 29:36

Mwami Hezekia harara na avandu vosi vasangala ku aga Nyasaye yaali navakoleeye, kigira miyinzi je Litembeli jakoleka vwangu ligali.

Zaburi 10:17

O, Yahova, ivi uhuliraa lisaala lia yavo avaveeye vahocha; ivi ulavadinyiriza.

Zaburi 111:10

Kutia Yahova ni litangilira liovogeri. Yavo vosi avalondaa malago geege vavezaa ni limanyiriza lilahi. Yahova yizominywe mihiga ni mihiga. Lizominywa lia Yahova lihindiraa mihiga ni mihiga.

Zaburi 78:8

Sivalava kuli avaguuga vaavo mba, avandu vi liebaala kandi avatahuliraa; avi lisuuvira liavo mu Nyasaye siliali lidinyu kali hakuzu mba, kandi sivali avasuuvirifu kuye zing'inga ziosi.

Isaya 29:24

Avandu vasiru valiiga kumanyiriza, kandi yavo avililiraa kazozo valayaanza ukwigizwa.”

Amosi 4:12

Kulwayago, avandu va isiraeli ndahaana amageri ku munye. Na kigira ndakora yaga; mwegegeke konyoora likalaga liange.”

Matayo 11:14

kandi munyi ni muva ni muvugiliraa kusuuvira lilwaza liavo, Yohana niye Elija, uwiliiza lilie liaporofetwa.

Matayo 14:4

Kigira Yohana yavolera Herodi, “Ni vudamanu ivi koleta Herodia, mukali wa amwavo woovo!”

Matayo 3:3

Yohana uyu niyie wu muporofeti Isaya yamoloma amakuva geege na avoora, “Umwoyo gwu Mundu guhanzukaa mwigendanyama: ‘Mulombe inzira yu Mwami, mulungikizi mihanda jije.’ ”

Matayo 3:4

Yohana yiviika inguvu yanavwa ku uvwoya vwi ing'amia, nayeevoha musibi gwe kesero mu kekenge chiche. Viukulia vivie viali zisigi nu uvwuki vwu mu mulitu.

Luka 1:16

Aliranyia avanyingi ku avandu va Isiraeli ku Mwami Nyasaye wavo.

Luka 1:76

“Ivi, mwana wange, ulalangwa muporofeti wa Nyasaye Oveeye igulu Ligali. Ulazia imbiri wu Mwami kumulombera zinzira zizie.

Yohana 1:13

Yava sivaveeye avana va Nyasaye ku liivulwa lia masahi, anoho kuzingulu ziu muviri, anoho kuvulaliri vwa avandu, navuzwa ku vulaliri vwa Nyasaye.

Yohana 1:34

Mali kolola kandi muvooleraa ndi aveeye Mwana wa Nyasaye.”

Yohana 3:28

Munyi aveene muveeye avalolekizi vange ku aga ndavoora ndi, ‘Inzi simbeeye Mesia, navuzwa ndatumwa na Nyasaye kwimilira imbiri weve!’

Vikolwa 10:33

Kigira yaga, ndatuma avandu ku ivi vwangu, na okoli vulahi kuuza. Kalunu, kunyi koveeye imbiri wa Nyasaye, ukuhulira amakuva goosi aga ivi ulagiywi nu Mwami okovolere kunyi.”

Varumi 9:23

Yenya kandi kuvuula vukumi vwivwe vunyingi vwaviikwa ku kunyi avakoveeye viju viu vukumi vwivwe, yavo avavetegekiza vanyoore vukumi vwivwe.

Vakolosai 1:12

musandiza Baba, umali kumuvugilira kusanga mu miandu juvugasu vwa Nyasaye yavikira Vakrisitayo veve mu vwami vwu vulavu.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

1 Yohana 2:28

Kandi kalunu, avana vakekeeke vange, mumenye mu Kristo, kunangwa lwa alolekaa, kove nuvuluviliri, kandi kuvuli kwivisa mu zisoni imbiri weve ku lidiku lie liza lilie.

Likunula 20:4

Maku ndaalora zindeve ziu uvwami, kandi avandu viikara kuzio, na vahevwa uvunyali vwi likalaga. Kandi ndaalora imioyo ja avandu viitwa kigira vilwaza likuva lia Nyasaye. Sivali nivasigamiyi iking'ang'a anoho kifananyi chacho mba, anoho mu makono gaavo kandi sivali nivaduyiywi umuhuri mu uvweni vwavo kuva ikimanyiru chi king'ang'a yicho mba. Vasimuguka kandi vamiiha harara na Kristo ku mihiga elefu.

1 Samweli 7:5

Maku Samweli yalanga vandu va Isiraeli vosi vavugane ha Mizipa navavolera, “Ndasaalira munyi ku Yahova uwene yeyo.”